ఉబెర్ యాప్‌లో మెట్రో రైలు వివరాలు
ప్రజా రవాణా వ్యవస్థలో ఎంతో కీలకమైన హైదరాబాద్ మెట్రో రైల్‌ లిమిటెడ్‌తో ప్రముఖ క్యాబ్ అగ్రిగేటర్‌ సంస్థ ఉబెర్ ఒప్పందాన్ని కుదుర్చుకున్నట్లు గురువారం ప్రకటించింది.
కరోనా ప్రభావంతో రాకపోకలు పూర్తిగా స్తంభించిపోయాయి. ప్రజా రవాణా వ్యవస్థ ఎక్కడిక్కడే నిలిచిపోయింది. ప్రైవేట్ క్యాబ్, టాక్సీలు తప్ప పబ్లిక్ ట్రాన్స్ పోర్టు రోడ్డెక్కేందుకు జంకుతున్నాయి. ఆన్ లాక్ ప్రక్రియలో భాగంగా ఒక్క ప్రధాన నగరాల్లో మెట్రో రైళ్లకు అనుమతి ఇచ్చింది ప్రభుత్వం. అయితే, మెట్రో ప్రయాణికులకు అసౌకర్యం కలగకుండా ఉండేందుకు ప్రైవేట్ క్యాబ్ సరికొత్త సౌకర్యాలతో ముందుకు వస్తున్నారు.ఇందులో భాగంగా ప్రజా రవాణా వ్యవస్థలో ఎంతో కీలకమైన హైదరాబాద్ మెట్రో రైల్‌ లిమిటెడ్‌తో ప్రముఖ క్యాబ్ అగ్రిగేటర్‌ సంస్థ ఉబెర్ ఒప్పందాన్ని కుదుర్చుకున్నట్లు గురువారం ప్రకటించింది. ఈ ఒప్పందం ప్రకారం ఉబెర్ యాప్‌లో మెట్రో రైలుకు సంబంధించిన సమాచారం అందుబాటులో ఉంటుంది. కొత్త ఫీచర్‌తో మెట్రో ప్రయాణికులు, ఉబెర్ వినియోగదారులు తమ ప్రయాణాన్ని ప్రణాళికబద్ధంగా మార్చుకునేందుకు వీలవుతుందని పేర్కొంది.
Uber app to show Public Transport option (via: https://t.co/rzniUpSFiO)
Uber launches public transport feature in Hyderabad (via: https://t.co/C43CrqwWov)https://t.co/8C1y9FFfWX
— Hyderabad news (@newsFromHyd) September 17, 2020
ఇప్పటికే ఢిల్లీ మెట్రోతో ఉబెర్ సంస్థ గతేడాది అక్టోబర్‌లో ఒప్పందం కుదుర్చుకుంది. ఉబెర్ యాప్‌లో ప్రజా రవాణా వ్యవస్థలో ఉండే ప్రయాణ సాధనాల ప్రత్యక్ష సమయాలను, మార్గాలను ప్రయాణికులు ఆన్‌లైన్‌లోనే తెలుసుకునేందుకు వీలవుతుంది. దీంతో నగరంలో ఉబెర్ ప్రయాణికులకు మెట్రోతో పాటు ఆర్టీసీ బస్సులతో అనుసంధానం ఏర్పడ ఎక్కడా జాప్యం లేకుండా వేగంగా నిర్ణీత సమయంలో తమ గమ్య స్థానాలను చేరుకోవచ్చని ఉబెర్ ఒక ప్రకటనలో తెలిపింది. ముఖ్యంగా మెట్రో రైలు ప్రయాణంలో ఫస్ట్‌ అండ్‌ లాస్ట్‌ మైల్‌ కనెక్టివిటికీ రైడ్‌ షేరింగ్‌ మోడ్‌లు ఈ యాప్‌లో ప్రయాణికులకు అందుబాటులోకి వస్తాయని ఉబెర్ వివరించింది.
