పార్కులో వింత మంట.. నెట్టింట్లో వైరల్ అయిన వీడియో..!

Park fire: కోవిద్-19 విజృంభిస్తోంది. ఈ వైరస్ కట్టడికోసం చాలా దేశాలు లాక్ డౌన్ విధించాయి. దీంతో జ‌నం ఇళ్లకే ప‌రిమిత‌మ‌య్యారు. అయితే.. ఈ వీడియో చూస్తే షాకవ్వడం ఖాయం. సహజంగా అగ్ని ప్రమాదం జరిగినప్పుడు, కార్చిచ్చు రేగినప్పుడు… మంటలు… ఇష్టమొచ్చినట్లు ఎగసిపడతాయి. వాటికి అడ్డొచ్చిన అన్నింటినీ తగలబెట్టేస్తాయి. స్పెయిన్‌లోని కలహొర్రాలోని పార్కులో మాత్రం… మంట అలా చెయ్యలేదు. ఓ పద్ధతిలో వెళ్తూ… ఎండిన గడ్డి మొక్కల్ని మాత్రమే తగలబెడుతూ ముందుకుసాగింది.

కాగా.. మధ్యలో కొన్ని చెక్క బెంచీలు, చెట్లు ఉన్నా.. మంట వాటి జోలికి వెళ్లలేదు. ఇది ఎలా సాధ్యం అని నెటిజన్లు ప్రశ్నించుకున్నారు. సముద్రంలో అల వచ్చినట్లుగా మంట ఇలా వచ్చి… అలా వెళ్లిపోవడం అందర్నీ ఆశ్చర్యపరుస్తోంది. ఈ వీడియోని ఫేస్‌బుక్‌లో షేర్ చెయ్యగా… ఇప్పటికే దీన్ని వేల మందికి పైగా చూశారు. ఇది నెట్టింట్లో హల్ చల్ చేస్తోంది.