Beetroot in Winters: చలికాలంలో సూపర్ ఫుడ్ బీట్ రూట్.. రోజు జ్యూస్ గా తీసుకోవడం వలన అనేక ఆరోగ్య ప్రయోజనాలు..

Beetroot In Winters

Beetroot in Winters: బీట్‌రూట్ (Beetroot) ఒక సూపర్ ఫుడ్. పోషక విలువలతో నిండి ఉంటుంది. బీట్‌రూట్‌ను సూపర్‌ఫుడ్‌గాకూడా పిలుస్తారు. ఎందుకంటే సూపర్‌ఫుడ్‌లో సగటు కంటే ఎక్కువ ఖనిజాలు, విటమిన్లు ఉంటాయి కనుక సూపర్ పుడ్ లో బీట్‌రూట్ అగ్రస్థానంలో ఉంది. బీట్ రూట్ లో విటమిన్ సి, ఫోలేట్, పొటాషియం, ఫైబర్, యాంటీఆక్సిడెంట్లు అధికంగా ఉన్నాయి. ఇది రక్తాన్ని శుద్ధి చేస్తుంది. రక్తం సరిగా సరఫరా అయ్యేలా చేస్తుంది. బీట్ రూట్ శీతాకాలపు వెజిటేబుల్.. ఎందుకంటే ఇది చలికాలంలో ఆరోగ్యంగా , వేడిగా ఉండేలా చేస్తుంది. దీనిని సలాడ్ రూపంలో, ఉడికించి, కాల్చి లేదా పచ్చిగా తినవచ్చు.

చలికాలంలో బీట్‌రూట్ ను ఆహారంగా తీసుకోవడం మంచిది. ఇందులో ఫైటో న్యూట్రియంట్స్ ఉన్నాయి. వీటిని బీటాలైన్స్ అని కూడా పిలుస్తారు. అంతేకాదు బీట్ రూట్ లో శక్తివంతమైన యాంటీ ఆక్సిడెంట్, యాంటీ ఇన్ఫ్లమేటరీ, డిటాక్సిఫికేషన్ లక్షణాలు ఉంటాయి. చలికాలంలో శక్తిని , రోగనిరోధక శక్తిని పెంచే ఆహారాల కోసం చూసేవారికి బెస్ట్ ఎంపిక బీట్‌రూట్. బీట్‌రూట్ జ్యూస్ తాగడం వల్ల ఆరోగ్యకరమైన రక్తనాళాలు, మెదడు పనితీరుతో సంబంధం ఉన్న నోటి బ్యాక్టీరియా మిశ్రమాన్ని ప్రోత్సహిస్తుందని ఒక కొత్త అధ్యయనంలో తెలిసింది. ఈ అధ్యయనం ఫలితాలు ‘రెడాక్స్ బయాలజీ’ జర్నల్‌లో ప్రచురించబడ్డాయి

శీతాకాలంలో బీట్‌రూట్ తినడం వల్ల కలిగే ఆరోగ్య ప్రయోజనాలు:

బీట్ రూట్ జ్యూస్ అత్యంత ప్రభావవంతమైన డిటాక్స్ పానీయాలలో ఒకటి. కాలేయ కణాలను ఉత్తేజపరుస్తుంది. శరీరం నుండి విష పదార్ధాలను బయటకు పంపుతుంది. జ్యూస్‌లోని గ్లైసిన్, బీటైన్.. శరీరంలో కొవ్వు ఆమ్లాలు పేరుకుపోకుండా నిరోధిస్తాయి.

జుట్టు పెరుగుదల: జుట్టు రాలుతుందని ఇబ్బంది పడుతుంటే..రోజువారీ ఆహారంలో బీట్‌రూట్‌ను చేర్చుకోవాలి. ఈ దుంప రసం జుట్టు రాలడాన్ని నివారిస్తుంది. దీనిలో పొటాషియం అధికంగా ఉంటుంది. జుట్టు పెరుగుదలకు ఈ పోషకం చాలా అవసరం. కనుక బీట్ రూట్ రసం జుట్టు పెరుగుదలకు మంచి సహాయకారి.

గుండెకు మంచిది: అనేక అధ్యయనాల ప్రకారం, బీట్‌రూట్ రసం తాగడం వల్ల రక్తపోటు తగ్గుతుంది.అంతేకాదు గుండె ఆరోగ్యంగా ఉంటుంది. రక్తపోటు ఉన్నవారికి కూడా మంచి మెడిసిన్ బీట్ రూట్ జ్యూస్. బీట్‌రూట్ రసంలో నైట్రేట్ ఉంటుంది. ఇది నాళాల్లో చేరుకొని రక్తపోటును తగ్గించడంలో సహాయపడుతుంది.

రోగనిరోధక శక్తిని పెంచుతుంది: కోవిడ్-19, సీజనల్ వ్యదులైన ఫ్లూ వంటివి దరి చేరకుండా మంచి రోగనిరోధక శక్తిగా పనిచేస్తుంది. బీట్‌రూట్ లో విటమిన్ ఎ & సితో పాటు బీటైన్, ఫోలిక్ యాసిడ్, ఐరన్, పొటాషియంలు ఉన్నాయి. ఇవి ఆరోగ్యాన్ని పెంచుతాయి.

మచ్చలు, పిగ్మెంటేషన్‌ను తగ్గిస్తుంది: బీట్ రూట్ లో విటమిన్ సి పుష్కలంగా ఉంటుంది. ఈ దుంప రసం మచ్చలు, పిగ్మెంటేషన్లను తగ్గిస్తుంది. చర్మపు రంగును నిగారించేలా చేస్తుంది.

Also Read:

Weight Loss Diet: ఆకుకూరలతో వేగంగా బరువు తగ్గొచ్చు తెలుసా..? అవేంటంటే..