State Bank Of India: కస్టమర్లకు తీపికబురు అందించిన SBI.. నగదు డిపాజిటర్లకు సూపర్ భెనిఫిట్..

State Bank Of India: స్టేట్ బ్యాంక్ ఆఫ్ ఇండియా SBI సంక్రాంతి కానుకగా తన కస్టమర్లకు తీపికబురు అందించింది. అదేంటంటే.. ఫిక్స్‏డ్ డిపాజిట్ FD రేట్లను పెంచుతున్నట్లు తెలిపింది. అయితే సెలక్ట్ చేసిన వారి టైంలిమిట్‏లోనే ఫిక్స్‏డ్ డిపాజిట్లపై వడ్డీ రేట్లు పెరిగాయి. దీంతో బ్యాంకుల్లో డబ్బులు దాచుకునే వారికి బెనిఫిట్ కలుగుతుంది. రూ.2 కోట్ల లోపు ఎఫ్‏డీలపై వడ్డీ రేట్లను సవరించింది. జనవరి 8 నుంచి వడ్డీ రేట్ల ఈ అంశం అమలులోకి రానుంది. అంతేకాకుండా వచ్చే రెండెళ్ళలోపు కాల పరిమితిలోని ఫిక్స్‏డ్ డిపాజిట్లపై బ్యాంక్ వడ్డీ రేట్లను 10 బేసిస్ పాయింట్ల వరకు పెంచింది.

ఇక తాజాగా నిర్ణయం ప్రకారం ఎఫ్‏డీ రేట్లను పెంచుతున్నట్లు ప్రకటించిన ఎస్‏బీఐ, ఇక రెన్యూవల్ చేసుకునే ఫిక్స్‏డ్ డిపాజిట్లకు కూడా ఇది వర్తించనుంది. 2020 సెప్టెంబర్ 10న ఫిక్స్‏డ్ డిపాజిట్లను సవరించింది. రేట్లు పెంచిన తర్వాత బ్యాంకుల్లో పిక్స్‏డ్ డిపాజిట్ల రేట్లు వారం రోజుల నుంచి 45 రోజుల టైం లిమిట్‏లోని ఎఫ్‏డీలపై వడ్డీ రేటు 2.9 శాతంగా ఉంది. ఇక 46 రోజుల నుంచి 179 రోజుల ఫిక్స్‏డ్ డిపాజిట్లపై 3.9 శాతం వడ్డీ వస్తుంది. 180 రోజుల నుంచి ఏడాది లోపు ఫిక్స్‏డ్ డిపాజిట్లపై 4.4 శాతం వడ్డీ లభిస్తుంది. ఇక సంవత్సరం నుంచి రెండేళ్ళలోపు ఫిక్స్‏డ్ డిపాజిట్లపై 5 శాతం వడ్డీ వస్తుంది. అలాగే రెండేళ్ళ నుంచి మూడేళ్ళ లోపు ఫిక్స్‏డ్ డిపాజిట్లపై వడ్డీ రేట్లు 5.1 శాతం వడ్డీ శాతం పొందొచ్చు. 3 ఏళ్ళ నుంచి 5 ఏళ్ళ లోపు ఫిక్స్‏డ్ డిపాజిట్లపై 5.3 శాతం వడ్డీ వస్తుంది. ఇక ఐదేళ్ళ నుంచి పదేళ్ళలోపు ఫిక్స్‏డ్ డిపాజిట్లపై 5.4 శాతం వడ్డీ రేటును పొందవచ్చు. అంతేకాకుండా వృద్ధులు కూడా అదనంగా 50 బేసిస్ పాయింట్ల వరకు వడ్డీని పొందవచ్చు.

Also Read: Gold KYC: బంగారం కొనుగోళ్లపై ఎలాంటి కేవైసీ అవసరం లేదు.. స్పష్టం చేసిన కేంద్ర మంత్రిత్వ శాఖ

State Bank Of India: SBI కస్టమర్లకు గుడ్ న్యూస్.. ఆ లోన్ తీసుకునేవారికి బంపర్ ఆఫర్..