తమిళ తంబిలా మారిపోయిన హర్బజన్
యునైటెడ్ అరబ్ ఎమిరేట్స్ (యూఏఈ) వేదికగా సెప్టెంబర్ 19 నుంచి నవంబర్ 10 వరకు ఐపీఎల్-2020 సీజన్ ప్రారంభం కానున్న నేపథ్యంలో టీమిండియా క్రికెటర్ హర్భజన్ తమిళతంబి అవతారమెత్తాడు. చెన్నై సూపర్ కింగ్స్ కు..
యునైటెడ్ అరబ్ ఎమిరేట్స్ (యూఏఈ) వేదికగా సెప్టెంబర్ 19 నుంచి నవంబర్ 10 వరకు ఐపీఎల్-2020 సీజన్ ప్రారంభం కానున్న నేపథ్యంలో టీమిండియా క్రికెటర్ హర్భజన్ తమిళతంబి అవతారమెత్తాడు. చెన్నై సూపర్ కింగ్స్ కు ప్రాతినిధ్యం వహిస్తోన్న పంజాబ్ కు చెందిన ఈ ఆఫ్ స్పిన్నర్ సోషల్ మీడియాలో ఒక వీడియో వదిలాడు. కరోనా వ్యాప్తి నేపథ్యంలో జాగ్రత్తగా ఉండండంటూ తమిళంలో పలు సూచనలు చేశాడు. మాస్కు తప్పనిసరిగా ధరించాలని, అనవసరంగా బహిరంగ దేశాల్లో తిరగొద్దని చెన్నై అభిమానులను కోరాడు. అత్యవసరమైతేనే బయటికి రావాలన్నాడు. 2018లో చైన్నై జట్టులో చేరిన భజ్జీ సీఎస్కే తరపును ఇప్పటివరకు 24 మ్యాచ్లు ఆడి 23 వికెట్లు తీశాడు. మొత్తంగా ఐపీఎల్లో 160 మ్యాచ్ లు ఆడి 7.05 సగటుతో 150 వికెట్లు ఖాతాలో వేసుకుని తన ట్రాక్ రికార్డ్ కొనసాగిస్తున్నాడు.
Mask podu @ChennaiIPL ?? @chennaipolice_ pic.twitter.com/qZBIRVt74g
— Harbhajan Turbanator (@harbhajan_singh) August 26, 2020