దోమకాటుతో కరోనా వైరస్ వ్యాప్తి చెందుతుందా..?

COVID 19: కరోనా రాకాసి ప్రజలకు కంటి మీద కునుకు లేకుండా చేస్తోంది. ఈ తరుణంలో మనిషికి అనేక సందేహాలు తలెత్తుతున్నాయి. సూక్ష్మజీవి అయిన ఈ వైరస్ ఎక్కడైనా ఉండే సత్తా దానికి ఉంది. అలాంటి ఈ మహమ్మారి ఇప్పుడు ప్రపంచదేశాలను అతలాకుతలం చేస్తోంది. దీన్ని నివారించేందుకు శాస్త్రవేత్తలు చేస్తున్న ప్రయత్నాలు అన్ని ఇన్ని కాదు.. ప్రస్తుతం కరోనా కారణంగా దేశమంతా లాక్ డౌన్ లో ఉన్న సంగతి తెలిసిందే. అటు మన దేశంలో కూడా 21 రోజుల లాక్ డౌన్ నడుస్తోంది. మొత్తం బంద్ కావడంతో జనాలందరూ ఇళ్లకే పరిమితమయ్యారు. ఇలాంటి వేళ వారిలో అనేక డౌట్స్ వెల్లువెత్తుతున్నాయి. కొన్నింటికి సమాధానం దొరికినా.. మరికొన్నింటిని విషయాల్లో మాత్రం ఏ క్లారిటీ రాని పరిస్థితి ఏర్పడింది. ఇక తాజాగా ప్రజల్లో మెదులుతున్న ఓ డౌట్.. దోమ కాటు కారణంగా కరోనా వైరస్ వ్యాప్తి చెందుతుందా.? దీనిపై తాజాగా కేంద్రం ఓ క్లారిటీ ఇవ్వడంతో అందరూ ఊపిరి పీల్చుకున్నారు.

దోమకాటు కారణంగా ఈ కరోనా వైరస్ వ్యాప్తి చెందదని కేంద్ర ప్రభుత్వం స్పష్టం చేసింది. అదే సమయంలో ఈగ ద్వారా కూడా వ్యాపించే అవకాశం లేదని వెల్లడించింది. అదే కాకుండా సోషల్ మీడియాలో వస్తున్న పలు ప్రచారాల్లో ఎలాంటి వాస్తవం లేదని క్లారిటీ ఇచ్చేసింది. ఇంచక్కా ఇంట్లో నుంచి బయటికి రాకుంటే చాలని తెలియజేసింది. వీలైనంత ఎక్కువగా సామాజిక దూరాన్ని పాటించడం మంచిదని కేంద్రం మరోసారి ప్రజలకు సూచించింది.

For More News:

తెలంగాణలో రాత్రి కర్ఫ్యూ పొడిగింపు..?

కరోనా కల్లోలం.. చైనాను దాటేసిన అమెరికా..

కరోనా ఎఫెక్ట్.. ఏపీలో ఏ టైంకు ఏవి దొరుకుతాయి..?

కరోనా వైరస్ గురించి పాప్ స్టార్ ముందే ఊహించారట.?

కరోనా విలయం.. స్విట్జర్లాండ్‌కు ఫెదరర్ భారీ సాయం..