‘హిట్’ సినిమా సీక్వెల్ ను ప్లాన్ చేస్తున్న నాని .. విష్వక్ సేన్ ప్లేస్ లో ఆ హీరో  

‘ఈ నగరానికి ఏమైంది’ సినిమాతో ఎంట్రీ ఇచ్చిన విశ్వక్ సేన్ ఆతర్వాత ‘ఫలక్ నామ దాస్’ సినిమాతో మరో హిట్ అందుకున్నాడు. ఈ రెండు  సినిమాలతో తనకంటూ ప్రత్యేక గుర్తింపు తెచ్చుకున్నాడు ఈ యంగ్ హీరో. ఇక నాని నిర్మించిన ‘హిట్’ సినిమాతో సాలిడ్ హిట్ అందుకున్నాడు. ఈ సినిమా తర్వాత  పాగల్ అనే సినిమా చేస్తున్నాడు విశ్వక్.

ఈ సినిమా షూటింగ్ కరోనా కారణంగా ఆగిపోయింది. ఇదిలా ఉంటే ‘హిట్’ సినిమాకు సీక్వెల్ చేసే ఆలోచనలో ఉన్నాడు నాని. నిర్మాత నాని,దర్శకుడు శైలేష్ కొలను సీక్వెల్ విషయాన్ని ఎప్పుడో ప్రకటించారు. కరోనా కారణంగా ఆలస్యం అయ్యింది కాని ఇప్పటి వరకు సీక్వెల్ ప్రారంభం అయ్యేది. అయితే ఈ సీక్వెల్ లో హీరో మారుతున్నాడట. విశ్వక్ కు బదులు అడవి శేష్ తో సీక్వెల్ ను ప్లాన్ చేస్తున్నారట. విశ్వక్ సేన్ ఇతర సినిమాలతో బిజీగా ఉండటం వల్ల అడవి శేష్ ఈ ప్రోజక్ట్ లోకి ఎంట్రీ ఇచ్చాడని తెలుస్తుంది. అయితే ఈ విషయంలో అధికారికంగా క్లారిటీ రావాల్సి ఉంది.