Telangana News: ఓ యువతి ఆత్మహత్యాయత్నం..ఆన్‌లైన్‌లో పోస్ట్.. సకాలంలో స్పందించిన పోలీసులు

Telangana News: హైదరాబాద్ నారాయణగూడ పోలీసు స్టేషన్ పరిధిలో ఓ యువతి ఆత్మహత్యా యత్నం కలకలం సృష్టించింది. తాను ఆత్మహత్య ప్రయత్నం చేస్తూ.. దానిని వీడియో తీసి ఆన్ లైన్ లో పోస్ట్  చేసింది. తమ స్నేహితురాలు ఉరివేసుకుంటున్న విషయం చూసిన ఆ యువతి స్నేహితులు వెంటనే పోలీసులకు సమాచారం అందించారు. వెంటనే స్పందించిన నారాయణగూడ పోలీసుకు హుటాహటిన సంఘటనా స్థలానికి చేరుకొని ఆ యువతిని కాపాడారు. వివరాల్లోకి వెళ్తే..

2018 లో మిస్ తెలంగాణ కు ఎంపికైన యువతి హాసిని అనే యువతి హిమాయత్ నగర్ రోడ్ నెంబర్ 6 లో నివాసం ఉంటుంది. ఈరోజు ఉదయం తాను ఉరివేసుకుని ఆత్మహత్య చేసుకుంటున్నట్లు ఓ వీడియో పోస్ట్ చేసింది. ఈ విషయం సమాచారం అందుకున్న పోలీసులు ఆ యువతి  ఫ్లాట్ కి వెళ్లి ఆమెను రక్షించారు. వెంటనే హైదర్ గూడ అపోలో ఆసుపత్రికి తరలించారు. ప్రస్తుతం ఆసుపత్రిలో చికిత్స పొందుతుంది. బాధితురాలు క్షేమంగా ఉంది. కేసు నమోదు చేసుకున్న పోలీసులు దర్యాపు చేపట్టారు.  ఇటీవలే ఓ యువకుడిపై జూబ్లీహిల్స్ పోలీస్ స్టేషన్ లో శారీరకంగా వేదించారని ఫిర్యాదు చేసినట్లు సమాచారం. ఆత్మహత్యాయత్నానికి గల పూర్తి వివరాలు తెలియాల్సి ఉంది.

Also Read: ఈరోజు సీఎం జగన్ తో భేటీ కానున్న నాగార్జున… సీఎం క్యాంపు కార్యాలయానికి చేరుకున్న సినీ బృందం