Breaking News
  • తూ.గో: పెద్దాపురంలో దారుణం. యర్రా శివశంకర్‌ అనే వ్యక్తిపై నగేష్‌ కత్తితో దాడి. పరిస్థితి విషమం, కాకినాడ ప్రభుత్వాస్పత్రికి తరలింపు.
  • అమరావతి: ఈ రోజు ప్రజాస్వామ్యాన్ని ఖూనీచేశారు. ప్రలోభాలకు లొంగలేదనే మండలి రద్దు తీర్మానం చేశారు. సెలెక్ట్‌ కమిటీ అంటే జగన్‌కు ఎందుకంత భయం. ఇన్‌సైడర్‌ ట్రేడింగ్‌పై ఎందుకు విచారణ జరపలేదు -ఎమ్మెల్సీ బచ్చుల అర్జునుడు.
  • మద్దాల గిరిని ఆర్థికంగా బెదిరించి పార్టీలోకి లాక్కున్నారు.
  • 11 మంది భారతీయ మత్స్యకారులను బంధించిన శ్రీలంక. ఒక పడవను స్వాధీనం చేసుకున్న శ్రీలంక నేవీ సిబ్బంది.
  • తిరుమలలో భక్తుల రద్దీ సాధారణం. శ్రీవారి ఉచిత దర్శనానికి 8 గంటల సమయం. 16 కంపార్ట్‌మెంట్లలో వేచివున్న భక్తులు. ఈ రోజు శ్రీవారి హుండీ ఆదాయం రూ.3.02 కోట్లు. ఈ రోజు శ్రీవారిని దర్శించుకున్న 44,366 మంది భక్తులు.
  • సూర్యాపేట జిల్లా కలెక్టర్‌ అమోయ్‌ కుమార్‌ బదిలీ. అమోయ్‌ కుమార్‌ను రంగారెడ్డి జిల్లాకు బదిలీ చేస్తూ ఉత్తర్వులు. నేరేడుచర్ల ఇంచార్జి కమిషనర్‌ మహేందర్‌రెడ్డి సస్పెన్షన్‌. తహశీల్దార్‌ రాంరెడ్డికి ఇంచార్జి బాధ్యతలు. కేవీపీ ఓటు విషయంలో అధికారుల తీరుపై ప్రభుత్వం చర్యలు.

వాళ్లను చూస్తే గర్వంగా ఉంది: కోహ్లీ

, వాళ్లను చూస్తే గర్వంగా ఉంది: కోహ్లీ

విశాఖ: భారత పర్యటనలో ఉన్న ఆస్ట్రేలియా జట్టు తొలి మ్యాచ్‌లో కోహ్లీ సేనను ఓడించింది. రెండు టీ20 మ్యాచ్‌లలో భాగంగా విశాఖ తీరాన జరిగిన తొలి మ్యాచ్‌ను భారత జట్టు చివరి బంతికి కోల్పోయింది. చివరి రెండు బంతుల్లో 6 పరుగులు చేయాల్సి ఉండగా ఒక ఫోర్, ఒక టూడీ తీసి మ్యాచ్‌ను ఆసిస్ ఆటగాళ్లు ఎగరేసుకుపోయారు.

అయితే మ్యాచ్ అనంతరం టీమిండియా కెప్టెన్ విరాట్ కోహ్లీ మాట్లాడుతూ తన జట్టు బౌలర్లను చూస్తే చాలా గర్వంగా ఉందని చెప్పాడు. ముఖ్యంగా బూమ్రా అయితే మ్యాజిక్ చేశాడని కొనియాడాడు. నాగులు ఓవర్లు వేసిన బూమ్రా 3 కీలక వికెట్లు పడగొట్టాడు. తక్కువ స్కోర్ చేసిన మ్యాచ్‌లలో సహజంగానే నెగ్గడం చాలా కష్టంగా ఉంటుందని, అలాంటిది తాము చివరి బంతి వరకూ మ్యాచ్‌ను తీసుకురాగలిగామంటే అది బౌలర్ల సామర్ధ్యమేనని కోహ్లీ అన్నాడు.

అయితే బ్యాటింగ్‌లో లోపం కారణంగా తాము ప్రధానంగా ఓటమి చెందామని కూడా కోహ్లీ అన్నాడు. ఒక 150 పరుగులు గనక చేసి ఉంటే పరిస్థితి బాగుండేదని అభిప్రాయపడ్డాడు. ఈ మ్యాచ్‌లో ఫస్ట్ బ్యాటింగ్ చేసిన టీమిండియా నిర్ణీత 20 ఓవర్లకు 7 వికెట్లు కోల్పోయి 127 పరుగులు చేసింది. అనంతర ఆసిస్ జట్టు కూడా 20 ఓవర్ల వరకూ ఆడి 7 వికెట్లు కోల్పోయి 128 పరుగులు చేసింది. ఇకపోతే రెండో టీ20 మ్యాచ్ ఫిబ్రవరి 27న బెంగళూరులో జరగనుంది.