Health: గుండెపోటు వచ్చిన వారు పాల పదార్థాలు తీసుకోకూడదా? నిపుణుల మాటేంటంటే..

Heart Attack

గుండెపోటు.. ఒకప్పుడు చాలా తక్కువ మందిలో అది కూడా వయసు మళ్లిన వారిలో మాత్రమే ఎక్కువగా కనిపించేది. కానీ ప్రస్తుతం మారుతోన్న జీవన విధానం, తీసుకుంటున్న ఆహారంలో మార్పుల కారణంగా హృద్రోగాల భారిన పడుతోన్న వారి సంఖ్య రోజురోజుకీ పెరుగుతోంది. కరోనా తర్వాత గుండెపోటు బారిన పడిన వారు సంఖ్య ఒక్కసారిగా పెరిగిపోయింది. అంతేకాదు గుండెపోటు కారణంగా మరణాల సంఖ్య కూడా అదే స్థాయిలో పెరిగింది.

పట్టుమని పాతికేళ్లు కూడా నిండని వారు గుండెపోటుతో మరణించడం అందరినీ ఆందోళనకు గురి చేస్తోంది. ఇక గుండెపోటు బారిన పడి కోలుకున్న వారు కూడా జీవితాంతం ఆరోగ్యం విషయంలో జాగ్రత్తగా ఉండాలని నిపుణులు సూచిస్తున్నారు. ముఖ్యంగా తీసుకునే ఆహారం విషయంలో జాగ్రత్తగా ఉండాలని అంటున్నారు. ఒక్కసారి హృద్రోగం బారిన పడితే తర్వాత జీవన విధానంలో మార్పులు చేసుకోవాలని చెబుతున్నారు. కొన్ని రకాల ఆహార పదార్థాలకు దూరంగా ఉండాలని సూచిస్తున్నారు. ఇంతకీ గుండెపోటు నుంచి కోలుకున్న వారు ఎలాంటి ఆహార పదార్థాలకు దూరంగా ఉండాలో ఇప్పుడు తెలుసుకుందాం..

గుండెపోటు బారినపడి కోలుకున్న వారు పాలు తీసుకోవడంలో ఎలాంటి ఇబ్బంది లేదు. కానీ పాలతో తయారయ్యే చీజ్‌, కండెన్సడ్ మిల్క్‌ వంటివాటికి దూరంగా ఉండాలని చెబుతున్నారు. వీటివల్ల శరీరంలో కొవ్వు శాతం పెరిగే అవకాశాలు ఉన్నాయని సూచిస్తున్నారు. అలాగే హృద్రోగులు చక్కెరకు దూరంగా ఉండాలని చెబుతున్నారు. వీటివల్ల బరువు పెరిగే అవకాశం ఉంటుందని చెబుతున్నారు. ఇది దీర్ఘకాలంలో గుండె సమస్యలకు దారి తీస్తుందని అంటున్నారు.

ఇక గుండెపోటు నుంచి కోలుకున్న వారు ఎట్టి పరిస్థితుల్లో ప్రాసెస్‌ చేసిన ఆహార పదార్థాలకు దూరంగా ఉండాలని నిపుణులు చెబుతున్నారు. సహజంగానే ప్రాసెస్డ్‌ ఫుడ్‌లో సోడియం కంటెంట్ ఎక్కువగా ఉంటుంది. ఇది బీపీకి కారణమవుతుందని నిపునులు చెబుతున్నారు. అలాగే అధికంగా కొవ్వు ఉండే ఫుడ్‌కు దూరంగా ఉండాలని నిపుణులు చెబుతున్నారు. ఇది గుండెపై ప్రతికూల ప్రభావం చూపుతుందని అంటున్నారు. ఇక హృద్రోగులు ఐస్‌క్రీమ్‌ వంటివి తీసుకోకూడదు. ఇందులోని చక్కెర కంటెంట్‌ ప్రతికూల ప్రభావం చూపుతుంది.

నోట్‌: పైన తెలిపిన విషయాలు కేవలం ప్రాథమిక సమాచారం మేరకు మాత్రమే. ఆరోగ్యానికి సంబంధించి వైద్యుల సూచనలు పాటించడమే ఉత్తమం.

మరిన్ని లైఫ్‌ స్టైల్‌ వార్తల కోసం క్లిక్‌ చేయండి..