సెల్‌ఫోన్ ఉంది కదాని భార్య చిలిపి పని.. విషయం తెలిసి విడాకులు ఇచ్చిన భర్త.. ఇంతకీ ఏం చేసిందంటే..?
భార్య, భర్త అనున్య దాంపత్యం మధ్యలో చిన్న చిన్న పనులే చిచ్చు పెడుతున్నాయి. భార్య చేసిన ఓ చిలిపి పనికి విడాకులు ఇచ్చేశాడు ఓ భర్త.
Updated on: Nov 06, 2021 | 8:56 AM
Man Divorces Wife: భార్య, భర్త అనున్య దాంపత్యం మధ్యలో చిన్న చిన్న పనులే చిచ్చు పెడుతున్నాయి. భార్య చేసిన ఓ చిలిపి పనికి విడాకులు ఇచ్చేశాడు ఓ భర్త. ఈ ఘటన జోర్డాన్ దేశంలో చోటుచేసుకుంది. తన తల్లి నిద్రపోతున్న సమయలో చేసిన గురకను రికార్డ్ చేయడం ఈ వివాదం తలెత్తింది. దీంతో జోర్డాన్‌కు చెందిన వ్యక్తి తన భార్యకు విడాకులు ఇచ్చాడని గల్ఫ్ దేశానికి చెందిన స్థానిక మీడియా పేర్కొంది.
వివరాల్లోకెళితే, అత్తగారు రోజు నిద్రపోతున్న సమయంలో గురక పెడుతుండటంతో కోడలుకు చిరాకు తెప్పించింది. దీంతో ఏకంగా గరక పెట్టినట్లు వాయిస్ నోట్‌ను రికార్డ్ చేసి తన కుటుంబ సభ్యుల వాట్సాప్ గ్రూప్‌లో షేర్ చేసింది. దీంతో దంపతుల మధ్య వివాదం మొదలైంది. ఇదే విషయంపై ఇద్దరి మధ్య తీవ్ర స్థాయిలో ఘర్షణ చోటుచేసుకుంది. ఆ వ్యక్తి ఆగ్రహానికి గురయ్యాడు. తరువాత జరిగిన తీవ్ర వాగ్వాదంలో, ఆ వ్యక్తి తన భార్యకు విడాకులు ఇచ్చాడు.
ఇదిలా వుంటే గత దశాబ్ద కాలంగా జోర్డాన్‌లో విడాకుల కేసులు బాగా పెరిగాయని స్థానిక మీడియా పేర్కొంది. డిపార్ట్‌మెంట్ ఆఫ్ స్టాటిస్టిక్స్ ప్రకారం, 2016లో, ఇది మిడిల్ ఈస్ట్‌లో అత్యధిక విడాకుల రేటు నమోదైనట్లు తెలిపింది. 2011లో 1,000గా ఉన్న విడాకుల సంఖ్య.. 2016లో 21,969కి పెరిగింది. చిన్న చిన్న సంఘటనలతోనే దంపతులు విడాకుల దాకా వెళ్తున్నారని వెల్లడించింది.
అయితే, కొంత మంది నిద్రపోయేటప్పుడు నోరు తెరచి నిద్రపోతారు. అప్పుడు వారు ముక్కుతో కాకుండా నోటితో గాలి పీల్చి, వదులుతుంటారు. అయితే… నోట్లోంచీ గాలి ముక్కు రంధ్రాల్లోకి వెళ్లే ప్రయత్నంలో పెద్ద ఎత్తున శబ్దం వస్తుంది. అదే గురక. అలవాటుగా మారి ఇతరులకు ఇబ్బంది కలిగిస్తుంది. వైద్యుల సూచనల మేరకు చికిత్స తీసుకోవచ్చని నిపుణులు సూచిస్తున్నారు.
