Egg Benefits: మొత్తం గుడ్డు లేదా తెల్లసొన? ఇందులో ఏది మంచి ప్రోటీన్.. పరిశోధనలో కీలక విషయాలు

చాలా సంవత్సరాలుగా ఫిట్‌నెస్ కోసం మొత్తం గుడ్డు తినాలా లేదా తెల్లసొనను మాత్రమే తినాలా ? అనే సందేహాలు వ్యక్తం చేస్తుంటారు. గుడ్డులోని తెల్లసొన తరచుగా అధిక ప్రోటీన్, తక్కువ కొవ్వు పదార్ధం కోసం ఇష్టపడతారు. అయితే కొంత మంది నిపుణులు గుడ్లు స్పష్టమైన ప్రయోజనం కలిగి ఉన్నాయని నిరూపిస్తున్నారు. ముఖ్యంగా కండరాలను నిర్మించడంలో కీలక పాత్ర పోషిస్తుందని అధ్యాయనాల ద్వారా తెలుస్తోంది.

2017లో జరిగిన ఒక అధ్యయనంలో గుడ్డులోని తెల్లసొన తినడం కంటే మొత్తం గుడ్లు 42 శాతం ఎక్కువ కండరాల ప్రోటీన్ సంశ్లేషణను ప్రేరేపిస్తాయని తేలింది. రెండింటిలోనూ ఒకే మొత్తంలో ప్రోటీన్ ఉన్నప్పటికీ.. కండరాలను సన్నగా చేసుకోవాలనుకునే ఎవరికైనా ఇది గణనీయమైన తేడా అని చెబున్నారు. కానీ పచ్చసొన ఎందుకు అంత ప్రత్యేకమైనది?

ప్రోటీన్ కంటే ఎక్కువ:

గుడ్డులోని తెల్లసొన ప్రధానంగా అల్బుమిన్‌తో తయారవుతుంది. ఇది కండరాల పునరుద్ధరణకు అద్భుతమైన అధిక నాణ్యత కలిగిన ప్రోటీన్. అయితే, వాటిలో పచ్చసొనలో కనిపించే అనేక సహాయక పోషకాలు లేవు.

• ఆరోగ్యకరమైన కొవ్వులు: ఇవి హార్మోన్ల నియంత్రణ, పోషకాల శోషణకు సహాయపడతాయి.
• ఆహార కొలెస్ట్రాల్: ఇది రక్త కొలెస్ట్రాల్ స్థాయిలపై తక్కువ ప్రభావాన్ని చూపుతుంది. కానీ కండరాల పెరుగుదలకు కీలకమైన హార్మోన్ అయిన టెస్టోస్టెరాన్ ఉత్పత్తికి అవసరం.
• కొవ్వులో కరిగే విటమిన్లు: A, D, E, Kలు కండరాల బలానికి, రోగనిరోధక పనితీరు, శక్తి జీవక్రియకు కీలకమైనవి.
• మెదడు ఆరోగ్యం: కోలిన్, సెలీనియం వంటి సూక్ష్మపోషకాలు మెదడు ఆరోగ్యం, నరాల పనితీరు, యాంటీఆక్సిడెంట్ రక్షణకు ముఖ్యమైనవి.
• ఫాస్ఫోలిపిడ్లు కణ నిర్మాణం, వ్యాయామం తర్వాత కోలుకోవడానికి మద్దతు ఇస్తాయి.
• కండరాలు: ఈ పోషకాలు శరీరం అనాబాలిక్ లేదా కండరాల నిర్మాణ ప్రతిస్పందనను పెంచుతాయి. అంటే పచ్చసొనతో కలిపి తినేటప్పుడు మీ కండరాలు ప్రోటీన్‌ను మరింత సమర్థవంతంగా ఉపయోగించుకుంటాయి.

పుష్కలంగా అమైనో ఆమ్లాలు:

గుడ్లలో తొమ్మిది ముఖ్యమైన అమైనో ఆమ్లాలు ఉంటాయి. అవి పూర్తి ప్రోటీన్‌గా మారుతాయి. గుడ్డులోని తెల్లసొనలో కూడా ఈ అమైనో ఆమ్లాలు ఉన్నప్పటికీ, పచ్చసొనలో కొవ్వులు, విటమిన్లు ఉండటం వల్ల వాటి శోషణ, వినియోగాన్ని మెరుగుపరచడంలో సహాయపడుతుంది. కండరాల పెరుగుదలకు మరింత శక్తివంతమైన ప్రతిస్పందనను సృష్టిస్తుంది.

గుడ్లను ఎక్కువగా అథ్లెట్లు లేదా బాడీబిల్డర్లు తీసుకుంటున్నప్పటికీ.. అవి సాధారణ వ్యక్తులకు, వృద్ధులకు కూడా గణనీయమైన ఆరోగ్య ప్రయోజనాలను అందిస్తాయి. గుడ్డు పచ్చసొనలు గుండె జబ్బులకు కారణమవుతాయనే పాత అపోహలకు విరుద్ధంగా ఈ పరిశోధన ఫలితాలు ఉన్నాయి. గుడ్లను మితంగా తీసుకోవడం చాలా మందికి సురక్షితమైనదని, పోషకమైనదని చెబుతున్నారు పరిశోధకులు.

వృద్ధులకు, గుడ్లు వయస్సు సంబంధిత కండరాల నష్టాన్ని (సార్కోపెనియా) నివారించడానికి అధిక-నాణ్యత ప్రోటీన్‌ను అందిస్తాయి. అలాగే మెదడు పనితీరు, ఎముకల బలానికి మద్దతు ఇచ్చే విటమిన్ డి, కోలిన్, బి12 వంటి ముఖ్యమైన పోషకాలను అందిస్తాయి. అయితే ఏదైనా అనారోగ్య సమస్యలు ఉన్నప్పుడు వైద్యుల సలహా మేరకు తీసుకోవడం మంచిదంటున్నారు నిపుణులు.

మీరు  వైద్యుడు లేదా డైటీషియన్ పచ్చసొనను తినకూడదని సలహా ఇస్తే తప్ప, మీరు మీ కండరాలను నిర్మించే ఆహారంలో పూర్తి గుడ్లను క్రమం తప్పకుండా చేర్చుకోవాలి.

(ఇందులోని అంశాలు నిపుణుల పరిశోధనలు, సలహాలు, సూచనల మేరకు అందిస్తున్నాము. ఏవైనా సందేహాలు ఉంటే నిపుణులను సంప్రదించాలని సూచిస్తున్నాము.)