Cloves: లవంగాలతో దిమ్మతిరిగే ప్రయోజనాలు .. కనీసం మీ ఊహకు కూడా అందవు
లవంగాలు లేని పోపుల డబ్బా ఉండనే ఉండదు. అంతేకాదు దీనిని నార్మల్‌గా కూడా తింటారు. ఎందుకంటే లవంగం వంటల్లో రుచి ఇవ్వడమే కాదు.. ఆరోగ్యాన్ని కూడా కాపాడుతుంది.
Ram Naramaneni | Edited By: Anil kumar poka
Updated on: Feb 23, 2022 | 5:59 PM
Benefits Of Cloves: సుగంధద్రవ్యాల్లో లవంగాలు ఒకటి. దీనిని వంటల్లో ఎక్కువగా ఉపయోగిస్తారు. అటు మసాలా కూరలతో పాటుగా, మాంసాహార కూరల్లో, బిర్యానీ(Biryani) తయారీలో దీన్ని ఎక్కువగా ఉపయోగిస్తారు. లవంగాలు లేని పోపుల డబ్బా ఉండనే ఉండదు. అంతేకాదు దీనిని నార్మల్‌గా కూడా తింటారు. ఎందుకంటే లవంగం వంటల్లో రుచి ఇవ్వడమే కాదు.. ఆరోగ్యాన్ని కూడా కాపాడుతుంది. వైద్య విలువలు కూడా ఉన్నాయి. లవంగాల్ని కూరలతోపాటూ… కాస్మొటిక్స్(Cosmetics), ఫార్మాస్యూటికల్ ఉత్పత్తుల్లో కూడా ఎక్కువగా వాడతారు. అయితే ఈ లవంగాలు తినడం వల్ల కలిగే ప్రయోజనాలు ఎంటో చూద్దాం.
లవంగాల వల్ల కలిగే ప్రయోజనాలు…
- లవంగాలను తినడం వల్ల పళ్లు, చిగుళ్లు దెబ్బతినకుండా ఉంటాయి.
- దంత సమస్యలు, చిగుళ్ల సమస్యల నుంచి ఉపశమనం పొందేందుకు లవంగాలను పొడిగా చేసి ఉపయోగిస్తే నొప్పి నుంచి ఉపశమనం కలుగుతుంది.
- లవంగం నూనెని పంటి నొప్పికి మందుగా వాడతారు
- నోటి నుంచి ఎక్కువగా దుర్వాసన వస్తే.. రెండు మూడు లవంగాలు నమిలితే చాలు.. ఆ దుర్వాసనకు చెక్ పెట్టొచ్చు
- కొందరికి దూర ప్రయాణాలు చేయడం పడదు. ప్రయాణాల్లో మధ్యలోనే వాంతులు చేసుకుంటుంటారు. అలాంటి వారి సమస్యను కూడా లవంగాలతో చెక్ పెట్టొచ్చు. ప్రయాణానికి ముందు ఓ రెండు లవంగాలు తీసుకుంటే సరి. తిన్న ఆహారం జీర్ణం అవ్వడంతో పాటుగా.. వికారం లాంటివి పోతాయి. దీంతో ప్రయాణాల్లో ఎలాంటి ఇబ్బందులు ఉండవు.
- ఇక వర్షంలో తడిసినా.. చల్లని పదార్థాలు, స్వీట్లు తీసుకున్నా.. చాలా మందికి వెంటనే జలుబు, దగ్గు పట్టేస్తుంది. అయితే ఇలాంటి సమయంలో రోజులో ఓ అయిదు లవంగాలను తీసుకుంటే.. త్వరగా ఉపశమనం కలుగుతుంది.
- అంతేకాదు.. ఇవి వ్యాధుల్ని నియంత్రిచడంలో కూడా పనిచేస్తాయి. శరీరంలోని విష పదార్థాల్ని బయటకు పంపడంలో ఇవి బాగా పనిచేస్తాయి.
- రెగ్యులర్‌గా తలనొప్పి వచ్చేవారు.. లవంగాలను తినడం ద్వారా రిలీఫ్ పొందవచ్చు. అంతేకాదు ఇది బీపీని, షుగర్‌ లెవల్స్‌ను కూడా కంట్రోల్‌‌లో ఉంచుతాయి.
- లివర్, స్కిన్ సమస్యలకు కూడా చెక్ పెట్టొచ్చు
- రక్తపోటుకు నివారణకు లవంగం చక్కటి పరిష్కారం. లవంగాలను నమలడం వల్ల రక్తపోటు తగ్గుతుంది
- లవంగాల్లో యూజెనాల్ అనే నూనె ఉంటుంది. ఇది నొప్పి, వాపు, మంటల్ని తగ్గిస్తుంది.
- అల్సర్ సమస్యలకు కూడా లవంగాలతో ఉపశమనం పొందవచ్చు.
అయితే లవంగాలను కూడా మితంగానే వినియోగించాలి. అదే పనిగా వీటిని తింటే ఇబ్బందులు తప్పవు. ఎక్కువగా తింటే నోరు పాడయ్యే చాన్స్ ఉంది. రోజుకు నాలుగైదు కంటే మించకుండా తీసుకోవాలి. పిల్లలకు వీలైనంత తక్కువగా ఇస్తే మంచిది.
గమనిక :- అధ్యయనాలు.. ఆరోగ్య నిపుణుల సూచనలు.. ఇతర ఆరోగ్య సంబంధిత నివేదికల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన సమస్యలపట్ల నిర్ణయాలను తీసుకునే ముందు వైద్యులను సంప్రదించండి
