Health Tips: అధిక బరువు ఉన్న పురుషులు తమ పుట్టబోయే బిడ్డకు ప్రమాదకరం.. ఎందుకో తెలుసా?

అధిక బరువు ఉన్నవారికి అనేక రకాల శారీరక, మానసిక సమస్యలు ఉంటాయి. గుండె జబ్బులు, గుండెపోటు, పక్షవాతం, అధిక రక్తపోటు, అధిక కొలెస్ట్రాల్, కొవ్వు కాలేయం, మధుమేహం, కీళ్ళు, ఎముకలలో నొప్పి, శ్వాస తీసుకోవడంలో ఇబ్బంది, జీర్ణశయాంతర సమస్యలు, నిరాశ, ఆందోళన మొదలైనవి ఉంటాయి. అయితే అధిక బరువు ఉన్న పురుషులకు పుట్టే పిల్లలు కూడా తక్కువ బరువుతో ఉంటారని మీకు తెలుసా?

స్థూలకాయం పురుషుల స్పెర్మ్, DNA నిర్మాణం, నాణ్యతను కూడా ప్రభావితం చేస్తుందని సావో పాలో విశ్వవిద్యాలయానికి చెందిన రిబీరో ప్రిటో మెడికల్ స్కూల్ పరిశోధకులు ఇటీవల ఒక పరిశోధనలో కనుగొన్నారు. 89 మంది తల్లిదండ్రులు, వారి నవజాత శిశువుల బరువును పరిశీలించినప్పుడు పురుషుడి నడుము పరిమాణం, BMI ఎంత ఎక్కువగా ఉంటే, వారి పిల్లల తల చుట్టుకొలత అంత చిన్నదిగా ఉంటుందని వెల్లడైంది.

పరిశోధనలో ఏం తేలింది?

పరిశోధకుడు డాక్టర్ మరియానా రినాల్డి కార్వాల్హో మాట్లాడుతూ, ‘పిండం పెరుగుదల, తల్లి ఆరోగ్యానికి మధ్య ఉన్న సంబంధాన్ని తెలుసుకోవడానికి చాలా పరిశోధనలు జరిగాయి. అయితే పిండం, తండ్రి ఆరోగ్యం కూడా ప్రభావితం చేస్తుందని మా పరిశోధనలో వెల్లడైందని అన్నారు. గర్భధారణ సమయంలో, డెలివరీ తర్వాత పిల్లల ఆరోగ్యం భారతదేశ ఎదుగుదలకు గణనీయంగా దోహదపడుతుందన్నారు.

మా పరిశోధన బ్రెజిలియన్ కుటుంబాలకు సంబంధించిన మొదటి పరిశోధన. ఇది తండ్రి BMI ఎక్కువ, పిల్లల జనన బరువు తక్కువగా ఉంటుందని తేలింది. నవజాత శిశువు ఆరోగ్యం, పెరుగుదలలో తండ్రి ప్రాముఖ్యతను ఇది తెలియజేస్తుంది. తక్కువ బరువుతో పుట్టిన పిల్లలకు టైప్ 2 మధుమేహం, క్యాన్సర్, గుండె జబ్బులు వచ్చే ప్రమాదం ఎక్కువగా ఉందని తెలిపారు.

చెడు జీవనశైలి కారణం

సరైన ఆహారం, జీవనశైలి లేదా ధూమపానం తండ్రి నుండి బిడ్డకు జన్యువులలో మార్పులకు కారణమవుతాయని పరిశోధనలు చెబుతున్నాయి. అధిక బరువు ఉన్న తండ్రులకు పుట్టిన పిల్లలు గర్భంలోనే ఎదుగుదల సంబంధిత సమస్యలను ఎదుర్కోవలసి ఉంటుంది, దీని కారణంగా వారు సరిగ్గా ఎదగరు మరియు వారి బరువు కూడా తక్కువగా ఉంటుంది.

డాక్టర్ కార్వాల్హో మాట్లాడుతూ.. అధిక బరువు తండ్రి స్పెర్మ్ నాణ్యతను ప్రభావితం చేస్తుందని, పిల్లల DNA ను కూడా ప్రభావితం చేస్తుందని పరిశోధనలో తేలినట్లు చెప్పారు. తల్లికి పోషకాహారానికి సంబంధించిన కౌన్సెలింగ్ ఎంత ముఖ్యమో, గర్భధారణకు ముందు తండ్రి జీవనశైలిని మార్చడం కూడా అంతే ముఖ్యమని మా పరిశోధనలు చూపిస్తున్నాయని అన్నారు.

(నోట్‌: ఇందులోని అంశాలు కేవలం అవగాహన కోసం మాత్రమే. నిపుణుల సలహాలు, సూచనల మేరకు అందించడం జరిగింది. ఏవైనా సందేహాలు ఉంటే ఆరోగ్య నిపుణులను నేరుగా సంప్రదించండి.)

మరిన్ని హెల్త్ వార్తల కోసం ఇక్కడ క్లిక్ చేయండి