ఇవేవో పిచ్చి ఆకులు అనుకునేరు.. డయాబెటిస్‌కు బ్రహ్మస్త్రం.. దెబ్బకు షుగర్ కంట్రోల్..

ప్రస్తుత కాలంలో ఎన్నో అనారోగ్య సమస్యలు వెంటాడుతున్నాయి.. ఇలాంటి పరిస్థితుల్లో ఆరోగ్యాన్ని కాపాడుకునేందుకు చర్యలు తీసుకోవడం చాలామంచిది.. దీనికోసం జీవనశైలి, ఆహారంలో మార్పులు అవసరమని వైద్య నిపుణులు చెబుతున్నారు.. అలాంటి మంచి ఆహారంలో మెంతులు, మెంతి కూర ఒకటి.. వాస్తవానికి మెంతి గింజల ప్రయోజనాల గురించి మీరు చాలాసార్లు వినే ఉంటారు.. కానీ మెంతి ఆకులు తీసుకోవడం కూడా చాలా ప్రయోజనాలు చేకూరుతాయని.. శరీరానికి చాలామంచిదని పేర్కొంటున్నారు ఆయుర్వేద నిపుణులు.. మెంతి కూర తీసుకోవడం వల్ల కలిగే ప్రయోజనాలు ఏంటి..? ఆయుర్వేద నిపుణులు ఏం చెబుతున్నారు..? ఈ విషయాలను తెలుసుకోండి..

ఎన్నో సమస్యలు ఖతం..

మెంతికూర ఎటువంటి హాని కలిగించని ఆరోగ్యకరమైన ఆహార పదార్థం.. రోజూ మెంతి ఆకులు తినడం వల్ల శరీరానికి అనేక ఆరోగ్య ప్రయోజనాలు లభిస్తాయి.. ఇవి డయాబెటిస్ ప్రమాదాన్ని కూడా తగ్గిస్తాయి.. మెంతికూర జీర్ణక్రియకు సహాయపడుతుంది.. గ్యాస్, అజీర్ణం, కడుపునొప్పు వంటి సమస్యలను తగ్గిస్తుంది.. రక్తంలో చక్కెర స్థాయిలను నియంత్రిస్తుంది.. గుండె జబ్బుల ప్రమాదాన్ని తగ్గిస్తుంది

మెంతికూరలో ఎన్నో ఔషధ గుణాలు:

మెంతికూరలో ఎన్నో ఔషధ గుణాలు దాగున్నాయి.. మెంతులలో మధుమేహ నిరోధక లక్షణాలు ఉన్నాయని వైద్య నిపుణులు చెబుతున్నారు. సంవత్సరాలుగా, మెంతి గింజల ఔషధ లక్షణాలపై చాలా పరిశోధనలు జరిగాయి. మెంతులు యాంటీ డయాబెటిక్, యాంటీ క్యాన్సర్, యాంటీమైక్రోబయల్, యాంటీ ఫెర్టిలిటీ, యాంటీపరాసిటిక్, హైపోకొలెస్టెరోలెమిక్ లక్షణాలను కలిగి ఉన్నాయని తేలింది. మెంతులు ప్రోటీన్, ఫైబర్ గొప్ప మూలం.. దాని బయోయాక్టివ్ సమ్మేళనాల కారణంగా ఔషధంగా ఉపయోగించవచ్చు. మెంతులు అనేక ఆరోగ్య సమస్యలకు ఔషధంగా పనిచేస్తాయని పరిశోధనలో తేలింది.

మధుమేహ చికిత్సకు మెంతులు – మెంతికూర: మధుమేహంలో మెంతుల ప్రయోజనాలపై కూడా పరిశోధనలు జరిగాయి. మెంతులు తినడం వల్ల టైప్ 1, టైప్ 2 డయాబెటిస్‌తో సంబంధం ఉన్న జీవక్రియ లక్షణాలను తగ్గించడంలో ప్రభావవంతంగా ఉంటుందని కనుగొనబడింది. దీన్ని తీసుకోవడం వల్ల రోగుల రక్తంలో చక్కెర స్థాయిలు కూడా తగ్గుతాయి. రోగి గ్లూకోజ్ స్థాయిలు గణనీయంగా మెరుగుపడతాయి.

మెంతులు చెడు కొలెస్ట్రాల్‌ను తగ్గిస్తాయి: ఇన్సులిన్-ఆధారిత టైప్ 1 డయాబెటిక్ రోగులలో, వారి రోజువారీ ఆహారంలో 100 గ్రాముల మెంతి గింజల పొడిని తీసుకోవడం వల్ల మొత్తం కొలెస్ట్రాల్, LDL లేదా చెడు కొలెస్ట్రాల్ ట్రైగ్లిజరైడ్‌లను తగ్గించడంలో సహాయపడుతుంది.

మెంతులు, మెంతి కూర ఇతర ప్రయోజనాలు: మెంతులలోని యాంటీవైరల్ లక్షణాలు గొంతు నొప్పికి శక్తివంతమైన మూలికా నివారణగా పనిచేస్తాయి. జుట్టు రాలడం, మలబద్ధకం, పేగు ఆరోగ్యం, మూత్రపిండాల వ్యాధి, వేడి ఆవిర్లు, పురుషులలో వంధ్యత్వం వంటి వాటికి చికిత్స చేయడంలో మెంతులు ప్రభావవంతంగా ఉంటాయి.

(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)

మరిన్ని హెల్త్ వార్తల కోసం ఇక్కడ క్లిక్ చేయండి..