నల్లగా ఉన్నాయని దూరం పెట్టకండి.. ఆ సమస్యలకు బ్రహ్మాస్త్రం.. ఇంకా డబుల్ స్టామినా..

నల్ల మిరియాలను వివిధ రూపాల్లో తీసుకుంటే బరువు కూడా కంట్రోల్‌లో ఉంటుంది. ఊబకాయంతో బాధపడేవారు నల్ల మిరియాలు తీసుకుంటే మంచిది. మిరియాల్లో యాంటీ ఇన్‌ఫ్లమేటరీ గుణాలు ఉంటాయి. ఇవి వాపు, దీర్ఘకాలిక సమస్యలను దూరం చేస్తాయి. మిరియాలు తింటే ఆస్తమా, వాపు, ఆర్థరైటిస్ వంటి సమస్యల్ని దూరం చేసుకోవచ్చు.

మిరియాలు.. భారతదేశంలోని దాదాపు ప్రతి వంటగదిలో కనిపించే ఒక మసాలా దినుసు.. ఇది ఆహారం రుచిని పెంచుతుంది. అయితే, ఇది ఏ ఔషధం కంటే తక్కువ కాదని.. ఆయుర్వేద నిపుణులు చెబుతున్నారు. ఇందులో ఉండే క్యాప్సైసిన్ ఆరోగ్యానికి బాగా సహాయపడుతుంది. ఇది అనేక సమస్యలను దూరంచేసి.. శరీరాన్ని కాపాడుతుంది. ప్రతి రోజూ ఉదయం ఖాళీ కడుపుతో గోరువెచ్చని నీటిలో నల్ల మిరియాలు పొడి కొంచెం కలిపి తీసుకుంటే అది ఆరోగ్యానికి ఎంతో మేలు చేస్తుందని పోషకాహార నిపుణులు, ఆయుర్వేద నిపుణులు చెబుతున్నారు. ఆ ప్రయోజనాలేంటో ఇప్పుడు తెలుసుకోండి..

నల్ల మిరియాలు తినడం వల్ల కలిగే 7 ప్రయోజనాలు..

మిరియాలు శక్తిని పెంచుతుంది:

ఎండుమిర్చిని గోరువెచ్చని నీటితో కలిపి తీసుకుంటే శారీరక దృఢత్వం పెరుగుతుంది. అలాగే శరీరంలో నీటి కొరత అదుపులో ఉంటుంది. ముఖ్యంగా పని చేసే పురుషులకు ఇది చాలా హెల్తీ డ్రింక్ అని చెబుతున్నారు.

కడుపు సమస్యలు దూరమవుతాయి:

కడుపులో గ్యాస్ లేదా అసిడిటీ ఉంటే నిమ్మరసంలో చిటికెడు బ్లాక్ సాల్ట్, మిరియాల పొడి కలుపుకుని తాగితే క్షణాల్లో నొప్పి తగ్గుతుంది.

టెన్షన్ ను దూరం చేస్తుంది:

నల్ల మిరియాలలో పైపెరిన్ ఉంటుంది. ఇది యాంటీ డిప్రెసెంట్ లక్షణాలను కలిగి ఉంటుంది. దీని కారణంగా నల్ల మిరియాలు ఉద్రిక్తత, నిరాశను తొలగించడంలో ప్రజలకు సహాయపడతాయి.

చిగుళ్లు బలహీనంగా మారడాన్ని నిరోధిస్తుంది:

నల్ల మిరియాలు చిగుళ్ల నొప్పి నుండి త్వరగా ఉపశమనం కలిగిస్తాయి. ఎండుమిర్చి, మాయఫల (మజుఫాల్), రాళ్ల ఉప్పు సమపాళ్లలో కలిపి పౌడర్‌లా చేసి కొన్ని చుక్కల ఆవాలనూనె కలిపి దంతాలకు, చిగుళ్లకు పట్టించి అరగంట తర్వాత నోటిని శుభ్రం చేసుకోవాలి. దీంతో మీ దంతాలు, చిగుళ్ళలో నొప్పి సమస్య మాయమవుతాయి.

క్యాన్సర్ రాకుండా చేస్తుంది:

నల్ల మిరియాలు తినడం మహిళలకు చాలా ఉపయోగకరంగా ఉంటుంది. నల్ల మిరియాలు విటమిన్ సి, విటమిన్ ఎ, ఫ్లేవనాయిడ్స్, కెరోటిన్లు, ఇతర యాంటీఆక్సిడెంట్లను కలిగి ఉంటాయి. ఇది మహిళల్లో బ్రెస్ట్ క్యాన్సర్ ప్రమాదాన్ని తగ్గిస్తుంది.

జలుబు సమస్య దూరమవుతుంది:

జలుబులో మిరియాలు ఎంతో ఉపశమనాన్ని కలిగిస్తాయి.. మిరియాలను వేడి పాలలో కలిపి తాగితే ఉపశమనం కలుగుతుంది. అంతే కాకుండా తరచూ జలుబు చేస్తున్నా.. నిరంతరం తుమ్ములు వస్తున్నా.. మిరియాల పాలు తగితే ఈ సమస్య నుంచి ఉపశమనం లభిస్తుంది.

డీహైడ్రేషన్ సమస్య దూరం అవుతుంది:

మీకు డీహైడ్రేషన్ సమస్య ఉంటే, నల్ల మిరియాలు గోరువెచ్చని నీటితో తీసుకోవడం వల్ల శరీరంలో నీటి కొరతను నివారిస్తుంది. దీనివల్ల అలసట కూడా రాదు. దీనితో పాటు, చర్మం పొడిబారదు.

మిరియాలు వేడి స్వభావాన్ని కలిగి ఉంటాయి. కావున, వీటిని అవసరమైనంత మేరకే తీసుకోవాలి.. ఏమైనా సందేహాలుంటే.. మీ వైద్య నిపుణులను సంప్రదించండి..