Dhanashree Verma: టాలీవుడ్‌లోకి చాహల్ మాజీ భార్య.. దిల్ రాజు సినిమాలో హీరోయిన్‌గా ధనశ్రీ వర్మ.. హీరో ఎవరంటే?

అనుకున్నట్లే టీమిండియా క్రికెటర్ యుజువేంద్ర చాహల్ మాజీ భార్య సినిమాల్లోకి అడుగు పెట్టనుంది. ఇప్పటికే డ్యాన్సర్ గా, కొరియోగ్రాఫర్ గా మంచి గుర్తింపు తెచ్చుకున్న ఈ అందాల తార ఇప్పుడు సిల్వర్ స్క్రీన్ పై దర్శన మివ్వనుంది. అది కూడా ఓ తెలుగు సినిమాతో ఎంట్రీ ఇవ్వనుందీ ముద్దుగుమ్మ.

Dhanashree Verma

Basha Shek |
Updated on: Apr 25, 2025 | 10:36 AM

ఇటీవలే భారత క్రికెటర్‌ చాహల్‌తో విడాకులు తీసుకుంది ధనశ్రీ వర్మ. 2020లో చాహల్‌ను పెళ్లి చేసుకున్న ఈ ముద్దుగమ్మ ఐదేళ్లకే తన వివాహా బంధానికి వీడ్కోలు పలికింది. దీని తర్వాత మళ్లీ తన ప్రొఫెషనల్ లైఫ్ లో బిజీ అయ్యేందుకు ప్రయత్నిస్తోంది. ఇప్పటికే డ్యాన్సర్ గా, కొరియోగ్రాఫర్ గా ధనశ్రీకి మంచి గుర్తింపు ఉంది. ఇప్పుడు ఇదే క్రేజ్ తో సినిమాల్లోకి అడుగు పెట్టనుంది. ఆమె త్వరలోనే ఓ తెలుగు సినిమాతో ఎంట్రీ ఇవ్వనుంది. ప్రముఖ నిర్మాత దిల్‌ రాజు ప్రొడక్షన్‌ బ్యానర్ లో బలగం తర్వాత హర్షిత్, హన్షిత ఓ సినిమాను నిర్మిస్తున్నారు. ఈ సినిమాతోనే ధన శ్రీ వర్మ టాలీవుడ్ కు పరిచయం కానుంది. అలాగే ఢీ ఫేమ్, స్టార్ కొరియోగ్రాఫర్ యష్ మాస్టర్ కూడా ఈ సినిమాతోనే హీరోగా ఎంట్రీ ఇవ్వనున్నాడు.

శశి కుమార్‌ ముతులూరి దర్శకత్వం వహిస్తున్న ఈ సినిమాలో మలయాళ నటి కార్తీక మురళీధరన్‌ మెయిన్ హీరోయిన్‌గా నటిస్తోంది. అయితే మరో కీ రోల్ కోసం ధనశ్రీ వర్మ ను ఎంపిక చేసుకున్నారట. భరతనాట్యం నుంచి ఆధునిక నృత్యం వరకు వివిధ రకాల నృత్యాలలో ప్రావీణ్యం ఉన్న నటి కోసం చిత్ర బృందం వెతుకుతుండగా ధన శ్రీ వర్మ పేరు వినిపించిందట. ఇక పాత్ర నచ్చడంతో ధనశ్రీ కూడా నటించేందుకు వెంటనేఅంగీకరించిందట. కాగా ఇప్పటికే ఈ సినిమా షూటింగ్ ప్రారంభమైంది. ఇటీవలే ఈ మూవీ షూటింగ్ ‍సెట్స్‌లో ధనశ్రీ వర్మ కనిపించింది. యష్ మాస్టర్ తో కలిసి డ్యాన్స్ ప్రాక్టీస్ చేస్తూ కనిపించింది. ఇందుకు సంబంధించిన వీడియోలు కూడా నెట్టింట వైరలయ్యాయి.

ఇవి కూడా చదవండి

హైదరాబాద్ లో ధన శ్రీ వర్మ..

View this post on Instagram

A post shared by Dhanashree Verma (@dhanashree9)

ముంబయిలో పుట్టి పెరిగిన ధనశ్రీ వర్మ మొదట డెంటిస్ట్‌గా కెరీర్ ప్రారంభించింది. అదే సమయంలో డ్యాన్స్ పై ఆసక్తిని పెంచుకుంది. లెజెండరీ కొరియోగ్రాఫర్ షియామాక్ దావర్ వద్ద డ్యాన్స్ లో శిక్షణ తీసుకుని ఆ తర్వాత తానే సొంతంగా డ్యాన్స్ అకాడమీని స్థాపించింది. ధనశ్రీ వర్మ డ్యాన్స్ వీడియోలకు సపరేట్ ఫ్యాన్ బేస్ ఉంది. ముఖ్యంగా యూట్యూబ్, ఇన్‌స్టాగ్రామ్‌లో ఈ ముద్దుగుమ్మ డ్యాన్స్ వీడియోలకు నెటిజన్ల నుంచి మంచి స్పందన వస్తుంటుంది.