Enemy- Trailer: ‘నొప్పిని భరించే వాడే లైఫ్‌లో గెలవగలుగుతాడు’.. ఆసక్తి రేకెత్తిస్తున్న ‘ఎనిమి’ ట్రైలర్..

Vishal and Arya : తమిళ్‌తోపాటు తెలుగు ప్రేక్షకులకు కూడా సుపరిచితులు విశాల్ – ఆర్య ఇద్దరు. ఈ ఇద్దరి సినిమాలు తెలుగులోనూ విడుదలవుతూ ఉంటాయి. ఇక విశాల్‌కు తెలుగులో మంచి ఫాలోయింగ్ ఉంది. అలాగే ఆర్యకు కూడా ఇక్కడ మంచి మార్కెట్ ఉంది. ఇప్పుడు ఈ ఇద్దరు కలిసి నటిస్తున్న సినిమా విడుదల కానుంది. ఈ ఇద్దరు హీరోలు కలిసి ఓ యాక్షన్ ఎంటర్టైనర్ లో నటించారు. ఎనిమి అనే ఇంట్రస్టింగ్ టైటిల్ తో తెరకెక్కిన ఈ సినిమాలో విశాల్ పోలీస్ ఆఫీసర్ గ నటిస్తున్నాడు. అలాగే ఆర్య నెగిటివ్ రోల్ లో కనిపించనున్నాడు. నోటా చిత్ర ద‌ర్శ‌కుడు ఆనంద్ శంక‌ర్ ద‌ర్శ‌క‌త్వంలో తెర‌కెక్క‌నున్న ఈ చిత్రం విశాల్‌కు 30వ చిత్రం కాగా, ఆర్య‌కు 32వ చిత్రం. ‘గద్దలకొండ గణేష్‌’ సినిమాలో నటించిన మృణాళిని హీరోయిన్‌గా నటిస్తోంది. గతంలో ఈ ఇద్దరు హీరోలు కలిసి ‘వాడు వీడు’ అనే సినిమా చేశారు.

తాజాగా ఈ సినిమానుంచి ట్రైలర్ ను విడుదల చేశారు చిత్రయూనిట్. ఇప్పటికే విడుదలైన ఈ సినిమా పోస్టర్లు, టీజర్ ప్రేక్షకుల్లో ఆసక్తిని కలిగించాయి. ఈ క్రమంలో ఇప్పుడు ట్రైలర్‌ను విడుదల చేశారు. ఇద్దరు స్నేహితులు శత్రువులుగా మారితే ఎలా ఉంటుంది అన్నది ఈ సినిమాలో చూపించనున్నారు. అందులోనూ.. ఒకరు పోలీస్ మరొకరు క్రిమినల్ అయితే.. ఆ ఇద్దరి మధ్య పోరు ఎలా ఉంటుందో ఈ సినిమాలో చూపించనున్నారని ట్రైలర్ చూస్తే అర్ధమవుతుంది. నొప్పిని భరించే వాడే లైఫ్‌లో గెలవగలుగుతాడు అని ప్రకాష్ రాజ్ చెప్పిన డైలాగ్ ఆకట్టుకుంటుంది. ఇక ఈ సినిమాను దీపావళి కానుకగా విడుదల చేయనున్నారు.

మరిన్ని ఇక్కడ చదవండి : 

Viral News: బీహార్‌లో హాట్ టాపిక్‌గా మారిన నటుడు రామిరెడ్డి.. తెలుగు దివంగత నటుడు అక్కడ ఎందుకనేగా..

RK Selvamani: దర్శకుడు సెల్వమణి బర్త్ డే వేడుకలు.. సోషల్ మీడియాలో వైరల్ అవుతున్న ఫొటోస్..

Mahesh Babu: సర్కారు వారి పాటకు శేఖర్‌ మాస్టర్‌ స్టెప్పులు.. సినిమా సెట్‌లో దిగిన ఫోటోను షేర్‌ చేస్తూ..