Sivakarthikeyan: శివ కార్తికేయన్ SK20 రిలీజ్ డేట్ ఫిక్స్.. తెలుగులో విడుదలయ్యేది అప్పుడే..

రెమో సినిమాతో తెలుగు ప్రేక్షకులకు చేరువయ్యాడు తమిళ్ స్టార్ హీరో శివకార్తికేయన్ (Sivakarthikeyan). ఆ తర్వాత సీమరాజా, కౌసల్య కృష్ణమూర్తి వంటి చిత్రాలతో మెప్పించాడు.. ఇటీవల విడుదలైన వరుణ్ డాక్టర్ , కాలేజ్ డాన్ వరుస బ్లాక్ బస్టర్ విజయాలతో దూసుకుపోతున్న ఈ స్టార్ హీరో ఇప్పుడు నేరుగా తెలుగులో సినిమా చేస్తున్న సంగతి తెలిసిందే. ‘జాతి రత్నాలు’ సినిమాతో బిగ్గెస్ట్ సక్సెస్ అందుకున్న దర్శకుడు అనుదీప్ కేవి దర్శకత్వంలో శివకార్తికేయన్ ప్రధాన పాత్రలో #SK20 వర్కింగ్ టైటిల్ తో తెరకెక్కుతున్న తెలుగు-తమిళ ద్విభాషా చిత్రం శర వేగంగా చిత్రీకరణ జరుపుకుంటుంది. అవుట్ అండ్ అవుట్ ఫ్యామిలీ ఎంటర్‌టైనర్‌గా తెరకెక్కుతున్న ఈ సినిమా షూటింగ్ చివరి దశకు చేరుకుంది.

శ్రీ వెంకటేశ్వర సినిమాస్ ఎల్ ఎల్ పి, సురేష్ ప్రొడక్షన్స్, శాంతి టాకీస్ బ్యానర్లపై నారాయణ్ దాస్ నారంగ్, సురేష్ బాబు, పుస్కుర్ రామ్ మోహన్ రావు సంయుక్తంగా ఈ చిత్రాన్ని నిర్మిస్తున్నారు. ఈ చిత్రానికి ఎస్ థమన్ సంగీతం అందిస్తుండగా, అరుణ్ విశ్వ సహ నిర్మాతగా వ్యవహరిస్తున్నారు.. ‘కాలేజ్ డాన్’ చిత్రం తెలుగులో బ్లాక్ బస్టర్ విజయం సాధించడంపై హీరో శివకార్తికేయన్ ని నిర్మాత సురేష్ బాబు అభినందించారు. అలాగే SK20విడుదల తేదీని కూడా ప్రకటించారు.

“#SK20 చిత్రాన్ని వినాయక చవితి పర్వదినాన తెలుగు, తమిళంలో ఆగస్టు 31న ప్రపంచవ్యాప్తంగా థియేటర్స్ లో విడుదల చేస్తున్నాం. ఫస్ట్ లుక్, ఇతర అప్‌డేట్‌లు త్వరలో వెల్లడిస్తాం’’అని తెలిపారు సురేష్‌బాబు. ఈ సినిమా కథ భారతదేశంలోని పాండిచ్చేరి, బ్రిటన్‌లోని లండన్ నేపథ్యంలో సాగుతుంది. ఈ చిత్రంలో మరియా ర్యాబోషప్క కథానాయికగా నటిస్తుండగా, సీనియర్ నటుడు సత్యరాజ్ కీలక పాత్రలో నటిస్తున్నారు.

ట్వీట్..

❤️❤️❤️?#SK20FromAugust31 https://t.co/aa13VqnZct

— Sivakarthikeyan (@Siva_Kartikeyan) May 30, 2022