Soundarya: సౌందర్య అతన్ని ఘాడంగా ప్రేమించిందట..కానీ.. అసలు విషయం చెప్పిన సీనియర్ హీరోయిన్

తెలుగు సినీ చరిత్రలో చెరిగిపోని ముద్ర వేసుకున్న నటీమణుల్లో మహానటి సావిత్రి తర్వాత చెప్పే పేరు సౌందర్య. ఆమె అందం, నటన వర్ణించడానికి మాటలు సరిపోవు. తోటి హీరోయిన్స్ గ్లామర్ రోల్స్ , అదిరిపోయే డాన్స్ లు చేస్తూ గట్టిపోటీ ఇచ్చినా కూడా తన సహజ నటనతో.. అనుకువతో ప్రేక్షకులను మెప్పించి స్టార్ హీరోయిన్ గా రాణించారు సౌందర్య. ఆమెతో నటించడానికి హీరోలందరూ పోటీపడేవారు. తెలుగు, తమిళ్, కన్నడ, మలయాళ భాషల్లో సినిమాలు చేసి ప్రేక్షకులను అలరించారు సౌందర్య. తెలుగులో దాదాపు అందరూ స్టార్ హీరోల సరసన నటించి మెప్పించారు సౌందర్య. అయితే సౌందర్య ఓ సాఫ్ట్ వేర్‌ని పెళ్లి చేసుకున్న విషయం తెలిసిందే. ఒక అప్పట్లో ఆమె  ఓ స్టార్ హీరోతో ప్రేమలో ఉందని కూడా వార్తలు వచ్చాయి.

సౌందర్య వెంకటేష్ తో చాలా సినిమాల్లో నటించారు. ఈ ఇద్దరి కాంబినేషన్ అప్పట్లో సెన్సేషనల్ హిట్ అనే చెప్పాలి. అలాగే ఈ ఇద్దరూ కలిసి నటించిన సినిమాలన్నీ సూపర్ హిట్స్ గా నిలిచాయి. అదే సమయంలో సౌందర్య, వెంకటేష్ ప్రేమలో ఉన్నారు అని రూమర్స్ పుట్టుకొచ్చాయి. ఆతర్వాత మరో నటుడు జగపతి బాబుతో ప్రేమలో ఉన్నారని వార్తలు వచ్చాయి. జగపతి బాబు కూడా ఒకానొక సమయంలో ఈ విషయాన్ని ఒప్పుకున్నారు. మేమిద్దరం పెళ్లి చేసుకోవాలనుకున్నాం అని అన్నారు జగపతి బాబు.

అయితే సౌందర్య గురించి చాలా మందికి తెలియని ఓ విషయం ఇప్పుడు బయటకు వచ్చింది. సీనియర్‌ నటి నిర్మల ఇటీవల ఓ ఇంటర్వ్యూలో మాట్లాడుతూ.. సౌందర్య గురించి ఆసక్తికర విషయాన్నీ తెలిపారు. సౌందర్య ఓ వ్యక్తి ప్రేమించారని తెలిపారు నిర్మల. ఆయన ఎవరో కాదు తన అమ్మ సోదరుడు.. అంటే సౌందర్యకు మేన మామ.  నిర్మల మాట్లాడుతూ..”జయం మనదేరా మూవీ షూటింగ్ కోసం విదేశాలకు వెళ్ళినప్పుడు సౌందర్య నాకు చాలా క్లోజ్ అయ్యింది. ఓ రోజు చాలా ఆనందంగా తనలో తాను పాటలు పాడుతూ కనిపించింది. ఎదో ఉంది.. ఏయ్ దొంగ చెప్పు అని నేను అడగ్గానే సిగ్గుపడుతూనే అసలు విషయం చెప్పింది. తన మేనమామకు ప్రేమిస్తున్నా అని తెలిపింది సౌందర్య. అంతే కాదు ఆమెకు చాలా డ్రీమ్స్ ఉన్నాయి. పిల్లను పెంచడం అంటే సౌందర్యకు చాలా ఇష్టమట. అలాగే తనకు లైఫ్‌పై చాలా ఆశలున్నాయని తెలిపింది.. కానీ ఈలోగానే ఘోరం జరిగి ఈ లోకాన్ని విడిచి వెళ్ళిపోయింది” అని ఎమోషనల్ అయ్యారు నిర్మల.

మరిన్ని సినిమా వార్తల కోసం ఇక్కడ క్లిక్ చేయండి.