Rakul Preet Singh: వైరల్‌గా మారిన రకుల్ ప్రీత్ సింగ్ వెడ్డింగ్ కార్డు.. ఎంతబాగుందో మీరే చూడండి.

ఈ చిన్నది టాలీవుడ్ లో సినిమాలు తగ్గించేసింది. బాలీవుడ్ పై ఎక్కువ ఫోకస్ పెట్టింది. ఇదిలా ఉంటే రకుల్ ప్రీత్ సింగ్ ఇపుడు పెళ్లి పీటలెక్కడానికి రెడీ అవుతుంది. రకుల్ ప్రీత్ సింగ్ ప్రముఖ నిర్మాత జాకీ భగ్నానిని వివాహం చేసుకోనుంది. ఈ ఇద్దరూ గతకొన్నాళ్ళుగా చట్టపట్టాలేసుకు తిరుగుతున్నారు. చాలా సార్లు ఈ ఇద్దరూ మీడియా కంట కూడా పడ్డారు. ఇప్పుడు వీరి పెళ్లికి సంబంధించిన ఓ ఫోటో వైరల్‌గా మారింది.

Rakul Preet

Updated on: Feb 12, 2024 | 5:55 PM

ఒకానొక టైం లో టాలీవుడ్ లో స్టార్ హీరోయిన్ గా రాణించింది రకుల్ ప్రీత్ సింగ్. స్టార్ హీరోల సినిమాలు అంటే ముందుగా ఈ అమ్మడినే హీరోయిన్ గా ఫిక్స్ చేసేవారు దర్శకనిర్మాతలు. ఇక ఇప్పుడు ఈ చిన్నది టాలీవుడ్ లో సినిమాలు తగ్గించేసింది. బాలీవుడ్ పై ఎక్కువ ఫోకస్ పెట్టింది. ఇదిలా ఉంటే రకుల్ ప్రీత్ సింగ్ ఇపుడు పెళ్లి పీటలెక్కడానికి రెడీ అవుతుంది. రకుల్ ప్రీత్ సింగ్ ప్రముఖ నిర్మాత జాకీ భగ్నానిని వివాహం చేసుకోనుంది. ఈ ఇద్దరూ గతకొన్నాళ్ళుగా చట్టపట్టాలేసుకు తిరుగుతున్నారు. చాలా సార్లు ఈ ఇద్దరూ మీడియా కంట కూడా పడ్డారు. ఇప్పుడు వీరి పెళ్లికి సంబంధించిన ఓ ఫోటో వైరల్‌గా మారింది.

రకుల్ ప్రీత్ సింగ్, జాకీ భగ్నానీ చాలా సంవత్సరాలుగా ఒకరినొకరు డేటింగ్ చేస్తున్నారు. ప్రేమ విషయాన్ని గోప్యంగా ఉంచారు ఈ జంట. ఇప్పటి వరకు రకుల్ పెళ్లి గురించి ఎక్కడా మాట్లాడలేదు. ఈ మధ్య కాలంలో వీరి పెళ్లికి సంబంధించిన పలు వార్తలు హల్‌చల్ చేస్తున్నాయి. ఫిబ్రవరి 21న రకుల్ పెళ్లి జరగనుందని తెలుస్తోంది. వీరి వివాహ వేడుక గోవాలో జరగనుందని తెలుస్తోంది. ఈ పెళ్లిలో బంధువులు, అత్యంత సన్నిహితులు మాత్రమే పాల్గొంటారట..ఆ తర్వాత ముంబైలో ఘనంగా రిసెప్షన్ నిర్వహించేందుకు ప్లాన్ చేస్తున్నారు.

రకుల్ ప్రీత్ సింగ్‌ను పెళ్లి చేసుకోబోతున్న జాకీ భగ్నాని నటుడు, నిర్మాత. 2009లో నటుడిగా సినీ ఇండస్ట్రీలోకి అడుగుపెట్టాడు. 2018 వరకు చాలా సినిమాల్లో నటించాడు. నటుడిగా ఆశించిన స్థాయిలో సక్సెస్ కాలేకపోయాడు. జాకీ భగ్నానీ 2016లో ‘సరబ్‌జిత్’ సినిమాతో చిత్ర నిర్మాణాన్ని ప్రారంభించారు. ఇప్పటి వరకు 10 సినిమాలను నిర్మించారు. మరి కొన్ని సినిమాలు విడుదలకు సిద్ధంగా ఉన్నాయి. రకుల్ ప్రీత్ సింగ్ కన్నడ చిత్రం ‘గిల్లి’ నుంచిఇండస్ట్రీలోకి వచ్చింది. తెలుగు, తమిళం, హిందీ సినిమాల్లో బిజీగా ఉంది ఈ చిన్నది. రకుల్, శివకార్తికే జంటగా నటించిన ‘అయలన్’ చిత్రం ఇటీవల విడుదలై ప్రశంసలు అందుకుంది. అలాగే కమల్ హాసన్ నటిస్తున్న ‘ఇండియన్ 2’ చిత్రంలో కూడా రకుల్ నటిస్తోంది.