ఈ రోజు రాత్రికే గుడిలో ప్రొడ్యూసర్ దిల్ రాజు రెండో పెళ్లి..

టాలీవుడ్ ప్రొడ్యూసర్ దిల్ రాజు పెళ్లి కన్ఫామ్ అయ్యింది. నిజామాబాద్‌లోని వెంక‌టేశ్వ‌ర స్వామి గుడిలో ఆదివారం రాత్రి వివాహం చేసుకోనున్నారు దిల్‌రాజు. ప‌దిమందిలోపు కుటుంబ స‌భ్యుల స‌మ‌క్షంలో...

TV9 Telugu Digital Desk |
Updated on: May 10, 2020 | 10:09 AM

టాలీవుడ్ ప్రొడ్యూసర్ దిల్ రాజు పెళ్లి కన్ఫామ్ అయ్యింది. నిజామాబాద్‌లోని వెంక‌టేశ్వ‌ర స్వామి గుడిలో ఆదివారం రాత్రి వివాహం చేసుకోనున్నారు దిల్‌రాజు. ప‌దిమందిలోపు కుటుంబ స‌భ్యుల స‌మ‌క్షంలో దిల్‌రాజు పెళ్లి జరగనుంది. ఈ సందర్భంగా ఆయన మాట్లాడుతూ.. గ‌త కొన్నాళ్లుగా ప్ర‌పంచం ఎదుర్కొంటున్న ప‌రిస్థితులు వృత్తిప‌ర‌మైన ఇబ్బందులు అంద‌రికీ తెలిసిందేన‌న్నారు దిల్‌రాజు. అలాగే తన వ్య‌క్తిగ‌త జీవితం కూడా అంత గొప్ప‌గా లేద‌న్నారు. త్వ‌ర‌లోనే అంతా స‌ర్దుకుంటుంద‌న్న ఆశాభావాన్ని వ్య‌క్తం చేశారు దిల్‌రాజు. కొత్త మ‌లుపుతో వ్య‌క్తిగ‌త జీవితాన్ని ఆనంద‌మ‌యం చేసుకోవాలంటున్న‌ట్లు దిల్‌రాజు వెల్లడించారు.

తెలుగు సినీ చిత్ర పరిశ్రమలో.. ప్రముఖ ప్రొడ్యూసర్లలో దిల్ రాజు ఒకరు. అలాగే సక్సెస్ ఫుల్ డిస్ట్రిబ్యూటర్‌గా కూడా ఆయనకు మంచి పేరుంది. 2017లో అతని భార్య అనారోగ్యం కారణంగా 2017లో మరణించారు. అప్పటి నుంచి ఒంటరిగానే ఉంటున్న దిల్ రాజు మరోసారి పెళ్లి చేసుకోబోతున్నాడనే వార్తలు గత కొంతకాలంగా టాలీవుడ్‌లో చక్కర్లు కొడుతూనే ఉన్నాయి. తాజాగా ఈ విషయంపై క్లారిటీ వచ్చింది.