Baby Movie: బేబీ మూవీని మళ్లీ చూడాల్సిందే ఇక.. మరిన్ని సీన్స్ యాడ్ చేశారంట..

Baby Movie

ఎలాంటి అంచనాలు లేకుండా చిన్న సినిమాగా అడియన్స్ ముందుకు వచ్చి భారీ విజయాన్ని అందుకున్న చిత్రం బేబీ. ఇప్పుడు బాక్సాఫీస్ వద్ద కలెక్షన్స్ సునామి సృష్టిస్తోంది. యంగ్ హీరో ఆనంద్ దేవరకొండ, వైష్ణవి చైతన్య, విరాజ్ అశ్విన్ నటనకు ప్రేక్షకులు ఫిదా అయ్యారు. ముఖ్యంగా యూత్ నుంచి ఈ ట్రైయాంగిల్ ప్రేమకథకు మంచి రెస్పాన్స్ వస్తోంది. ప్రపంచవ్యాప్తంగా దాదాపు రూ.75 కోట్లు వసూళ్లు చేసి రికార్డ్స్ బ్రేక్ చేస్తోంది బేబీ చిత్రం. సినీ ప్రముఖులు సైతం బేబీ చిత్రయూనిట్ పై ప్రశంసలు కురిపిస్తున్నారు. తాజాగా ఈ సినిమా గురించి ఓ ఆసక్తికర విషయం బయటకొచ్చింది.

తాజాగా ఈ సినిమాలో కొత్త పాట సహా దాదాపు 14 నిమిషాలపాటు కట్ చేసిన సీన్స్ మళ్లీ యాడ్ చేయాలని నిర్ణయించుకున్నారట. ఆగస్ట్ ఫస్ట్ వీక్ నుంచి బేబీ కొత్త వెర్షన్ సినిమా థియేటర్లలో స్ట్రీమింగ్ కానుందని సమాచారం. అంటే ఇప్పుడీ బేబీ సినిమా దాదాపు 185 నిమిషాలు ఉండనుంది. ఇప్పటికే ఈ సినిమాను ఒకటి కంటే ఎక్కువసార్లు చూసిన యూవత ఉన్నారు. ఇప్పుడు కొత్తగా మరిన్ని ఇంట్రెస్టింగ్ సీన్స్ యాడ్ చేస్తుండడంతో ఈ మూవీ కలెక్షన్స్ మరింత పెరిగే అవకాశం లేకపోలేదు. అంతేకాకుండా..కొత్తగా యాడ్ చేసిన సీన్స్ ఈసారి ప్రేక్షకులను మరింత కనెక్ట్ కానున్నట్లు తెలుస్తోంది. గతంలో దర్శకధీరుడు రాజమౌళి సైతం తన సినిమాలకు విడుదలైన తర్వాత మరిన్ని సీన్స్ యాడ్ చేసి అడియన్స్ ను ఆకట్టుకున్నారు. ఇప్పుడు డైరెక్టర్ సాయి రాజేష్ కూడా అదే పద్దతిని పాటించనున్నట్లు తెలుస్తోంది.

ఈ ట్రైయాంగిల్ లవ్ స్టోరీని ఎస్కేఎన్ నిర్మించగా… విజయ్ బుల్గానిన్ అందించిన సంగీతం ఆకట్టుకుంది. ఈ మూవీలోని ప్రతి సాంగ్ యూట్యూబ్‏లో మంచి రెస్పాన్స్ అందుకుంటున్నాయి. ఇదిలా ఉంటే.. బేబీ చిత్రంలో ఆనంద్, వైష్ణవి నటన వేరేలెవల్. వీరిద్దరి మధ్య వచ్చే సీన్స్ ప్రేక్షకులను నవ్వించడమే కాదు.. కంటతడి పెట్టించాయి. ముఖ్యంగా ఈ సినిమా వైష్ణవి క్రేజ్ అమాంతం పెరిగిపోయింది. ఈ క్రమంలోనే తెలుగమ్మాయికి మరిన్ని ఛాన్స్ లు వచ్చే ఛాన్స్ ఉందంటున్నారు.

మరిన్ని సినిమా వార్తల కోసం ఇక్కడ క్లిక్ చేయండి.