Actor: 50 ఏళ్ల వయసులో ప్రియురాలిని పెళ్లాడిన ప్రముఖ నటుడు.. ఫొటోస్ వైరల్.. ఎవరో గుర్తు పట్టారా?

ప్రముఖ తమిళ నటుడు అరవింద్ ఆకాశ్ తన జీవితంలో సరికొత్త ఆధ్యాయానికి శ్రీకారం చుట్టారు. తమిళంతో పాటు మలయాళ సినిమాల్లోనూ నటించిన ఆయన తాజాగా తన ప్రియురాలు సారాతో కలిసి పెళ్లపీటలెక్కారు. మలేసియా రాజధాని కౌలాలంపూర్‌లో వీరి వివాహ వేడుక అట్టహాసంగా జరిగింది. ఇరు కుటుంబ సభ్యులు, సన్నిహితులు, స్నేహితులు, బంధుమిత్రులు ఈ వివాహ వేడుకలో పాల్గొన్నారు. నూతన దంపతులకు అభినందనలు తెలిపారు. అరవింద్ ఆకాశ్ కు స్నేహితులైన కోలీవుడ్ డైరెక్టర్ వెంకట్ ప్రభు, హీరో వైభవ్ కూడా ఈ పెళ్లి వేడుకకు హాజరయ్యారు. ప్రస్తుతం ఈ పెళ్లి ఫొటోలు నెట్టింట వైరలవుతున్నాయి. పలువురు సినీ ప్రముఖులు, అభిమానులు, నెటిజన్లు కొత్త దంపతులకు విషెస్ తెలుపుతున్నారు.

అరవింద్ ఆకాశ్ .. తెలుగు ఆడియెన్స్ కు ఈ నటుడు పెద్దగా పరిచయం లేకపోవచ్చు.. కానీ తమిళ డబ్బింగ్ సినిమాలు చూసే వారికి ఈ యాక్టర్ బాగానే తెలిసి ఉంటారు. చెన్నై 600028, గోవా, సరోజ, మంకథ, బిర్యానీ, మాస్ ఎంగిర మసిలమణి, చెన్నై 600028 II, మానాడు, ది గ్రేటెస్ట్ ఆఫ్ ఆల్ టైమ్ వంటి ఎన్నో సూపర్ హిట్ సినిమాల్లో నటించారు అరవింద్ ఆకాశ్. ముఖ్యంగా వెంకట్ ప్రభు తెరకెక్కించిన దాదాపు అన్ని సినిమాల్లోనూ అరవింద్ ఆకాశ్ యాక్ట్ చేశారు. ఇక మలయాళంలోనూ పలు సూపర్ హిట్ సినిమాల్లో యాక్ట్ చేశారాయన. నందనం, కూట్టు, వాంటెడ్, వజ్రం, పొన్ముడిపుళయోరతు, మమ్మీ అండ్ మీ, ప్రజాపతి తదితర సినిమాలు అరవింద్ కు మంచి గుర్తింపు తీసుకొచ్చాయి. సినిమాల సంగతి పక్కన పెడితే. అరవింద్ ఆకాశ్, సారా చాలా ఏళ్లుగా ప్రేమలో ఉన్నారు. ఈ ఏడాది ప్రారంభంలో ఎంగేజ్‌మెంట్‌ చేసుకున్నారు. ఇప్పుడు పెళ్లిబంధంలోకి అడుగుపెట్టారు.

ఇవి కూడా చదవండి

‘ఇరుముడి’ సినిమాలో రవితేజ కూతురుగా నటించిన ఈ పాప ఎవరో తెలుసా?

పవన్ సినిమాలో ఛాన్స్.. ఆ ఒక్క కారణంతో రిజెక్ట్ చేసిన నాగదుర్గ

16 ఏళ్ల వయసులో అలాంటి చేదు అనుభవం.. తల పగలగొట్టిన హీరోయిన్

జైలు నుంచి వచ్చి తల్లి అంత్యక్రియలు నిర్వహించిన ఫన్ బకెట్ భార్గవ్

50 ఏళ్ల వయసులో ప్రేమ పెళ్లి..

Love wins at 50! 💍❤️

Popular South actor #AravindAkash tied the knot with his partner Sarah in an intimate ceremony in Malaysia.

The Chennai 600028 and Mankatha squad flew down to Kuala Lumpur to celebrate the mini-reunion! Slide to see Venkat Prabhu, Vaibhav, and Premgi… pic.twitter.com/2ustvzuvfi

— Abhay Mani Diwakar (@theabhayd) July 2, 2026

మరిన్ని సినిమా వార్తల కోసం ఇక్కడ క్లిక్ చేయండి.