KGF 2: రాక్‏స్టార్ సినిమాకు భారీగా డిమాండ్.. కేజీఎఫ్2కు ఎక్కువ మొత్తంలో ఆఫర్ చేసిన ఓటీటీ ?

Kgf 2

కన్నడ రాక్ స్టార్ యష్ ప్రధాన పాత్రలో… ప్రశాంత్ నీల్ తెరకెక్కిస్తున్న సినిమా కేజీఎఫ్ 2. సినీ పరిశ్రమలోనే సంచలనం సృష్టించిన కేజీఎఫ్ సినిమాకు కొనసాగింపుగా ఈ సినిమాను రూపొందిస్తున్నాడు ప్రశాంత్ నీల్. బ్లాక్ బస్టర్ హిట్ అందుకున్న కేజీఎఫ్ మూవీకి సిక్వెల్‏గా రాబోతున్న కేజీఎఫ్ 2 పై అంచనాలు భారీగానే ఉన్నాయి. ఇప్పటికే విడుదలైన పోస్టర్స్, టీజర్‏కు రెస్పాన్స్ మాములుగా రాలేదు. ఇప్పటికే షూటింగ్ పూర్తి చేసుకున్న ఈ సినిమా విడుదలకు సిద్ధంగా ఉంది. తాజాగా ఈ మూవీ గురించి ఓ ఇంట్రెస్టింగ్ అప్ డేట్ ఫిల్మ్ సర్కిల్లో్ చక్కర్లు కొడుతుంది.

ప్రముఖ ఓటీటీ సంస్థ కేజీఎఫ్ 2 మూవీకి డిజిటల్ రైట్స్ కోసం భారీగా ఆఫర్ చేసిందట. థియేట్రికల్ రిలీజ్ స్కిప్ చేసి నేరుగా ఓటీటీ రిలీజ్ చేస్తే.. ఆర్ఆర్ఆర్ సినిమా కంటే ఎక్కువ మొత్తంలో ఇవ్వనున్నట్లుగా ఆఫర్ చేసిందట. కానీ మేకర్స్ ఈ డీల్ అంగీకరించలేదని.. ఫస్ట్ పార్ట్ విజయాన్ని దృష్టిలో పెట్టుకుని థియేటర్లలోనే ఈ పాన్ ఇండియా చిత్రాన్ని విడుదల చేయాలని భావిస్తున్నారట. త్వరలోనే ఈ మూవీ రిలీజ్ డేట్ అధికారికంగా ప్రకటించనున్నారు. పాన్ ఇండియా లెవల్లో ఈ సినిమా విడుదల చేయబోతుండడంతో అనువైన తేదీల గురించి ఆలోచిస్తున్నారట మేకర్స్. ఇందులో యష్ సరసన శ్రీనిధి శెట్టి హీరోయిన్‏గా నటిస్తోంది. బాలీవుడ్ స్టార్స్ సంజయ్ దత్, రవీనా టాండన్, ప్రకాష్ రాజ్, రావు రమేష్, ఈశ్వరీ రావు కీలక పాత్రలలో నటిస్తున్నారు. రవి బస్రుర్ ఈ చిత్రానికి సంగీతం అందిస్తున్నారు. ఈ సినిమాను హోంబలే ఫిలింస్ బ్యానర్ పై విజయ్ కిరగందూర్ భారీ బడ్జెట్‏తో నిర్మిస్తున్నారు.

Also Read: Krishna Vamsi: ఈ క్రియేటివ్ డైరెక్టర్ కొత్త సినిమా ఆ హీరోతోనేనా.. ఫిలిం సర్కిల్స్‌‌‌‌లో చక్కర్లు కొడుతున్న వార్త..

Mahesh Babu : సర్కారు వారి పాట సెట్‌‌‌‌లో పుష్ప దర్శకుడు.. మహేష్-సుకుమార్ మీటింగ్ కు కారణం అదేనా..

18 Pages: డబ్బింగ్ మొదలుపెట్టిన యంగ్ హీరో.. త్వరలోనే ప్రేక్షకుల ముందుకు ’18 పేజెస్’