Devara Movie: విడుదలకు ముందే ‘దేవర’ సెన్సెషన్.. ప్రీ సేల్‏లో తారక్ క్రేజ్.. ఎన్ని టికెట్స్ అమ్ముడయ్యాయంటే..

Devara

మోస్ట్ అవైటెడ్ చిత్రం దేవర. మాస్ డైరెక్టర్ కొరటాల శివ దర్శకత్వంలో యంగ్ టైగర్ ఎన్టీఆర్ నటిస్తోన్న ఈ సినిమాపై ఇప్పటికే భారీ అంచనాలు నెలకొన్నాయి. మొత్తం రెండు భాగాలుగా ఈ సినిమాను రూపొందిస్తుండగా.. ఫస్ట్ పార్ట్ ఈనెల 27న రిలీజ్ చేయనున్నారు. మరోవైపు ఈ మూవీ ప్రమోషన్స్ చేసింది చిత్రయూనిట్. మొన్నటి వరకు వరుస పోస్టర్స్, సాంగ్స్ రిలీజ్ చేస్తూ సినిమాపై ఓ రేంజ్ ఎక్స్‏పెక్టేషన్స్ పెంచేశారు మేకర్స్. ఇందులో దివంగత హీరోయిన్ శ్రీదేవి తనయ జాన్వీ కపూర్ కథానాయికగా నటిస్తుండగా.. బాలీవుడ్ స్టార్ సైఫ్ అలీ ఖాన్ విలన్ గా నటిస్తున్నారు. ఈ మూవీ కోసం తారక్ అభిమానులు ఎంతో ఆసక్తిగా ఎదురుచూస్తున్నారు. ఇక తాజాగా వినాయక చవితి సందర్భంగా దేవర చిత్రం నుంచి సాలిడ్ అప్డేట్ ఇచ్చారు ఎన్టీఆర్. ఎప్పుడెప్పుడా అని ఫ్యాన్స్ అంతా ఆత్రుతగా వెయిట్ చేస్తోన్న ఈ మూవీ ట్రైలర్ ను ఈ నెల 10న విడుదల చేయనున్నట్లు తారక్ ప్రకటించారు. దీంతో నందమూరి ఫ్యాన్స్ సంతోషం వ్యక్తం చేస్తున్నారు.

ఇదిలా ఉంటే.. తాజాగా దేవర సినిమా విడుదలకు ముందే సత్తా చాటింది. ఈ యాక్షన్ మూవీ ప్రీ సేల్ లో అత్యధిక టికెట్స్ అమ్ముడయినట్లు చిత్రయూనిట్ తెలిపింది. 5 లక్షల కంటే ఎక్కువ టికెట్స్ అమ్ముడయినట్లు టీమ్ వెల్లడించింది. దీంతో ఈసినిమాపై అంచనాలు ఏ స్థాయిలో ఉన్నాయో అర్థమవుతుంది. అలాగే దేవర ట్రైలర్ 2 నిమిషాల 45 సెకన్ల నిడివి ఉన్నట్లు సమాచారం. ఇప్పటికే విడుదలైన పాటలు యూట్యూబ్ లో అత్యధిక వ్యూస్ తో దూసుకుపోతున్నాయి. మరోవైపు గతంలో విడుదలై టీజర్ సినిమా ఏ రేంజ్ లో ఉండబోతుందో తెలుస్తోంది. ఇక ఇప్పుడు ట్రైలర్ తో మరోసారి యాక్షన్ విజువల్ ట్రీట్ ఖాయమని ఫ్యాన్స్ సంబరపడిపోతున్నారు.

ట్రిపుల్ ఆర్ సినిమాతో ప్రపంచవ్యాప్తంగా అభిమానులను సంపాదించుకున్నారు ఎన్టీఆర్. ఆ మూవీ తర్వాత తారక్ నటిస్తున్న సినిమా కావడంతో దేవర చిత్రం కోసం యావత్ పాన్ ఇండియా ఫ్యాన్స్ వెయిట్ చేస్తున్నారు. ఎన్టీఆర్ ఆర్ట్స్, యువసుధ ఆర్ట్ సంస్థలు సంయుక్తంగా ఈ చిత్రాన్ని నిర్మిస్తుండగా.. ఈ మూవీతోనే తెలుగు తెరకు పరిచయం కాబోతుంది జాన్వీ కపూర్.

మరిన్ని సినిమా వార్తల కోసం ఇక్కడ క్లిక్ చేయండి.