Virupaksha: క్యూరియాసిటీ పెంచేస్తోన్న సాయి ధరమ్ తేజ్ విరూపాక్ష ట్రైలర్..
కార్తీక్ దండు దర్శకత్వంలో తెరకెక్కుతోన్న ఈ సినిమా టైటిల్ అనౌన్స్ మెంట్ దగ్గరనుంచి ప్రేక్షకులను ఆకట్టుకుంటుంది. విభిన్నమైన కథాంశంతో తెరకెక్కుతోన్న ఈ సినిమా పై భారీ అంచనాలు నెలకొన్నాయి.
మెగా మేనల్లు సాయి ధరమ్ తేజ్ నటిస్తోన్న లేటెస్ట్ మూవీ విరూపాక్ష. కార్తీక్ దండు దర్శకత్వంలో తెరకెక్కుతోన్న ఈ సినిమా టైటిల్ అనౌన్స్ మెంట్ దగ్గరనుంచి ప్రేక్షకులను ఆకట్టుకుంటుంది. విభిన్నమైన కథాంశంతో తెరకెక్కుతోన్న ఈ సినిమా పై భారీ అంచనాలు నెలకొన్నాయి. ఈ మూవీలో తేజ్ కు జోడీగా సంయుక్త మీనన్ హీరోయిన్ గా నటిస్తోంది. బ్లాక్ మ్యాజిక్ వంటి ఇంట్రెస్టింగ్ కథాంశంతో ఈ సినిమాను సస్పెన్స్ థ్రిల్లర్‌గా తెరకెక్కిస్తున్నారు. సినిమా కథ ఏంటన్నదానిపై అందరిలో క్యూరియాసిటీ పెంచేసిందీ మూవీ. ఇదిలా ఉంటే పాన్‌ ఇండియా స్థాయిలో తెరకెక్కిస్తోన్న ఈ చిత్రాన్ని ఏప్రిల్‌ 21న తెలుగుతో పాటు తమిళ, మలయాళ, కన్నడ, హిందీలో కూడా విడుదల చేయనున్నారు.
తాజాగా ఈ సినిమా ట్రైలర్ ను రిలీజ్ చేశారు చిత్రయూనిట్. ట్రైలర్ ఆద్యంతం ఆకట్టుకునేలా ఉంది. ఒక ఊరిని బ్లాక్ మ్యాజిక్ నుంచి కాపాడే కుర్రాడిగా కనిపించనున్నాడు తేజ్. అలాగే ఈ సినిమాలో క్యూట్ లవ్ స్టోరీ కూడా ఉండనుందని తెలుస్తోంది.
అలాగే యాక్షన్ సీన్స్ కూడా ఈ సినిమాలో హైలైట్ గా ఉండనున్నాయని తెలుస్తోంది. రిపబ్లిక్ మూవీ సమయంలో రోడ్డు ప్రమాదం జరగడంతో కొంతకాలం గ్యాప్ తీసుకున్నారు. ఇక ఇప్పుడు విరూపాక్ష అనే సినిమాతో ప్రేక్షకుల ముందుకు రానున్నాడు తేజ్. ఈ ఇంట్రెస్టింగ్ టైటిల్ పై మీరూ ఓ లుక్కేయండి.
మరిన్ని సినిమా వార్తల కోసం ఇక్కడ క్లిక్ చేయండి.