Kushboo: అందాలతో గత్తరలేపిన ఖుష్బూ కూతురు.. ఈ బ్యూటీ ముందు స్టార్ హీరోయిన్స్ సైతం దిగదుడుపే..

సౌత్ ఇండస్ట్రీలో ఒకప్పుడు టాప్ హీరోయిన్ ఖుష్బూ సుందర్. తెలుగు, తమిళం, మలయాళం భాషలలో ఎన్నో సూపర్ హిట్ చిత్రాల్లో నటించి మెప్పించింది. అప్పట్లో టాప్ హీరోస్ అందరి జోడిగా కనిపించి మంచి క్రేజ్ సొంతం చేసుకుంది. ఇప్పటికీ అటు సినిమాలతోపాటు.. ఇటు రాజకీయాల్లోనూ చాలా యాక్టివ్ గా ఉన్నారు. తాజాగా ఖుష్బూ ఫోటోస్ నెట్టింట వైరలవుతున్నాయి.

Kushboo

Rajitha Chanti |
Updated on: Apr 02, 2025 | 11:49 AM

దక్షిణాది చిత్రపరిశ్రమలో ఒకప్పుడు టాప్ హీరోయిన్. అందం, అభినయంతో అప్పట్లో కుర్రకారు ఆరాధ్య దేవతగా మారింది. ఈ అమ్మడు కోసం ఏకంగా గుడి కట్టేశారు అభిమానులు. తెలుగుతోపాటు తమిళం, మలయాళం, కన్నడ భాషలలో అనేక హిట్ చిత్రాల్లో నటించి మెప్పించింది. అయితే 90’s లో అగ్ర కథానాయికగా ఓ వెలుగు వెలిగిన ఖుష్బూ ఇప్పుడు సెకండ్ ఇన్నింగ్స్ లోనూ బిజీగా ఉంటుంది. స్టార్ హీరోహీరోయిన్లకు అమ్మ, అత్త పాత్రలు పోషిస్తూ అలరిస్తుంది. అప్పట్లో సీనియర్ హీరోలకు జోడిగా నటించిన ఖుష్బూ.. ఇప్పుడు యంగ్ స్టార్స్ కు తల్లిగా కనిపిస్తుంది. అలాగే రాజకీయాల్లోనూ యాక్టివ్ గా ఉన్నారు. స్టార్ హీరోయిన్ గా కొనసాగుతున్న సమయంలో ఖుష్బూకు అభిమానులు ఏకంగా గుడి కట్టేశారు అంటే అప్పట్లో ఆమె క్రేజ్ ఎలా ఉండేదో చెప్పక్కర్లేదు. ఇప్పటికీ ఆమె ఫాలోయింగ్ ఏమాత్రం తగ్గలేదు.

ప్రస్తుతం ఖుష్బూ తెలుగులోనూ పలు సినిమాల్లో నటిస్తున్నారు. పవర్ స్టార్ పవన్ కళ్యాణ్ నటించిన అజ్ఞాతవాసి, శర్వానంద్ ఆడాళ్లు మీకు జోహార్లు వంటి చిత్రాల్లో నటించి మెప్పించింది. ఇప్పుడిప్పుడే తమిళంలోనూ పలు సినిమాల్లో నటిస్తుంది. అలాగే నిర్మాతగానూ కొనసాగుతున్నారు. ఇదిలా ఉంటే.. ఖుష్బూ ఫ్యామిలీ గురించి చాలా మందికి తెలియదు. ఆమె భర్త తమిళంలో టాప్ డైరెక్టర్ సుందర్. ఇటీవలే అరణ్మనై 4 సినిమాతో హిట్ అందుకున్నారు. ఖుష్బూ సుందర్ దంపతులకు ఇద్దరు కూతుర్లు ఉన్నారు. అందులో అవంతిక పెద్దమ్మాయి.

అవంతిక విదేశాల్లో చదువుకుంటుంది. సోషల్ మీడియాలో ఈ అమ్మడు చాలా యాక్టివ్. ఇక అందం, గ్లామర్ విషయంలో మాత్రం తల్లికి ఏమాత్రం తీసిపోదు. నిత్యం మోడ్రన్ డ్రెస్సులలో గ్లామర్ ఫోటోస్ వీడియోస్ షేర్ చేస్తూ ఫాలోయింగ్ పెంచుకుంటుంది. ప్రస్తుతం ఈ అమ్మడు ఫోటోస్ నెట్టింట చక్కర్లు కొడుతుండగా.. హీరోయిన్లకు ఏమాత్రం తగ్గదంటూ కామెంట్స్ చేస్తున్నారు.