Tollywood: ఈ అన్నా చెల్లెళ్లు ఇప్పుడు టాలీవుడ్‌లో క్రేజీ హీరో, హీరోయిన్లు.. ఎవరో గుర్తు పట్టారా మరి?

ఈ ఇద్దరూ ఇప్పటికే సినిమా ఇండస్ట్రీలోకి అడుగు పెట్టారు. అన్న హీరోగా తెరకెక్కిన మొదటి సినిమాకు చెల్లి నిర్మాతగా వ్యవహరించింది. ఇప్పుడు ఆమె కూడా హీరోయిన్ గా ఎంట్రీ ఇచ్చేందుకు సిద్ధమవుతోంది. మొత్తానికి తండ్రి బాటలోనే నడిచేందుకు రెడీ అయ్యారీ అన్నాచెల్లెళ్లు.

Tollywood Actors

Basha Shek |

Updated on: Feb 17, 2025 | 4:26 PM

పై ఫొటోలో ఉన్నదెవరో గుర్తు పట్టారా? వీరు ఒక స్టార్ నటుడి పిల్లలు. ఇప్పుడు పెరిగి పెద్ద వారయ్యారు. తండ్రి బాటలోనే నడుస్తూ సినిమా ఇండస్ట్రీలోకి అడుగు పెట్టారు. కుమారుడు ఇప్పటికే హీరోగా ఎంట్రీ ఇచ్చాడు. సినిమా రిజల్ట్ ఎలా ఉన్నా డ్యాన్సులు, ఫైట్స్ లో ఇరగదీశాడన్నకాంప్లిమెంట్స్ వినిపించాయి. ఇక అన్న సినిమాకు నిర్మాతగా వ్యవహరించింది చెల్లెలు. దగ్గరుండి ప్రమోషన్ కార్యక్రమాలను చూసుకుంది. ఇప్పుడు ఆమె కూడా హీరోయిన్ గా ఎంట్రీ ఇచ్చేందుకు రెడీ అయ్యింది. ఇటీవలే బ్రహ్మా ఆనందం సినిమాలో ఓ పాత్రలో తళుక్కుమన్న ఆమె ఇప్పుడు కథానాయికగా వెండితెరకు పరిచయం కానుంది. ఇంతకీ వీరెవరో గుర్తు పట్టారా? కొంచెం కష్టంగా ఉందా? అయితే సమాధానం మేమే చెబుతాం లెండి. వీరు మరెవరో కాదు ప్రముఖ బుల్లితెర నటుడు ప్రభాకర్ పిల్లలు చంద్ర హాస్, దివిజా ప్రభాకర్. ఇది వారి చిన్ననాటి ఫొటో. దివిజా ప్రభాకర్ హీరోయిన్ గా ఇటీవలే కొత్త సినిమా ప్రారంభమైంది. ఈ నేపథ్యంలో ఆమె చిన్ననాటి ఫొటోలు, వీడియోలు ఇప్పుడు నెట్టింట తెగ చక్కర్లు కొడుతున్నాయి.

కాగా చంద్ర హాస్ ఇప్పటికే రామ్ నగర బన్నీ సినిమాతో హీరోగా ఎంట్రీ ఇచ్చాడు. ఇందులో అతని యాక్టింగ్, డ్యాన్సింగ్, ఫైట్స్ కు ప్రశంసలు లభించాయి. ఇక ఇప్పుడు దివిజా ప్రభాకర్ హీరోయిన్ గా ఎంట్రీ ఇవ్వనుంది. ఇటీవల రిలీజైన బ్రహ్మా ఆనందం సినిమాలో ఓ కీలక పాత్రలో నటించిన ఆమె ఇప్పుడు కథానాయికగా అదృష్టం పరీక్షించుకోనుంది.

ఇవి కూడా చదవండి

సోదరుడు చంద్ర హాస్ తో దివిజా ప్రభాకర్..

View this post on Instagram

A post shared by Divija Prabhakar (@divija_prabhakar)

‘హే చికీతా’ పేరుతో తెరకెక్కుతోన్న ఈ ప్రేమ కథా చిత్రంలో ‘వైఫ్ ఆఫ్’ ఫేమ్ అభినవ్ మణికంఠ హీరోగా నటిస్తున్నాడు. తన్మయి మరో హీరోయిన్‌గా కనిపించనుంది. ప్రఖ్యాత సినిమాటోగ్రాఫర్, డైరెక్టర్ గరుడ వేగ అంజి ఈ సినిమాను అశోక ఆర్‌ఎన్‌ఎస్‌తో కలిసి నిర్మిస్తున్నారు. ఈ చిత్రంతో ధనరాజ్ లెక్కల దర్శకుడిగా టాలీవుడ్‌లోకి అఅడుగు పెట్టనున్నాడు. ఈ సినిమాలో పృథ్వీ రాజ్, ప్రభాకర్, వీర శంకర్, బలగం సుజాత, అంజి మామ, గంగవ్వ తదితరులు కీలక పాత్రలు పోషించనున్నారు.