Godfather: మెగా ఫ్యాన్స్‌కు పండగలాంటి వార్త చెప్పిన మేకర్స్.. బాస్ బర్త్ డే రోజున..

God Father

ఆచార్య సినిమా నిరాశలో ఉన్నమెగా ఫ్యాన్ ఇప్పుడు గాడ్ ఫాదర్ సినిమా వైపు ఆశగా చూస్తున్నారు. భారీ అంచనాల మధ్య రిలీజ్ అయిన ఆచార్య సినిమా బాక్సాఫీస్ దగ్గర బోల్తా కొట్టింది. కొరటాల శివ దర్శకత్వంలో వచ్చిన ఈ సినిమాలో మెగాస్టార్ చిరంజీవి(Chiranjeevi)తోపాటు మెగా పవర్ స్టార్ రామ్ చరణ్ కూడా కలిసి నటించడంతో ఈ సినిమా పై భారీ అంచనాలు పెట్టుకున్నారు ఫ్యాన్. కానీ సినిమా రిలీజ్ అయిన తర్వాత ఆ అంచనాలన్నీతలక్రిందులు అయ్యాయి. ఇక ఇప్పుడు మెగాస్టార్ గ్యాప్ లేకుండా బ్యాక్ టు బ్యాక్ సినిమాలు లైనప్ చేశారు. వీటిలో ముందుగా వస్తోన్న సినిమా గాడ్ ఫాదర్(Godfather). మోహన్ రాజా దర్శకత్వం వహిస్తోన్న ఈ సినిమా మలయాళ సూపర్ హిట్ లూసిఫర్ కు రీమేక్ గా వస్తోంది. ఈ సినిమాలో చిరు డిఫరెంట్ గెటప్ లో కనిపించనున్నారు.

ఇప్పటికే ఈ సినిమానుంచి విడుదలైన మెగాస్టార్ లుక్, గ్లిమ్ప్స్ సినిమా పై ఆసక్తికి క్రియేట్ చేశాయి. తాజాగా ఈ సినిమా నుంచి అదిరిపోయే అప్డేట్ ఇచ్చారు మేకర్స్. గాడ్ ఫాదర్ సినిమానుంచి టీజర్ ను రిలీజ్ చేయనున్నారు. మెగాస్టార్ చిరంజీవి పుట్టినరోజు సందర్భంగా ఆగస్టు 21(ఆదివారం) నాడు ప్రేక్షకుల ముందుకు తీసుకురానున్నట్లు తాజాగా చిత్రబృందం ప్రకటించింది. ఇక ఈ సినిమాలో బాలీవుడ్ కండల వీరుడు సల్మాన్ ఖాన్ ప్రత్యేక పాత్రలో నటించనున్నారు. అలాగే ఈ సినిమాలో నయనతార, సత్యదేవ్ కీలక పాత్రలో కనిపించనున్నారు. ప్రస్తుతం ఈ సినిమా షూటింగ్ దశలో ఉంది. త్వరలోనే ఈ సినిమా రిలీజ్ డేట్ ను కూడా అనౌన్స్ చేయనున్నారు మేకర్స్. దసరాను టార్గెట్ చేసుకొని సినిమాను రిలీజ్ చేయాలనీ సన్నాహాలు చేస్తున్నారు మేకర్స్. ఈ సినిమా తో మెగాస్టార్ సాలిడ్ హిట్ కొట్టడం ఖాయం అని చిత్రయూనిట్ తోపాటు మెగా ఫ్యాన్స్ కూడా ధీమా వ్యక్తం చేస్తున్నారు. మరి ఈ సినిమా ఏ రేంజ్ లో హిట్ అవుతుందో చూడాలి.

మరిన్ని సినిమా వార్తల కోసం ఇక్కడ క్లిక్ చేయండి