Vishwambhara: మెగాస్టార్‌తో డాన్స్ చేస్తున్న ఈ బ్యూటీని గుర్తుపట్టారా.? సోషల్ మీడియా నుంచి క్రేజీ క్రేజీ హీరోయిన్‌గా

మెగాస్టార్ చిరంజీవి హీరోగా నటిస్తున్న లేటెస్ట్ మూవీ విశ్వంభర. బింబిసార వంటి బ్లాక్ బస్టర్ అందుకున్న దర్శకుడు విశిష్ట దర్శకత్వంలో ఈ సినిమా తెరకెక్కుతుంది. ఈ సినిమాను సోహియో ఫాంటసీ మూవీ తెరకెక్కిస్తున్నాడు దర్శకుడు. ఇప్పటికే ఈ సినిమా నుంచి విడుదలైన పోస్టర్స్, వీడియో గ్లింప్స్ ప్రేక్షకులను విశేషంగా ఆకట్టుకున్నాయి. కాగా విశ్వంభర సినిమా సైలెంట్ గా జరుగుతుంది. ఈ ఇప్పటికే ఈ సినిమా షూటింగ్ 70శాతం పూర్తయ్యిందని తెలుస్తుంది. ఈ సినిమాలో మెగాస్టార్ సరసన ఐదుగురు హీరోయిన్స్ కనిపించనున్నారని ప్రచారం జరుగుతుంది. త్రిష మెయిన్ హీరోయిన్ గా నటిస్తుంది. ఇదిలా ఉంటే తాజాగా హనుమాన్ జయంతి సందర్భంగా విశ్వంభర సినిమా నుంచి ఓ సాంగ్ ను రిలీజ్ చేశారు.

రామ రామ అంటూ సాగే భక్తి గీతాన్ని విడుదల చేశారు. ఈ పాటను రామజోగయ్య శాస్త్రి రాశారు. కీరవాణి బాణీలు అందించారు. ఇక ఈసాంగ్ ఇప్పుడు ప్రేక్షకులను విశేషంగా ఆకట్టుకుంటుంది. కాగా ఈ సాంగ్ లో మెగాస్టార్ పక్కన ఓ యంగ్ బ్యూటీ కనిపించింది. పై ఫొటోలో మెగాస్టార్ తో పాటు స్టెప్పులేస్తున్న ఆ యంగ్ హీరోయిన్  ఎవరో గుర్తుపట్టారా.? చేసింది తక్కువ సినిమాలే అయినా మంచి గుర్తింపు తెచ్చుకుంది. పైగా సోషల్ మీడియాతో పాపులర్ అయ్యి ఆతర్వాత హీరోయిన్ గా మారింది. ఆమె ఎవరంటే..

రీసెంట్ డేస్ లో బాగా పాపులర్ అయిన భామల్లో రమ్య పసుపులేటి ఒకరు. హుషారు సినిమాతో ఈ చిన్నది మంచి గుర్తింపు తెచ్చుకుంది. ఆతర్వాత కొన్ని సినిమాల్లో మెరిసింది. ఈమధ్య మెయిన్ హీరోయిన్ గా మారుతి నగర్ సుబ్రహ్మణ్యం అనే అనే సినిమాలో మెరిసింది. అందం, అభినయంతో ఈ చిన్నది కుర్రాళ్లను కట్టిపడేసింది. ఇక ఇప్పుడు ఏకంగా చిరంజీవి సినిమాలో నటించే ఛాన్స్ అందుకుంది. విశ్వంభర సినిమాలో రమ్య మెగాస్టార్ చెల్లెలిగా కనిపించనుందని టాక్ వినిపిస్తుంది. తాజాగా విడుదలైన సాంగ్ లో మెగాస్టార్ పక్కన డాన్స్ చేసింది రమ్య. ఈ సినిమా తర్వాత ఈ చిన్నదాని క్రేజ్ డబుల్ అవ్వడం ఖాయంగా కనిపిస్తుంది.

View this post on Instagram

A post shared by Sai Ramya Pasupuleti (@ramyaapasupuleti)

మరిన్ని సినిమా వార్తల కోసం ఇక్కడ క్లిక్ చేయండి..