Tollywood: మేం నలుగురం కాబోతున్నాం.. మళ్లీ తల్లి కానున్న టాలీవుడ్ ప్రముఖ నటి.. ఎమోషనల్ వీడియో వైరల్

పెళ్లి చేసుకుని ఒక బిడ్డకు తల్లిగా మారి అమ్మ అని పిలిపించుకున్నప్పుడే ఒక మహిళ జీవితం పరిపూర్ణమవుతుందని పెద్దలు అంటుంటారు. అందుకే పెళ్లయిన అమ్మాయిలందరూ అమ్మతనం కోసం ఆరాటపడుతుంటారు. గర్భం ధరించాక సంతోషంతో పొంగిపోతుంటారు. ప్రస్తుతం ఓ టాలీవుడ్ నటి అలాంటి ఆనందాన్నే ఆస్వాదిస్తోంది.

Tollywood Actress

Basha Shek |
Updated on: Jul 10, 2025 | 8:47 PM

టాలీవుడ్ ప్రముఖ నటి గుడ్ న్యూస్ చెప్పింది. తాను మరోసారి తల్లి కాబోతున్నట్లు సోషల్ మీడియా వేదికగా వెల్లడించింది. ఈ మేరకు బేబీ బంప్ తో ఉన్న తన ఫొటోలు, వీడియోలను ఇన్ స్టా గ్రామ్ లో పోస్ట్ చేసింది. ‘మా జీవితంలోకి మరో హార్ట్ బీట్ రాబోతోంది”. ఇప్పుడు మేము ముగ్గురం.. త్వరలో నలుగురం కాబోతున్నాం’ అంటూ ఒక బ్యూటిఫుల్ వీడియోను షేర్ చేసిందీ అందాల తార. ప్రస్తుతం ఈ వీడియో నెట్టింట వైరలవుతోంది. దీనిని చూసిన పలువురు సినీ ప్రముఖులు, అభిమానులు, నెటిజన్లు నటికి ముందస్తు అభినందనలు, శుభాకాంక్షలు తెలియజేస్తున్నారు. ఇలా అభినందనల వర్షంలో మునిగితేలుతోన్న ఆ ముద్దుగుమ్మ మరెవరో కాదు ఎన్టీఆర్ దేవర సినిమాలో నటించిన ప్రముఖ కన్నడ నటి చైత్ర రాయ్. దేవరలో ఆమె విలన్ సైఫ్ అలీ ఖాన్ భార్య పాత్రలో అద్భుతంగా నటించింది. సినిమాలో ఎక్కువగా కనిపించకపోయినా స్క్రీన్ పై ఉన్నంత సేపు ఆడియెన్స్ దృష్టిని బాగా ఆకర్షించింది. కాగా తెలుగుతో పాటు కన్నడ భాషల్లో బాగా ఫేమస్ అయిన చైత్ర రాయ్ ఇంజనీర్ అయిన ప్రసన్న శెట్టి ని వివాహం చేసుకుంది. ఈ దంపతులకు ఇప్పటికే ఒక కూతురు ఉంది. ఇప్పుడు మరోసారి అమ్మానాన్నలుగా ప్రమోషన్ పొందనున్నారీ లవ్లీ కపుల్.

చైత్ర రాయ్ స్టార్ మాలో ప్రసారమైన అష్టా చమ్మా సీరియల్ తో మంచి గుర్తింపు తెచ్చుకుంది. ఇందులో ఆమె స్వప్న అనే పాత్రతో బుల్లితెర ఆడియెన్స్ కు బాగా చేరువైంది. దీని తర్వాత మనసున మనసై, ఒకరికి ఒకరు, దట్ ఈజ్ మహాలక్ష్మి, అత్తారింట్లో అక్కాచెల్లెళ్లు, రాధకు నీవే రా ప్రాణం తదితర ఎన్నో సూపర్ హిట్ సీరియల్స్ లోనూ నటించిందీ అందాల తార. అలాగే పలు టీవీ షోల్లోనూ సందడి చేసింది. అయితే పెళ్లి తర్వాత క్రమంగా సీరియల్స్ కు కూడా దూరమైందీ అందాల తార. అయితే ఎన్టీఆర్ దేవర సినిమాతో తెలుగు ఆడియెన్స్ ను మరోసారి పలకరించింది.

ఇవి కూడా చదవండి