Chiranjeevi Birthday: రక్తనిధి, నేత్ర నిధితో మానవత్వాన్ని చాటుకున్నారు.. చిరంజీవికి సీఎం చంద్రబాబు బర్త్‌డే విషెస్

మెగాస్టార్ చిరంజీవి ఇవాళ(ఆగస్టు 22) పుట్టిన రోజు జరుపుకొంటున్నారు. ఈ సందర్భంగా పలువురు సినీ, రాజకీయ క్రీడా ప్రముఖులు ఆయనకు బర్త్ డే విషెస్ చెబుతున్నారు. ఈ క్రమంలో ఏపీ ముఖ్యమంత్రి చంద్రబాబు నాయుడు సోషల్ మీడియా వేదికగా చిరంజీవికి పుట్టిన రోజు శుభాకాంక్షలు తెలిపారు. ‘ప్రముఖ చలనచిత్ర నటుడు, కేంద్ర మాజీ మంత్రి, పద్మభూషణ్ మెగాస్టార్ చిరంజీవి గారికి జన్మదిన శుభాకాంక్షలు. 1978లో తెలుగు చిత్రసీమలో అడుగు పెట్టి అంచెలంచెలుగా ఎదిగి ఎనలేని కీర్తి ప్రతిష్టలను, ఎంతో మంది అభిమానులను సొంతం చేసుకుని మెగాస్టార్ గా నిలిచారు. రక్తనిధి, నేత్ర నిధి ఏర్పాటు చేసి మానవత్వాన్ని చాటుకుని సమాజం పట్ల తన బాధ్యతను నెరవేరుస్తున్నారు. ఆయన ఇలాంటి పుట్టినరోజులు మరెన్నో జరుపుకోవాలని, సినీ ప్రేక్షకులను మరింతగా అలరించాలని మనస్ఫూర్తిగా కోరుకుంటున్నాను’ అని ఎక్స్ (ట్విట్టర్)లో రాసుకొచ్చారు చంద్రబాబు నాయుడు. ప్రస్తుతం ఈ ట్వీట్ నెట్టింట వైరల్ గా మారింది. ఇక చిరంజీవి పుట్టిన రోజు సందర్భంగా సోషల్ మీడియాలో మెగాభిమానులు హంగామా చేస్తున్నారు. మెగాస్టార్ కు సంబంధించిన పాత సినిమాలు, ఫొటోలు, వీడియోలు షేర్ చేస్తూ బర్త్ డే విషెస్ చెబుతున్నారు.

ఇక, చిరంజీవి సోదరుడు, ఏపీ డిప్యూటీ సీఎం పవన్ కల్యాణ్ చిరంజీవిని ఉద్దేశించి చేసిన ట్వీట్ నెట్టింట బాగా వైరలవుతోంది. ‘మా అన్నయ్య చిరంజీవి గురించి ఎప్పుడు తల్చుకున్నా ఆనందమే. హీరో అవ్వకముందు నుంచే ఆయన నాకు హీరో. అన్నయ్యతో కలిసి నడిస్తే గర్వంగా ఉండేది. పెళ్లయ్యాక ఆయన మాకు దూరం అవుతారని అనుకున్నా. కానీ నన్ను చెన్నై తీసుకెళ్లి అన్నయ్య-వదిన చూపించిన ప్రేమ మాటల్లో చెప్పలేను. నా ఏకైక హీరో మెగాస్టార్ కు జన్మదిన శుభాకాంక్షలు’ అని ట్విట్టర్ లో రాసుకొచ్చారు మెగాస్టార్.

సీఎం చంద్రబాబు నాయుడు ట్వీట్..

ప్రముఖ చలనచిత్ర నటుడు, కేంద్ర మాజీ మంత్రి, పద్మభూషణ్ మెగాస్టార్ చిరంజీవి గారికి జన్మదిన శుభాకాంక్షలు. 1978లో తెలుగు చిత్రసీమలో అడుగు పెట్టి అంచెలంచెలుగా ఎదిగి ఎనలేని కీర్తి ప్రతిష్టలను, ఎంతో మంది అభిమానులను సొంతం చేసుకుని మెగాస్టార్ గా నిలిచారు. రక్తనిధి, నేత్ర నిధి ఏర్పాటు చేసి… pic.twitter.com/J13k0skqUp

— N Chandrababu Naidu (@ncbn) August 22, 2026

పవన్ కల్యాణ్ ట్వీట్..

A thought about Annaya @KChiruTweets is always a source of joy. While I walk along the memory lane on this special day ,these are few memories I have tumbled upon.

In our childhood, he went away from home to pursue his college education in Narsapur. And his homecoming for… pic.twitter.com/oWMPairQY1

— Pawan Kalyan (@PawanKalyan) August 22, 2026

చిరంజీవి పుట్టిన రోజు.. ఆహా స్పెషల్ వీడియో..

Generations maarina, Gen-Z laku ardham kakapoyina… aayana sthaanam, staayi veru🔥

Wishing the God of Commercial Cinema, the Demo God of Masses,Indrasena of Industry Hits @KChiruTweets garu, a very Happy Birthday! ❤️‍🔥#HappyBirthdayChiranjeevi #Aha #Megastar pic.twitter.com/gZhSUNCqa0

— ahavideoin (@ahavideoIN) August 22, 2026