మహావతార్ నరసింహను బీట్ చేసే రేంజ్లో మరో యానిమేషన్ సినిమా..
సినిమా స్క్రీన్ ఇప్పుడు దేవుళ్ల కథలను ప్రేక్షకులకు అందజేయడంలో బిజీగా ఉంది. ఇండియన్ సిల్వర్ స్క్రీన్.. ఇప్పుడు పురాణ గాథల వైపు ఊపు తిరిగింది. దేవుళ్లతో పాటు చరిత్ర మరిచిపోయిన వీరుల కథలను వెలికితీసి ప్రేక్షకులకు అందజేసేందుకు మేకర్స్ ప్రయత్నిస్తున్నారు. ఇందుకోసం చాలా రీసెర్చ్ చేస్తున్నారు.
ప్రస్తుతం సినిమా ఇండస్ట్రీలో పాన్ ఇండియా సినిమాల హవ నడుస్తున్న విషయం తెలిసిందే.. చిన్న సినిమా పెద్ద సినిమా అని తేడా లేకుండా అన్ని సినిమాలు ప్రేక్షకులను విశేషంగా ఆకట్టుకుంటున్నాయి. అలాగే యానిమేషన్ సినిమాలకు కూడా ప్రేక్షకుల్లో మంచి క్రేజ్ ఉంటుంది. ఇప్పటికే ఇండస్ట్రీలో ఎన్నో యానిమేషన్ సినిమాలు హడావిడి చేశాయి. హాలీవుడ్ లో చాలా యానిమేషన్స్ సినిమాలు ఉన్నాయి. అలాగే ఇండియాలో తెరకెక్కిన యానిమేషన్ సినిమాలు కూడా ఆకట్టుకున్నాయి. ఇటీవలే కన్నడలో విడుదలైన మహావతార్ నరసింహ సినిమా ఎంత పెద్ద విజయం సాధించిందో ప్రత్యేకంగా చెప్పాల్సిన అవసరం లేదు. స్టార్ హీరోలు, పెద్ద డైరెక్టర్, భారీ సెట్లు ఎలాంటివి లేకుండా వచ్చిన ఈ సినిమా కలెక్షన్స్ వర్షం కురిపించింది.
‘మహావతార్’ సినిమాటిక్ యూనివర్స్ పేరుతో మేకర్స్ ఏడాదికి ఓ సినిమాను విడుదల చేయనున్నారు. ఇప్పటికే మహావతార్ నరసింహ రాగా త్వరలోనే మహావతార్ పరశురామ్ సినిమా రానుంది. ఇదిలా ఉంటే ఇప్పుడు.. మహావతార్ నరసింహ సినిమాను బీట్ చేసే రేంజ్ లో మరో యానిమేటడ్ మూవీ ప్రేక్షకుల ముందుకు రానుంది. లార్డ్ శివ నేపథ్యంలో ‘పినాకిన్’ అనే యానిమేషన్ చిత్రం రూపొందుతోంది.
కమల్భారతి ఎంటర్టైన్మెంట్ పతాకంపై హర్ష్ పండిట్, వామన్ రాణే ఈ సినిమాను నిర్మిస్తున్నారు. వివేక్ అంచాలియా ఈ సినిమాకు దర్శకత్వం వహిస్తున్నారు. ఇటీవలే మహాశివరాత్రి సందర్భంగా పినాకిన్ సినిమాను అధికారికంగా ప్రకటించారు మేకర్స్. ఈమేరకు ఆసక్తికర పోస్టర్ ను కూడా రిలీజ్ చేశారు. అలాగే ఈ సినిమాను ఈ ఏడాదే తెలుగు, తమిళ, హిందీ, ఇంగ్లిష్ భాషల్లో రిలీజ్ చేయనున్నట్లుగా తెలిపారు మేకర్స్. దాంతో ఈ సినిమా పై మంచి అంచనాలు క్రియేట్ అయ్యాయి. అలాగే శివ్ సతీ అనే మరో యానిమేషన్ సినిమాను కూడా ప్రకటించారు మేకర్స్. ఈ సినిమా కూడా ప్రేక్షకులను పక్కా ఆకట్టుకుంటుందని టాక్ వినిపిస్తుంది.
ప్రేమించి పెళ్లాడింది.. కట్ చేస్తే మూడేళ్లకే విడాకులు.. ఇప్పుడు మరొకరితో
మరిన్ని ఎంటర్టైన్మెంట్ వార్తల కోసం ఇక్కడ క్లిక్ చేయండి.