Allari Naresh: ఆమె నా షర్ట్ పట్టుకొని.. చెడామడా తిట్టేసింది.. దెబ్బకు నేను షాక్ అయ్యా

వైవిధ్యమైన సినిమాలకు కేరాఫ్ అడ్రస్ గా మారారు. కామెడీ హీరోగా కెరీర్ మొదలు పెట్టిన నరేష్, సీరియస్ సినిమాలతోను ప్రేక్షకులను విశేషంగా ఆకట్టుకుంటున్నారు. ఇటీవలే నరేష్ నటించిన సినిమాలు మంచి విజయాన్ని అందుకుంటున్నాయి. ఎన్నో వైవిధ్యమైన సినిమాలు చేసిన నరేశ్ కెరీర్ లో వన్ ఆఫ్ ది బిగెస్ట్ హిట్ సినిమా కితకితలు. అల్లరి నరేష్, గీతాసింగ్ ప్రధాన పాత్రల్లో తెరకెక్కిన హాస్యభరిత చిత్రం కితకితలు తెలుగు ప్రేక్షకులను అలరించింది. ఈ చిత్రం విడుదలైన తర్వాత సాధించిన విజయం, దాని వెనుక ఉన్న ఆసక్తికరమైన విషయాలను నరేష్ గతంలో ఒక ఇంటర్వ్యూలో పంచుకున్నారు. ఈ చిత్రంలో గీతాసింగ్ వంటి నటిని హీరోయిన్‌గా తీసుకోవడం పట్ల మొదట తన తండ్రి, చిత్ర నిర్మాతతో సహా అనేకమందికి సందేహాలు కలిగాయని నరేష్ వెల్లడించారు. ఆ సమయంలో తాను కొన్ని హిట్స్‌లో ఉన్నందున, ఈ సబ్జెక్ట్, హీరోయిన్ ఎంపికపై ప్రశ్నలు తలెత్తాయట. అయితే, “కథ డిమాండ్ చేస్తే ఎలాంటి పాత్రకైనా వెళ్ళాలి” అనే సిద్ధాంతంతో ముందుకు వెళ్ళినట్లు తెలిపారు.

ఇది కూడా చదవండి : ఆ హీరో పిలిచి తిడతాడనుకున్నా.. కానీ ఆయన చేసిన పనికి షాక్ అయ్యా

ఈ సినిమా కథాంశం ఒక ఐశ్వర్యా రాయ్ లాంటి భార్యను కోరుకునే వ్యక్తికి కల్పనారాయ్ లాంటి భార్య వస్తే ఎలా ఉంటుంది అనేదేనని నరేష్ వివరించారు. చిత్ర యూనిట్ లో కొంతమందిలో భయం ఉన్నప్పటికీ, నరేష్ తండ్రి కథపై పూర్తి నమ్మకం ఉంచారు. అయినప్పటికీ, బడ్జెట్ విషయంలో చాలా కట్టుదిట్టంగా వ్యవహరించారు. మొదట మూడు కోట్ల బడ్జెట్ అనుకున్నప్పటికీ, బయటి వారి సందేహాలు, “ఈ సినిమా ఆడుతుందా? లావు హీరోయిన్‌ను పెడితే ఎవరు చూస్తారు?” వంటి ప్రశ్నలతో బడ్జెట్‌ను 80-90 లక్షలకు తగ్గించారట. సినిమా షూటింగ్‌ను కూడా సోమవారం నుంచి శుక్రవారం వరకు మాత్రమే నిర్వహించి, వారాంతాల్లో సెలవులు ఇచ్చారట. ఈ కట్టుదిట్టమైన బడ్జెట్‌తో తెరకెక్కిన కితకితలు సినిమా అంచనాలకు మించి ఎనిమిది కోట్ల రూపాయలకు పైగా వసూలు చేసి అద్భుత విజయం సాధించింది. ఇది అందరినీ ఆశ్చర్యపరిచింది. గీతాసింగ్‌కు ఈ చిత్రం జీవితకాల గుర్తింపును తెచ్చిపెట్టిందని నరేష్ అన్నారు. ఈ రోజుకీ ఆమె ఎక్కడ కనిపించినా ప్రజలు ఆమెను కితకితలు హీరోయిన్‌గానే గుర్తిస్తారని, ఆమె అంతకు ముందు అనేక సినిమాలు చేసినప్పటికీ, ఈ చిత్రమే ఆమెకు నిజమైన “క్లెయిమ్ టు ఫేమ్” అని నరేష్ తెలిపారు. గీతాసింగ్ నటనకు, అంకితభావానికి నరేష్ ప్రశంసలు కురిపించారు. ఆమె సినిమా కోసం డబ్బింగ్ స్వయంగా చెప్పుకోవడంతో పాటు ఎంతో కష్టపడ్డారని, సినిమాలో నరేష్‌కంటే ఎక్కువ డైలాగులు ఆమెకే ఉన్నాయని గుర్తు చేశారు.

ఇది కూడా చదవండి : Talluri Rameswari: నా రెమ్యునరేషన్ గురించి ఆ స్టార్ హీరో అలా అనేసరికి షాక్ అయ్యా..!

ఒక సందర్భంలో ఏలూరు వెళ్ళినప్పుడు, ఒక మహిళ నరేష్‌ను షర్ట్ పట్టుకుని “లావుగా ఉంటే తప్పేంటయ్యా? మా ఆయన కూడా నువ్వు కితకితలు హీరోయిన్ లా ఉన్నావు అంటున్నాడు” అని ప్రశ్నించిందని నరేష్ తెలిపారు. అలాగే, ఒక షూటింగ్ సమయంలో ప్రగతి రిసార్ట్‌లో గీతాసింగ్ స్విమ్‌సూట్‌లో ఉన్నప్పుడు, కొందరు చూసి నవ్విన సంఘటనను నరేష్ గుర్తు చేసుకున్నారు. లావుగా ఉన్నవారు స్విమ్‌సూట్ ధరించకూడదని ఎక్కడా నియమం లేదని, అయినా ప్రజలు వారి శరీర ఆకృతిని బట్టి వ్యంగ్యంగా చూస్తారని నరేష్ అభిప్రాయపడ్డారు. ఈ సంఘటనలు గీతాసింగ్‌కు మానసిక వేదనను కలిగించినప్పటికీ, తన తండ్రి ఇచ్చిన ప్రోత్సాహంతో ఆమె వాటిని ధైర్యంగా ఎదుర్కొన్నారని నరేష్ తెలిపారు. “మనసు ముఖ్యం, ఆకారం కాదు” అనే సందేశాన్ని తన తండ్రి అప్పట్లో చెప్పేవారని నరేష్ గుర్తు చేసుకున్నారు. నేటికీ గీతాసింగ్ తనను, తన తండ్రిని గౌరవంగా చూస్తారని, తమను కలిసి విషయాలు పంచుకుంటారని నరేష్ పేర్కొన్నారు. ఈ అనుభవాలన్నీ కితకితలు సినిమా కేవలం ఒక హాస్య చిత్రం కాదని, సామాజిక సందేశాన్ని, స్వీయ గౌరవాన్ని నిలబెట్టే ప్రయత్నం కూడా చేసిందని నరేష్ తెలిపారు.

ఇది కూడా చదవండి : ఎక్స్ క్లూజివ్ కంటెంట్ ఇస్తా.. ఇన్ స్టా సబ్‌స్క్రిప్షన్ మొదలు పెట్టిన రామ్ చరణ్ హీరోయిన్..

మరిన్ని సినిమా వార్తల కోసం ఇక్కడ క్లిక్ చేయండి.