RRR : అలియా భట్ హైదరాబాద్ వచ్చేస్తోంది!

రామ్‌చరణ్, ఎన్టీఆర్ హీరోలుగా జక్కన్న తెరకెక్కిస్తోన్న సంచలన మల్టీస్టారర్ ఆర్‌ఆర్‌ఆర్. బాహుబలి సిరీస్‌ తర్వాత రాజమౌళి తెరకెక్కిస్తోన్న సినిమా అవ్వడం..ఇండస్ట్రీ అగ్ర హీరోలు నటిస్తుండటంతో దేశవ్యాప్తంగా భారీ అంచనాలు నెలకొంటున్నాయి. కరోనా కారణంగా వాయిదా పడ్డ ఈ సినిమా షూటింగ్ ఇటీవలే తిరిగి పున: ప్రారంభమైంది. ఈ నెల 22వ తేదీన విడుదల చేసిన రామ రాజు ఫర్ భీమ్ టీజర్ యూట్యూబ్‌లో ప్రకంపనలు స‌ృష్టిస్తోంది.

అయితే టీజర్ చివర్లో కొమరం భీమ్‌ను ముస్లిం గెటప్‌లో చూపించడంతో వివాదం రాజుకుంది. రాజమౌళి ఆదివాసీల మనోభావాలు దెబ్బతీశారని, ఆ సీన్లు తొలగించాలని..లేదంటే సినిమా విడుదలను అడ్డుకుంటామని పలు సంఘాలు హెచ్చరిస్తున్నాయి. అయితే రాజమౌళి ఈ వివాదాలను పట్టించుకోకుండా తన పని తాను చేసుకుంటూ పోతున్నారు.‌ ఇందులో సీత పాత్రలో నటించనున్న అలియా భట్ త్వరలోనే యూనిట్‌తో జత కలవనున్నట్లు తెలుస్తోంది. ఇండస్ట్రీ వర్గాల ప్రకారం.. ఆమె నవంబర్ 2 నుంచి షూటింగ్‌లో పాల్గొంటారని సమాచారం. ఇందులో సీత పాత్ర చిన్నదే అయినప్పటికీ పాన్ ఇండియా సినిమా కావడంతో నిండుదనం కోసం అలియా భట్‌ను తీసుకున్నారు. ఎన్టీఆర్‌ జోడీగా ఒలివియా మోరిస్‌ నటిస్తోంది. సుమారు రూ.450 కోట్ల భారీ బడ్జెట్‌తో తెరకెక్కుతోన్న ఈ సినిమాలో బాలీవుడ్ స్టార్‌ అజయ్‌ దేవగణ్‌ కీలక పాత్ర పోషిస్తున్నాడు.

Also Read :…

హెలికాఫ్టర్‌లో పెళ్లికి వెళ్లిన ఎన్ఆర్ఐ ఫ్యామిలీ… కేసు నమోదు

అప్పట్లో పెళ్లి చేసుకుంటే దేవుడికి కూడా కట్నం ఇచ్చేవారట !