Akhil Akkineni : అఖిల్ సినిమాకోసం హాలీవుడ్ యాక్షన్ ఫైట్ మాస్టర్స్.. ఛేజింగ్ ఎపిసోడ్ అదిరిపోతుందట..
అక్కినేని అఖిల్‌‌‌‌కు అర్జెంట్‌‌‌గా సాలిడ్ హిట్ కావలి. వరుసగా మూడు సినిమాలు చేసినప్పటికీ హిట్ మాత్రం అందుకోలేక పోయాడు. యాక్షన్ డైరెక్టర్ వీవీ వినయక్ దర్శకత్వంలో అఖిల్..
Akhil Akkineni : అక్కినేని అఖిల్‌‌‌‌కు అర్జెంట్‌‌‌గా సాలిడ్ హిట్ కావలి. వరుసగా మూడు సినిమాలు చేసినప్పటికీ హిట్ మాత్రం అందుకోలేక పోయాడు. యాక్షన్ డైరెక్టర్ వీవీ వినయక్ దర్శకత్వంలో అఖిల్ అనే సినిమాతో హీరోగా ఎంట్రీ ఇచ్చాడు ఈ సిసింద్రీ. ఎన్నో అంచనాల మధ్య విడుదలైన ఈ సినిమా దారుణంగా నిరాశ పరిచింది. ఆతర్వాత విక్రమ్ కుమార్ కె దర్శకత్వంలో హలో అనే సినిమా చేశాడు ఈ సినిమా కూడా ప్రేక్షకులను ఆకట్టుకోలేక పోయింది. ఆతర్వాత మిస్టర్ మజ్నుగా మారి ప్రేక్షకుల ముందుకు వచ్చాడు. ఈ సినిమా కూడా బాక్సాఫీస్ దగ్గర బోల్తా కొట్టింది. దాంతో ఈ సారి ఎలాగైనా హిట్ కొట్టాలన్న కసితో ఉన్నాడు అఖిల్. ఈ క్రమంలోనే బొమ్మరిల్లు భాస్కర్ దర్శకత్వంలో మోస్ట్ ఎలిజిబుల్ బ్యాచిలర్ గా రానున్నాడు. ఈ సినిమాలో హీరోయిన్‌‌‌‌గా పూజ హెగ్డే నటిస్తుంది. ఈ సినిమా తోపాటు సురేందర్ రెడ్డి దర్శకత్వంలో సినిమా చేస్తున్నాడు అఖిల్. సాధారణంగా సురేందర్ రెడ్డి సినిమాల్లో యాక్షన్ ఎపిసోడ్స్ ఒక రేంజ్‌‌‌లో ఉంటాయి. ఇప్పటికే మహేష్ నటించిన అతిధి, బన్నీ రేసు గుర్రం, రామ్ చరణ్ ధ్రువ వంటి సినిమాలతో ఆకట్టుకున్నారు సురేందర్ రెడ్డి.
ఇక ఇప్పుడు అఖిల్ సినిమాలో కూడా భారీ యాక్షన్ ఎపిసోడ్స్ ఉండనున్నాయట. హాలీవుడ్ ఫైట్ మాస్టర్లతో కంపోజ్ చేయించిన యాక్షన్ ఎపిసోడ్స్ విదేశాల్లోనే చిత్రీకరించనున్నట్టు చెబుతున్నారు. 15 నిమిషాల పాటు సాగే ఒక ఛేజింగ్ సీన్ ఈ సినిమాకి హైలైట్‌‌‌గా నిలుస్తుందని అంటున్నారు చిత్రయూనిట్. ఈ సినిమాకోసం అఖిల్ చాలా కష్టపడుతున్నాడు. ఈ మూవీలో డిఫరెంట్ లుక్‌‌‌‌లో కనిపించనున్నాడు ఈ కుర్ర హీరో, ఈ సినిమా కోసం అఖిల్ సిక్స్ ప్యాక్‌‌‌‌ను సాధించాడు.
మరిన్ని ఇక్కడ చదవండి :