Rashmika Mandanna: పుష్ప సర్‏ప్రైజ్ వచ్చేసింది.. రష్మిక ఫస్ట్‏లుక్ అదుర్స్..

స్టైలీష్ స్టార్ అల్లు అర్జున్.. రష్మిక మందన్న జంటగా నటిస్తున్న సినిమా పుష్ప. పాన్ ఇండియా లెవల్లో తెరకెక్కుతున్న ఈ సినిమాకు సుకుమార్ దర్శకత్వం వహిస్తున్నారు. ఎర్ర చందనం స్మగ్లింగ్ నేపథ్యంలో రూపొందుతున్న ఈ సినిమాలో బన్నీ లారీ డ్రైవర్ పుష్పరాజ్ పాత్రలో కనిపించనున్నాడు. ఈ సినిమాను మైత్రి మూవీ మేకర్స్ బ్యానర్ పై భారీ బడ్జెట్‏తో నిర్మిస్తుండగా..దేవి శ్రీ ప్రసాద్ సంగీతం అందిస్తున్నారు. ఇప్పటికే ఈ మూవీ నుంచి విడుదలైన పోస్టర్స్, ఇంట్రడ్యూసింగ్ వీడియోకు మంచి రెస్పాన్స్ వచ్చింది. అలాగే ఇటీవల ఈ మూవీ నుంచి విడుదలైన దాక్కో దాక్కో మేక సాంగ్ యూట్యూబ్‏లో రికార్డ్ సృష్టించిన సంగతి తెలిసిందే.

తాజాగా ఈ మూవీ నుంచి రష్మిక ఫస్ట్ లుక్ విడుదల చేశారు మేకర్స్. ఇందులో రష్మిక గ్రామీణ యువతి పాత్రలో నటిస్తుంది. తాజాగా విడుదలై ఫోటోలో రష్మిక పూర్తిగా గ్రామీణ యువతి  శ్రీవల్లి పాత్రలో కనిపిస్తుంది. అందంగా అలంకరించుకుంటూ కుర్చున్న రష్మిక ఫోటోను విడుదల చేశారు. శ్రీవల్లి ప్రేమను చూసి పుష్పరాజ్ మనసు కరిగింది అంటూ ట్వీట్ చేసింది చిత్రయూనిట్.. ఇందులో అనసూయ, మళయాలం నటుడు ఫహద్ ఫాసిల్ కీలకపాత్రలలో నటిస్తున్నారు. ఇక ఈ మూవీ క్రిస్మస్ కానుకగా ప్రేక్షకుల ముందుకు రానున్నట్లుగా ప్రకటించింది చిత్రయూనిట్. ప్రస్తుతం ఈ మూవీ షూటింగ్ చివరిదశలో ఉంది. ఇందులో రెండు పాటలు, కొన్ని యాక్షన్ సన్నివేశాలు అక్కడే చిత్రీకరించాల్సి ఉంది. కానీ ప్రస్తుత పరిస్థితుల నేపథ్యంలో షూటింగ్‏కు బ్రేక్ పడిందని టాక్ వినిపిస్తోంది. ప్రస్తుతం తెలుగు రాష్ట్రాల్లో గులాబ్ తుఫాన్ కారణంగా కురుస్తున్న వర్షాల దృష్ట్యా షూటింగ్ జరిపే అవకాశం లేదని.. అందుకే పరిస్థితులు మెరుగుపడే వరకు షూటింగ్ వాయిదా వేయాలని చూస్తున్నారట మేకర్స్. ఒకవేళ పరిస్థితులు ఇలాగే కొనసాగితే.. అక్టోబర్ చివరి నాటికి సినిమా పూర్తిచేయడం కష్టమే అంటున్నారు . దీంతో ఈ వర్షాల ప్రభావం.. సినిమా రిలీజ్ డేట్ పై ఎఫెక్ట్ కానున్నట్లుగా టాక్ నడుస్తోంది.

ట్వీట్..

Our fiercest #PushpaRaj‘s heart melts at the sight of his love ❤️

Meet @iamRashmika as #Srivalli ?#SoulmateOfPushpa #PushpaTheRise #ThaggedheLe ?@alluarjun @aryasukku @ThisIsDSP @adityamusic @PushpaMovie pic.twitter.com/TFqIGaGGyF

— Mythri Movie Makers (@MythriOfficial) September 29, 2021