Payal Rajput:’నీ ప్రేమను మిస్ అవుతున్నా.. నువ్వెక్కడున్నా ప్రశాంతంగా ఉండాలి’ ఇయర్ ఎండింగ్‌లో పాయల్ ఎమోషనల్
ఆసక్తికరమైన కథ, కథనాలు, గ్రిప్పింగ్‌ స్క్రీన్‌ప్లే, బీజీఎమ్‌, థ్రిల్లింగ్‌ ఎలిమెంట్స్‌.. ఇలా అన్నీ అంశాలు పుష్కలంతో ఉండడంతో మంగళవారం మూవీకి బాగానే కలెక్షన్లు వచ్చాయి. ఇప్పుడీ హార్రర్‌ థ్రిల్లర్‌ మూవీ ఓటీటీలోనూ స్ట్రీమింగ్‌ అవుతోంది. డిజిటల్‌ స్ట్రీమింగ్‌లోనూ పాయల్ రాజ్ పుత్ సినిమాకు మంచి రెస్పాన్స్ వస్తోంది. మంగళవారం సక్సెస్‌తో పాయల్ రాజ్‌పుత్‌కు సినిమా అవకాశాలు క్యూ కడుతున్నాయి.
మంగళవారం సినిమాతో మళ్లీ సక్సెస్‌ ట్రాక్‌ ఎక్కింది టాలీవుడ్‌ హాట్‌ బ్యూటీ పాయల్ రాజ్ పుత్. ఆర్‌ ఎక్స్‌ 100తో బ్లాక్ బస్టర్‌ ఎంట్రీ ఇచ్చిన ఈ ముద్దుగుమ్మకు ఆ తర్వాత అన్ని పరాజయాలే పలకరించాయి. రవితేజ, వెంకటేశ్‌ వంటి స్టార్‌ హీరోలతో నటించినా దురదృష్టమే వెక్కిరించింది. తమిళ్‌, కన్నడ సినిమాల్లో నటించినా విజయం దక్కలేదు. దీంతో తనకు మొదటి హిట్‌ అందించిన అజయ్‌ భూపతి డైరెక్షన్‌లోనే మంగళ వారం సినిమా చేసింది. నవంబర్‌ 17న థియేటర్లలో విడుదలైన ఈ సినిమా సూపర్ హిట్‌గా నిలిచింది. ఆసక్తికరమైన కథ, కథనాలు, గ్రిప్పింగ్‌ స్క్రీన్‌ప్లే, బీజీఎమ్‌, థ్రిల్లింగ్‌ ఎలిమెంట్స్‌.. ఇలా అన్నీ అంశాలు పుష్కలంతో ఉండడంతో మంగళవారం మూవీకి బాగానే కలెక్షన్లు వచ్చాయి. ఇప్పుడీ హార్రర్‌ థ్రిల్లర్‌ మూవీ ఓటీటీలోనూ స్ట్రీమింగ్‌ అవుతోంది. డిజిటల్‌ స్ట్రీమింగ్‌లోనూ పాయల్ రాజ్ పుత్ సినిమాకు మంచి రెస్పాన్స్ వస్తోంది. మంగళవారం సక్సెస్‌తో పాయల్ రాజ్‌పుత్‌కు సినిమా అవకాశాలు క్యూ కడుతున్నాయి. అయితే ఇలాంటి సంతోష సమయంలో పాయల్ ఇంట్లో విషాదం నెలకొంది. ఆమె ఎంతో ప్రేమగా పెంచుకుంటోన్న పెట్‌ డాగ్‌ క్యాండీ హఠాత్తుగా చనిపోయింది.
ఎంతో ప్రేమగా చూసుకుంటోన్న పెట్‌ డాగ్‌ ఉన్నట్లుండి కన్నుమూయడంతో పాయల్ ఎమోషనలైంది. తన ఆవేదనను సామాజిక మాధ్యమాల్లో షేర్ చేసుకుంది. పెట్‌ డాగ్‌తో కలిసున్న ఫొటోలను ఇన్‌స్టాగ్రామ్‌లో షేర్ చేసిన పాయల్ ‘ ‘నీ హగ్స్, నీ ప్రేమని మిస్ అవుతున్నా. నువ్వు ఇంకా నా పక్కనే ఉన్నట్టు అనిపిస్తోంది. నిన్ను ఎంతగానో ప్రేమించాను. ప్రేమ అంటే ఏంటో తెలిసేలా చేశావ్. ఇకపై నా జీవితాంతం నిన్ను మిస్ అవుతూనే ఉంటాను.. .. నువ్వెక్కడున్నా ప్రశాంతంగా, సంతోషంగా ఉండాలి.. నీ ఆత్మకు శాంతి చేకూరాలి’ అని ఎమోషనల్ నోట్‌ రాసుకొచ్చింది. ప్రస్తుతం ఈ పోస్ట్ సామాజిక మాధ్యమాల్లో వైరల్‌గా మారింది. ప్రస్తుతం తెలుగులో కిరాతక అనే సినిమాలో నటిస్తోంది పాయల్. అలాగే తమిళంలో గోల్‌మాల్‌, ఏంజెల్‌ అనే సినిమాల్లో నటిస్తూ బిజీగా ఉంటోందీ అందాల తార.
పాయల్ రాజ్ పుత్ ఇన్ స్టాలో షేర్ చేసిన ఎమోషనల్ పోస్ట్
ఓటీటీలో మంగళవారం సినిమాకు సూపర్ రెస్పాన్స్..
మరిన్ని సినిమా వార్తల కోసం ఇక్కడ క్లిక్ చేయండి.