Tollywood: తండ్రిగా ప్రమోషన్ పొందిన టాలీవుడ్ క్రేజీ హీరో.. ఎమోషనల్ వీడియో వైరల్

Tollywood Actor

సినిమా ఇండస్ట్రీలో ఎలాంటి బ్యాక్ గ్రౌండ్ లేదు. సూచనలు ఇచ్చే గాడ్ ఫాదర్ కూడా లేడు. అయినా స్వయం కృషితో ఇండస్ట్రీలోకి అడుగు పెట్టాడు. మొదట్లో చిన్న చిన్న సినిమాలు చేశాడు. క్రమంగా తన నటనతో మంచి గుర్తింపు తెచ్చుకున్నాడు. ఆ తర్వాత సోలో హీరోగానూ సక్సెస్ అయ్యాడు. రామ్ గోపాల్ వర్మ లాంటి సంచలన డైరెక్టర్ల సినిమాల్లోనూ నటించి మెప్పించాడు. తెలుగుతో పాటు తమిళ్, కన్నడ భాషల్లో వరుసగా సినిమాలు చేస్తోన్న ఈ హీరో ప్రస్తుతం బిజి బిజీగా ఉంటున్నాడు. అయితే ఇప్పుడీ హ్యాండ్సమ్ హీరో ఒక శుభవార్త చెప్పాడు. తాను తండ్రిగా ప్రమోషన్ పొందినట్లు వెల్లడించాడు. ఈ మేరకు సోషల్ మీడియాలో ఒక ఎమోషనల్ వీడియోను షేర్ చేశాడు. ప్రస్తుతం ఈవీడియో నెట్టింట వైరల్ గా మారింది. పలువురు సినీ ప్రముఖులు, అభిమానులు, నెటిజన్లు ఈ హీరోకు అభినందనలు, శుభాకాంక్షలు తెలుపుతున్నారు. ఇంతకీ ఆ హీరో ఎవరనుకుంటున్నారు? రామ్ గోపాల్ వర్మ కొండా సినిమాతో అందరి దృష్టిని ఆకర్షించిన అదిత్‌ అరుణ్‌ అలియాస్ త్రిగుణ్‌.

చెన్నైకు చెందిన త్రిగుణ్‌ 2023 సెప్టెంబర్‌లో నివేదిత అనే అమ్మాయిని పెళ్లి చేసుకున్నారు. తమిళనాడు తిరుపురులో జరిగిన వీరి వివాహ వేడుకకు పలువరు సినీ ప్రముఖులు, రాజకీయ నాయకులు హాజరయ్యారు. వీరి పెళ్లి ఫొటోలు కూడా అప్పట్లో నెట్టింట బాగా వైరలయ్యాయి. తమ ప్రేమ బంధానికి ప్రతీకగా ఇప్పుడు పండంటి ఆడబిడ్డకు జన్మనిచ్చారీ దంపతులు. దీని కంటే ముందు నివేదిత సీమంతం ఘనంగా జరిగింది. ఇందుకు సంబంధించిన ఫోటోలు, వీడియోలను త్రిగుణ్ సోషల్ మీడియాలో షేర్ చేశాడు.

భార్య సీమంతం వేడుకల్లో హీరో త్రిగుణ్..

కథ సినిమాతో హీరోగా ఎంట్రీ ఇచ్చాడు త్రిగుణ్. వీకెండ్ లవ్, తుంగ భద్ర, పీఎస్వీ గరుడ వేగ, మనసుకు నచ్చింది, 24 కిసెస్, డియర్ మేఘా, WWW, కొండా, కడేవర్, ప్రేమ దేశం, డెవిల్, లైన్ మ్యాన్, ఉద్వేగం, మనమే, జిగిల్ తదితర సినిమాల్లో నటించి మెప్పించాడు. ప్రస్తుతం ఈ హీరో చేతిలో పలు తెలుగు, తమిళ సినిమాలున్నాయి.

భార్య నివేదితతో త్రిగుణ్..

మరిన్ని సినిమా వార్తల కోసం ఇక్కడ క్లిక్ చేయండి.