Arjun Sarja : నా చుట్టూ ఉండేవాళ్లే నన్ను మోసం చేశారు.. శోభన్ బాబు చెప్పినా వినిపించుకోలేదు.. హీరో అర్జున్ సర్జా..
టాలీవుడ్ ఇండస్ట్రీలో తనకంటూ ప్రత్యేకమైన ఫ్యాన్ ఫాలోయింగ్ సంపాదించుకున్న హీరో అర్జున్ సర్జా. కన్నడలో టాప్ హీరో అయినప్పటికీ తెలుగులోనూ మంచి క్రేజ్ ఉందన్న సంగతి తెలిసిందే. ఆయన నటించిన ఒకే ఒక్కడు సినిమాకు గురించి చెప్పక్కర్లేదు. నటుడిగా, దర్శకుడిగా అలరిస్తున్నారు. ఇప్పుడు ఆయన కూతురు కథానాయికగా తెరంగేట్రం చేస్తున్న సంగతి తెలిసిందే.
కన్నడ హీరో, యాక్షన్ కింగ్ అర్జున్ సర్జా గురించి ప్రత్యేకంగా పరిచయం అక్కర్లేదు. ఆయనకు తెలుగులోనూ మంచి ఫ్యాన్ ఫాలోయింగ్ ఉంది. తెలుగులో అర్జున్ సర్జా నటించిన చిత్రాలు బ్లాక్ బస్టర్ హిట్టయ్యాయి. మా పల్లెలో గోపాలుడు మూవీతో తెలుగు తెరకు పరిచయమయ్యాడు. ఆ తర్వాత ఒకే ఒక్కడు సినిమాతో భారీ విజయాన్ని అందుకున్నారు. దశాబ్దాలుగా సినీరంగంలో యాక్టివ్ గా ఉన్న అర్జున్.. దాదాపు 180కి పైగా సినిమాల్లో నటించారు. అయితే తన 46 ఏళ్ల సినీ జీవితంలో ఎంతో మంది తనను మోసం చేశారని ఇటీవల ఓ ఇంటర్వ్యూలో వెల్లడించారు. తన పిల్లల కోసం పెద్దగా ఆస్తులు కూడబెట్టలేదని.. తన చుట్టూ ఉండేవాళ్లే తనను మోసం చేశారని చెప్పుకొచ్చారు. తనకు ఏమి తెలియని వయసులో మోసం చేశారని.. అందరూ తనను తప్పుదోవ పట్టించారని అన్నారు.
ఎక్కువ మంది చదివినవి: Folk Song : ఏం పాట రా బాబు.. యూట్యూబ్ను షేక్ చేస్తున్న ఫోక్ సాంగ్.. వింటే స్టెప్పు వేయాల్సిందే..
అర్జున్ సర్జా మాట్లాడుతూ.. “సంపాదించే సమయంలో నేను ఎలాంటి పెట్టుబడులు పెట్టలేదు. నన్ను చాలా మంది మోసం చేశారు. ఇప్పుడు వారందరి పేర్లు చెప్పడం నాకు ఇష్టం లేదు. ఇండస్ట్రీలో నా చుట్టూ ఉండేవాళ్లే నాకు ఏమీ తెలియని వయసులో నన్ను మోసం చేశారు. చిన్న వయసులోనే డబ్బు వస్తోంది. కానీ ఎక్కడ పెట్టుబడులు పెట్టాలి అనేది నాకు అప్పుడు తెలియలేదు. కానీ నా వాళ్లే నన్ను తప్పుదోవ పట్టించారు. ఆరోజుల్లో నేను సరిగ్గా పెట్టుబడి పెట్టి ఉంటే ఇప్పుడు భారీగా ఆస్తులు ఉండేవి. పెట్టుబడులు ఎక్కడ పెట్టాలో హీరో శోభన్ బాబు గారు చాలాసార్లు చెప్రారు. డబ్బు వృథా చేస్తున్నావ్ జాగ్రత్త అని హెచ్చరించారు. కానీ అప్పుడు ఆయన చెప్పే మాటలు నా బుర్రకు ఎక్కలేదు. ఆయనతో కలిసి సనిమాలు చేశాను. అప్పుడే ఇద్దరం చాలా క్లోజ్ అయ్యం. మా బంధం చూసి చాలా మంది ఆశ్చర్యపోయేవారు. ఆయన మాట విని ఉంటే ఇప్పుడు బాగుండేది ” అంటూ చెప్పుకొచ్చారు అర్జున్.
ఎక్కువ మంది చదివినవి: JD Chakravarthi: అది బూతు పాట అని నాకు తెలీదు.. ఒక్కసారిగా షాకయ్యా.. నటుడు జేడీ చక్రవర్తి.
అర్జున్ సర్జా.. ఇప్పటికీ సినిమాల్లో యాక్టివ్ గా ఉంటున్నారు. మైసూర్ లోని మధుగిరిలో జన్మించిన అర్జున్.. సౌత్ ఇండస్ట్రీలో తనదైన ముద్ర వేశారు. ఇప్పుడు ఆయన దర్శకత్వం వహిస్తున్న సినిమా సీతా పయనం. ఫిబ్రవరి 14న ఈ మూవీ విడుదల కానుంది. ఇందులో ఆయన కుమార్తె కథానాయికగా పరిచయం కాబోతుంది.
ఎక్కువ మంది చదివినవి: Director Rajamouli : అతడి కోసం 15 ఏళ్లుగా వెయిటింగ్.. ఎప్పుడెప్పుడు కలిసి సినిమా చేద్దామా అని చూశా.. ఎస్ఎస్ రాజమౌళి..
ఎక్కువ మంది చదివినవి: Tollywood : టీమిండియాలో తోపు క్రికెటర్.. ఒక్క తప్పుతో తీహార్ జైలుకు.. ఇప్పుడు హీరోగా రచ్చ..