Bigg Boss 8 Telugu: బిగ్ బాస్‌ బిగ్ ట్విస్ట్.. ఈ వారం డబుల్ ఎలిమినేషన్.. ఆ ఇద్దరు కంటెస్టెంట్స్ బయటికే!

Bigg Boss 8 Telugu

బుల్లితెర ప్రేక్షకుల ఫేవరెట్ టీవీ షో బిగ్‌బాస్ తెలుగు సీజ‌న్ 8లో నాలుగో వారం చివ‌రికి వ‌చ్చేసింది. మొత్తం 14 మంది కంటెస్టెంట్స్ తో ప్రారంభమైన ఈ సీజన్ లో ఇప్పటికే ముగ్గురు ఎలిమినేట్ అయ్యారు. మొదటి వారం బెజవాడ బేబక్క, రెండో వారం శేఖర్ బాషా, మూడో వారం అభయో నవీన్ హౌస్ నుంచి బయటకు వెళ్లిపోయారు. ప్ర‌స్తుతం హౌస్‌లో 11 మంది మాత్రమే ఉన్నారు. ఎప్పటిలాగే ఈ వారం కూడా అంద‌రి దృష్టి ఎవ‌రు ఎలిమినేష‌న్ కాబోతున్నారు అన్నదానిపైనే ఉంది. ఈ వారం మొత్తం ఆరుగురు కంటెస్టెంట్స్ నామినేషన్స్ లో ఉన్నారు. నాగ మణికంఠ, ప్రేరణ, నబీల్, సోనియా, ఆదిత్య ఓం, పృథ్వీ లు ఈ జాబితాలో ఉన్నారు. ఇక ఈ వారం బిగ్ బాస్ ఓటింగ్ ప్రక్రియ కూడా ముగిసింది. ఈ నేపథ్యంలో నామినేష‌న్స్‌లో ఉన్న ఆరుగురిలో తెలంగాణ పోరగాడు న‌బిల్‌కు ఎక్కువ ఓట్లు ప‌డిన‌ట్లుగా సోష‌ల్ మీడియాలో ప్రచారం జరుగుతోంది. అలాగే ప్రేర‌ణ‌, నాగ మ‌ణికంఠ‌ల‌కు సైతం భారీగానే ఓట్లు పోల అయ్యాయని టాక్ నడుస్తోంది. పృథ్వీ, సోనియా, ఆదిత్య ఓం లకు మాత్రం తక్కువ ఓట్లు నమోదయ్యాయని, ప్రస్తుతం వీరే డేంజర్ జోన్ లో ఉన్నారని సమాచారం. అయితే ఆదిత్య ఓం ఈ వీక్ లో బిగ్ బాస్ హౌస్ నుంచి బయటకు వెళ్లే అవకాశాలున్నాయని నెట్టింట టాక్ నడుస్తోంది.

అయితే నాలుగో వారం ఎలిమినేషన్స్ ప్రక్రియలో బిగ్‌బాస్ బిగ్ ట్విస్ట్ ఇచ్చే అవ‌కాశాలు లేక‌పోలేద‌ంటున్నార. ఈసారి డ‌బుల్ ఎలిమినేష‌న్ ఉంటుంద‌ని టాక్. ఆదిత్య ఓం తో పాటు సోనియా ఆకులను సైతం ఎలిమినేట్ చేసే అవ‌కాశం ఉంద‌ంటున్నారు. అయితే సోనియాను ఎలిమినేట్ చేసిన‌ట్లే చేసి సీక్రెట్ రూమ్‌లోకి పంపిస్తార‌ని మరో టాక్ వినిపిస్తోంది.

ఆదిత్య ఓం తో పాటు..

అయితే ఏదీ ఏమైన‌ప్ప‌టికి ఆదిత్య ఓం మాత్రం బిగ్ బాస్ హౌస్ నుంచిబ‌య‌ట‌కు రానున్నాడ‌ని గట్టిగా ప్రచారం జరుగుతోంది. .మ‌రి ఈ వారం డ‌బుల్ ఎలిమినేష‌న్ ఉంటుందా? సింగిల్ ఎలిమినేష‌న్ ఉంటుందా? అన్నద తెలియాలంటే ఆదివారం నాటి ఎపిసోడ్ ప్ర‌సారం అయ్యే వ‌ర‌కు వేచి చూడ‌క త‌ప్ప‌దు.

బిగ్ బాస్ లేటెస్ట్ ప్రోమో..

మరిన్ని సినిమా వార్తల కోసం ఇక్కడ క్లిక్ చేయండి.