Coolie OTT: అఫీషియల్.. ఓటీటీలోకి ‘కూలీ’.. రజనీకాంత్ 500 కోట్ల సినిమా స్ట్రీమింగ్ ఎక్కడంటే?

Coolie Movie

రజనీకాంత్‌ హీరోగా నటించిన లేటెస్ట్ మూవీ కూలీ. టాలీవుడ్‌ నుంచి నాగార్జున, బాలీవుడ్‌ నుంచి ఆమిర్‌ ఖాన్‌, మాలీవుడ్‌ నుంచి సౌబిన్‌ షాహిర్‌, సాండల్‌వుడ్‌ నుంచి ఉపేంద్ర తదితర స్టార్స్ కీలక పాత్రలు పోషించారు. అలాగే శ్రుతి హాసన్, రచితా రామ్, రెబామోనికాజన్, సత్యరాజ్ వివిధ పాత్రల్లో మెరిశారు. ఇక పూజా హెగ్డే మోనికా పాటతో ఆడియెన్స్ ను ఉర్రూతలూగించింది. లోకేశ్ కనగరాజ్ తెరకెక్కించిన ఈ యాక్షన్ థ్రిల్లర్ మూవీ స్వాతంత్ర్య దినోత్సవం కానుకగా ఆగస్టు 14న ప్రేక్షకుల ముందుకు వచ్చింది. కొన్ని చోట్ల మిక్స్ డ్ టాక్ వచ్చినా ఓవరాల్ గా సూపర్ హిట్ గా నిలిచింది. కూలీ సినిమాకు ప్రపంచవ్యాప్తంగా రూ.500 కోట్లకు పైగా వసూళ్లు వచ్చినట్లు ట్రేడ్ నిపుణులు చెబుతున్నారు. రజనీ మార్క్ యాక్షన్, నాగార్జున విలనిజం, షౌబిన్ షాహిర్, రచితా రామ్ ల పెర్ఫామెన్స్ , ఉపేంద్ర, ఆమిర్ ఖాన్ ల కామియో రోల్స్ సినిమా విజయంలో హైలెట్ గా నిలిచాయి. అలాగే అనిరుధ్ స్వరాలు, బీజీఎమ్ కూడా కూలీ సినిమా విజయంలో కీలక పాత్ర పోషించాయి.  థియేటర్లలో ప్రేక్షకులను అలరించిన కూలీ మూవీ ఇప్పుడు ఓటీటీలో సందడి చేయనుంది. తాజాగా దీనిపై అధికారిక ప్రకటన వెలువడింది. కూలీ సినిమా డిజిటల్ స్ట్రీమింగ్ హక్కులను ప్రముఖ ఓటీటీ సంస్థ అమెజాన్ ప్రైమ్ వీడియో సొంతం చేసుకుంది.

ఈ నేపథ్యంలో సెప్టెంబర్‌ 11 నుంచి కూలీ సినిమా ఓటీటీ స్ట్రీమింగ్ కు రానుంది. ఈ మేరకు తమ సోషల్ మీడియా ఖాతాల్లో స్పెషల్‌ పోస్టర్‌ రిలీజ్ చేసింది అమెజాన్ ప్రైమ్ వీడియో. తమిళ్ తో పాటు తెలుగు, కన్నడ, మలయాళ భాషల్లో ఈ సినిమా స్ట్రీమింగ్ కు అందుబాటులోకి రానుంది. అయితే హిందీ వెర్షన్ ఓటీటీ రిలీజ్‌ గురించి మాత్రం ఎటువంటి అప్‌డేట్‌ ఇవ్వలేదు. బహుశా కూలీ హిందీ వర్షన్‌ మరో ఓటీటీ ప్లాట్‌ఫామ్‌లోకి రానుందేమో. కూలీ సినిమాకు అనిరుధ్ స్వరాలు సమకూర్చారు. సన్ పిక్చర్స్ సంస్థ భారీ బడ్జట్ తో ఈ సినిమాను నిర్మించింది.

మరో వారం రోజుల్లో స్ట్రీమింగ్..

మరిన్ని సినిమా వార్తల కోసం ఇక్కడ క్లిక్ చేయండి.