God OTT: అప్పుడే ఓటీటీలోకి నయనతార సైకో క్రైమ్‌ థ్రిల్లర్‌.. ‘గాడ్’ స్ట్రీమింగ్ ఎప్పుడంటే?
సౌతిండియన్‌ లేడీ సూపర్‌ స్టార్‌ నయనతార, జయం రవి ప్రధాన పాత్రల్లో నటించిన చిత్రం ఇరైవన్‌. తెలుగులో గాడ్‌గా రిలీజైంది. ఐ.అహ్మద్ దర్శకత్వంలో తెరకెక్కిన ఈ సైకో క్రైమ్‌ థ్రిల్లర్‌ మూవీ సెప్టెంబర్‌ 28 తమిళంలో విడుదలై సూపర్‌ హిట్‌ టాక్‌ను తెచ్చుకుంది. దీంతో రెండు వారాల తర్వాత తెలుగులోనూ గాడ్ పేరుతో థియేటర్లలో రిలీజ్‌ చేశారు.
సౌతిండియన్‌ లేడీ సూపర్‌ స్టార్‌ నయనతార, జయం రవి ప్రధాన పాత్రల్లో నటించిన చిత్రం ఇరైవన్‌. తెలుగులో గాడ్‌గా రిలీజైంది. ఐ.అహ్మద్ దర్శకత్వంలో తెరకెక్కిన ఈ సైకో క్రైమ్‌ థ్రిల్లర్‌ మూవీ సెప్టెంబర్‌ 28 తమిళంలో విడుదలై సూపర్‌ హిట్‌ టాక్‌ను తెచ్చుకుంది. దీంతో రెండు వారాల తర్వాత తెలుగులోనూ గాడ్ పేరుతో థియేటర్లలో రిలీజ్‌ చేశారు. అక్టోబర్‌ 13న విడుదలైన ఈ మూవీ ఇక్కడ పాజిటివ్‌ టాక్‌ తెచ్చుకుంది. బాక్సాఫీస్‌ వద్ద ఓ మోస్తరు కలెక్షన్లు రాబట్టింది. అయితే అప్పుడే ఈ సైకో క్రైమ్‌ థ్రిల్లర్‌ మూవీ డిజిటల్‌ స్ట్రీమింగ్ కు సిద్ధమైంది. ప్రముఖ ఓటీటీ ప్లాట్‌ఫామ్‌ నెట్‌ ఫ్లిక్స్‌ గాడ్ సినిమా డిజిటల్‌ స్ట్రీమింగ్ రైట్స్‌ను సొంతం చేసుకుంది. ఈ నేపథ్యంలో అక్టోబర్‌ 26 నుంచి ఈ సినిమాను ఓటీటీ ప్లాట్‌ఫామ్‌లోకి అందుబాటులోకి తీసుకురానుంది. తమిళ్‌తో పాటు తెలుగు, హిందీ, కన్నడ, మలయాళ భాషల్లోనూ గాడ్ సినిమా స్ట్రీమింగ్ కు రానుంది.
అమ్మాయిలను క్రూరంగా చంపిందెవరు?
గాడ్ సినిమాలో నయనతార, జయం రవితో పాటు వినోద్ కిష‌న్‌, రాహుల్ బోస్, విజ‌య‌ల‌క్ష్మి, న‌రైన్‌, ఆశిష్ విద్యార్థి , చార్లీ, అశ్విన్‌ కుమార్, భగవత్ పెరుమాల్‌ త‌దిత‌రులు ప్రధాన పాత్రలు నటించారు. ప్యాషన్‌ స్టూడియోస్‌ బ్యానర్‌పై సుధన్ సుందరం, జి.జయరాం, సి.హెచ్.సతీష్ కుమార్ ఈ సినిమాను సంయుక్తంగా నిర్మించారు. యువన్‌ శంకర్‌ రాజా స్వరాలు సమకూర్చారు. ఇక సినిమా కథ విషయానికి వస్తే.. సిటీలో సైకో కిల్లర్ (రాహుల్ బోస్) అమ్మాయిలను అపహరించి అతి కిరాతకంగా చంపేస్తుంటాడు. అతనిని ఐపీఎస్‌ ఆఫీసర్‌ అర్జున్‌ (నయనతార) పట్టుకుంటారు. అయితే ఆ కిల్లర్‌ను పట్టుకున్న తర్వాత కూడా అమ్మాయిల హత్యలు జరుగుతుంటాయి. మరి అసలు వాళ్లని చంపేది ఎవరు? ఎందుకు అలా క్రూరంగా ప్రవర్తిస్తున్నారు? అర్జున్‌ ఆ సైకో కిల్లర్‌ను పట్టుకున్నాడా? ఇందులో ప్రియ (నయనతార) పాత్ర ఏంటో తెలుసుకోవాలంటే గాడ్ సినిమా చూడాల్సిందే. థియేటర్లలో ఈ సైకో థ్రిల్లర్‌ మూవీని మిస్‌ అయి ఉంటే ఎంచెక్కా ఓటీటీలో చూసి ఎంజాయ్‌ చేయండి.
మరో రెండు రోజుల్లోనే స్ట్రీమింగ్..
గాడ్ సినిమా ట్రైలర్..
మరిన్ని సినిమా వార్తల కోసం ఇక్కడ క్లిక్ చేయండి..