Bigg Boss OTT Telugu: ‏బిగ్‏బాస్ కొత్తింటిని చూపించిన నాగార్జున.. ఇక గ్యాప్ లేకుండా చూసేయండి అంటూ ప్రోమో రిలీజ్..

Nagarjuna

నో కామా.. నో ఫుల్ స్టాప్. ఇకపై నాన్ స్టాప్ ఎంటర్‏టైన్మెంట్.. ఇదే ఇప్పుడు ‏బిగ్‏బాస్ ఓటీటీ (Bigg Boss OTT) ట్యాగ్ లైన్. ఇకపై కేవలం గంట మాత్రమే కాకుండా.. 24 గంటలు వినోదాన్ని అందించనుంది ‏బిగ్‏బాస్ ఓటీటీ తెలుగు. ఇప్పటికీ ఓటీటీ లోగో ప్రోమో రిలీజ్ చేస్తూ.. ఈనెల 26 నుంచి ‏బిగ్‏బాస్ ఓటీటీ షో ప్రారంభం కాబోతుందంటూ ప్రకటించిన సంగతి తెలిసిందే. ప్రముఖ ఓటీటీ సంస్థ డిస్నీ ప్లస్ హాట్ స్టార్‏లో ఈనెల 26న నుంచి ప్రసారం కానుంది. ఇక గత సీజన్లకు హోస్ట్‏గా వ్యవహరించిన కింగ్ నాగార్జున ఈ ఓటీటీ ‏బిగ్‏బాస్ షోకు హోస్ట్‏గా వ్యవహరించనున్నారు. అయితే ఈ షో ఈనెలలోనే ప్రారంభం కాబోతుందని తెలిసినప్పటి నుంచి ఇందులో పాల్గోనబోయే కంటెస్టెంట్స్ వీళ్లే అంటూ సోషల్ మీడియాలో చర్చ నడుస్తోంది. ఇప్పటివరకు జరిగిన సీజన్లలోని పలువురు కంటెస్టెంట్స్‏తోపాటు.. సోషల్ మీడియాలో ఫేమస్ అయినవారు కూడా పాల్గోనపోతున్నట్లుగా టాక్ వినిపిస్తోంది.

ఇదిలా ఉంటే.. ‏బిగ్‏బాస్ ఓటీటీ షో తెలుగు రేపటి నుంచి ప్రసారం కాబోతుందని తెలియజేస్తూ.. ఓ ప్రోమోను రిలీజ్ చేశారు నిర్వాహకులు. అందులో ‏బిగ్‏బాస్ ఓటీటీ కొత్తింటిని చూపించారు. కొత్తింటిని నాగార్జున కూర్చుని.. ఇక పై ‏బిగ్‏బాస్ గంట మాత్రమే చూశారు.. ఇప్పుడు గ్యాప్ లేకుండా చూసేయండి అంటూ చెప్పుకొచ్చాడు నాగ్. తాజాగా విడుదలైన ప్రోమోలో ‏బిగ్‏బాస్ ఓటీటీ ఇంటిని విభిన్నంగా..సరికొత్తగా కలర్‏ఫుల్‏గా డిసైన్ చేసినట్లుగా కనిపిస్తుంది. ఈ షో రేపు (ఫిబ్రవరి 26న) సాయంత్రం 6 గంటలు స్ట్రీమింగ్ కానుట్లుగా ప్రకటించారు నిర్వాహకులు. మొత్తానికి ‏బిగ్‏బాస్ ఓటీటీపై క్లారిటీ ఇచ్చేశారు మేకర్స్.

ఇక ఇందులో పాల్గోనబోయే కంటెస్టెంట్స్‏ను సెలక్ట్ చేశారని.. వారిని క్వారంటైన్‏లో ఉంచారని సమాచారం. యాంకర్ స్రవంతి, ఆవకాయ సినిమా హీరోయిన్ బింధుమాధవి.. యాంకర్ శివ ఉన్నట్లు సమాచారం. ఇక మాజీ కంటెస్టెంట్స్‏గా అందులో ధనరాజ్, ముమైత్ ఖాన్.. తనీష్, ఆదర్శ్, మహేష్ విట్టా, అషు రెడ్డి, అరియానా, అఖిల్ సార్థక్, సరయూ, హమీదా, నటరాజ్ మాసర్ బిగ్‏బాస్ మాజీ కంటెస్టెంట్స్ గా పాల్గోనబోతున్నట్లుగా టాక్.

Also Read: Bheemla Nayak Review: స‌మ్మర్ సినిమాల‌కు శుభారంభం.. భీమ్లా నాయ‌క్‌.. పర్‌ఫెక్ట్‌ మూవీ రివ్యూ..

Ram gopal Varma: ‘భీమ్లా నాయక్‌ ఒక భూకంపం.. హిందీలో విడుదల చేయాల్సిందే’.. ఆర్జీవీ ఇంట్రెస్టింగ్‌ కామెంట్స్..

Bheemla Nayak: భీమ్లా నాయక్‌ సినిమాపై స్పందించిన చంద్రబాబు, లోకేష్‌.. ఏమన్నారంటే..

Viral Photo: ఇతడి డైలాగ్ గర్జనలా ఉంటుంది.. ఫైట్ యుద్ధంలా ఉంటుంది.. ఎవరో గుర్తించారా