Hanuman: హనుమాన్‌ కంటే శ్రీ ఆంజనేయం సినిమా బెటర్.. కృషవంశీ రియాక్షన్ ఇదే

ఎలాంటి అంచనాలు లేకుండా వచ్చిన హనుమాన్ సినిమా రికార్డ్ స్థాయిలో కలెక్షన్స్ సాధించింది. యంగ్ హీరో తేజ సజ్జ హీరోగా ప్రశాంత్ వర్మ దర్శకత్వంలో ఈ సినిమాను తెరకెక్కించారు. హనుమంతుడి వల్ల ఓ సామాన్య యువకుడికి అద్భుత శక్తులు వస్తే ఎలా ఉంటుంది. ప్రజలను అతను ఎలా రక్షించాడు అనే కథాంశంతో ఈ సినిమాను తెరకెక్కించాడు ప్రశాంత్ వర్మ.

Hanuman

Updated on: Feb 12, 2024 | 5:16 PM

సంక్రాతికి రిలీజ్ అయిన సినిమాల్లో చిన్న సినిమాగా వచ్చి సంచలన విజయం సాధించింది హనుమాన్. హనుమాన్ సినిమా దెబ్బకు చాలా సినిమాలు డీలా పడ్డాయి. ఎలాంటి అంచనాలు లేకుండా వచ్చిన హనుమాన్ సినిమా రికార్డ్ స్థాయిలో కలెక్షన్స్ సాధించింది. యంగ్ హీరో తేజ సజ్జ హీరోగా ప్రశాంత్ వర్మ దర్శకత్వంలో ఈ సినిమాను తెరకెక్కించారు. హనుమంతుడి వల్ల ఓ సామాన్య యువకుడికి అద్భుత శక్తులు వస్తే ఎలా ఉంటుంది. ప్రజలను అతను ఎలా రక్షించాడు అనే కథాంశంతో ఈ సినిమాను తెరకెక్కించాడు ప్రశాంత్ వర్మ. ఈ సినిమా పాన్ ఇండియా హిట్ గా నిలిచి ఏకంగా 300కోట్లకు పైగా వసూల్ చేసింది. హనుమాన్ సినిమా పై ప్రేక్షకుల తో పాటు సినీ సెలబ్రెటీలు కూడా ప్రశంసలు కురిపించారు.

అయితే గతంలో క్రియేటివ్ డైరెక్టర్ కృష్ణవంశీ తెరకెక్కించిన శ్రీ ఆంజనేయం సినిమాతో పోల్చుతున్నారు. కృష్ణవంశీ దర్శకత్వంలో వచ్చిన శ్రీ ఆంజనేయం సినిమాలోహీరోగా నితిన్ నటించాడు.ఈ సినిమాలో హనుమంతుడిగా యాక్షన్ కింగ్ అర్జున్ కనిపించారు. అయితే ఈ సినిమా ప్రేక్షకులను నిరాశపరిచింది. కానీ నితిన్, అర్జున్ నటనకు మంచి మార్కులు పడ్డాయి. అయితే కొంతమందికి ఈ సినిమా నచ్చింది చాలా మందికి నచ్చలేదు.

తాజాగా సోషల్ మీడియా వేదికగా చాలా మంది హనుమాన్ సినిమా కంటే శ్రీ ఆంజనేయం సినిమా బెటర్ అంటూ కామెంట్స్ చేస్తున్నారు. కృష్ణవంశీ అప్పట్లోనే ఇదే కథతో సినిమా చేశారు. ప్రేక్షకులే ఆ సినిమాను ఫ్లాప్ చేశారు అంటూ కామెంట్స్ చేస్తున్నారు. ఈ కామెంట్స్ పై తాజాగా దర్శకుడు కృష్ణవంశీ స్పందించారు. కృష్ణ వంశీ స్పందిస్తూ.. దయచేసి ప్రేక్షకులను తిట్టకండి అని అన్నారు. నా సినిమా విషయంలో ఎక్కడో తప్పు జరిగింది. సినిమాలో కొన్ని అంశాలు కొందరికి నచ్చలేదు అన్నారు. మీ కామెంట్స్ కు కృతజ్ఞతలు అని కృష్ణ వంశీ రిప్లై ఇచ్చారు. అయితే కొందరు నెటిజన్స్ ఛార్మి ఎపిసోడ్స్ వల్లే సినిమా ఫ్లాప్ అయ్యింది. ఆమె లేకుంటే సినిమా హిట్ అయ్యేది అని కామెంట్స్ చేశారు. దానికి కృష్ణవంశీ రిప్లే ఇస్తూ.. గాడ్ బ్లెస్ యు అని రాసుకొచ్చారు. ఈ కామెంట్స్ ఇప్పుడు వైరల్ గా మారాయి.

కృష్ణ వంశీ ట్విట్టర్ లేటెస్ట్ పోస్ట్..

Audience r never wrong .. they didn’t like it means there was a mistake r problem of reachability .. so dnt blame audience sir .. may b I was wrong AT some portions .. THQ 🙏♥️ God bless https://t.co/RBumH9z4nm

— Krishna Vamsi (@director_kv) February 11, 2024