ప్రభుదేవాతో జోడీ కట్టేందుకు సిద్ధమైన ‘చందమామ’ బ్యూటీ.. రొమాంటిక్ కామెడీగా రాబోతున్న..

ప్రస్తుతం టాలీవుడ్ అగ్రహీరోయిన్లలో కాజల్ అగర్వాల్ ఒకరు. ‘లక్ష్మీ కళ్యాణం’ సినిమాతో తెలుగు ఇండస్ట్రీలో అడుగుపెట్టింది. ఆ తర్వాత అగ్రహీరోల సరసన కూడా నటించింది. ఇక ఇటీవలే ముంబై వ్యాపారవేత్త గౌతమ్ కిచ్లును పెళ్లి చేసుకొని.. వైవాహిక జీవితంలోకి అడుగుపెట్టింది. ఇక పెళ్లి తర్వాత కూడా వరుస ఆఫర్లను అందుకుంటూ ఫుల్ బిజీగా మారిపోయింది కాజల్. ప్రస్తుతం మెగాస్టార్ చిరంజీవి నటిస్తున్న ఆచార్య సినిమాలో నటింస్తోంది. దీనికి కొరటాల శివ దర్శకత్వం వహిస్తున్నాడు.

అంతేకాకుండా కమల్ హాసల్ ప్రధాన పాత్రలో తెరకెక్కుతున్న ఇండియన్-2 సినిమాలో నటిస్తోంది. తాజా సమాచారం ప్రకారం కాజల్ మరో సినిమాకు కూడా ఓకే చెప్పిందంట. కొరియోగ్రాఫర్, దర్శకుడు ప్రభుదేవాతో కలిసి మొదటిసారి జతకట్టనుంది ఈ అమ్మడు. ఈ చిత్రానికి తమిళ సినిమా గులేబకావలి ఫేం కళ్యాణ్ దర్శకత్వం వహిస్తున్నారు. రొమాంటిక్ కామెడి కథాంశంతో ఈ చిత్రం తెరకెక్కనున్నట్లుగా తెలుస్తోంది. ఇందుకు సంబంధించిన పూర్తి వివరాలు త్వరలోనే వెలువడనున్నాయి.

Also Read:

Pittakathalu: నాలుగు విభిన్న స్టోరీస్‌తో ‘పిట్ట కథలు’.. మహిళా సమస్యలపై దర్శకులు ఏం చెబుతున్నారంటే..