Shakuntalam movie : ‘శాకుంతలం’ సర్వం సిద్ధం చేస్తున్న గుణశేఖర్.. మ్యూజిక్ సిట్టింగ్స్ కూడామొదలెట్టేసాడట..

Shakuntalam movie :  సంచలన దర్శకుడు గుణశేఖర్‌ ఇటీవల ‘శాకుంతలం’ అనే టైటిల్‌తో ఓ ప్యాన్‌ ఇండియా మూవీని ప్రకటించిన విషయం తెలిసిందే. దగ్గుబాటి రానాతో చేయాలనుకున్న ‘హిరణ్యకశ్యప’ కంటే ముందు ఈ చిత్రం రూపొందించనున్నట్లుగా తెలుపుతూ.. ‘శాకుంతలం’కు సంబంధించిన మోషన్‌ పోస్టర్‌ను కూడా ఆయన విడుదల చేశారు. మెలోడీ బ్రహ్మ మణిశర్మ మ్యూజిక్‌తో వచ్చిన ఆ మోషన్‌ పోస్టర్‌ ఆకర్షణీయంగా ఉంది.

వెస్ట్రన్‌ భాషల్లో అనువాదం అయిన భారతీయ నాటకాల్లో మొదటిది ‘శాకుంతలం’. ఈ సినిమాలో అందాల భామ సమంత హీరోయిన్ గా నటిస్తుంది. మహాభారత గాథలోని ఆదిపర్వం నందు గల శకుంతల – దుష్యంత మహారాజు ప్రేమ కథ ఆధారంగా ఈ చిత్రం తెరకెక్కనుంది. మణిశర్మ స్వరాలు సమకూర్చనున్నారు. ఇక దుష్యంతుడి పాత్రలో ఎవరు నటిస్తారనేది తెలియాల్సి ఉంది. ఇటీవలే దీనికి సంబంధించిన సెట్ ను గుణ పరిశీలించాడు. అలానే ఒకవైపు కాస్టింగ్ పనులు కూడా చూసుకుంటూనే.. మ్యూజిక్ సిట్టింగ్స్ కూడా మొదలుపెట్టారని తెలుస్తోంది. ఈ క్రమంలో ‘శాకుంతలం’ కోసం కూడా సంగీతానికి ప్రాధాన్యత ఇస్తున్నట్టు తెలుస్తుంది.