Actor Kishore: సినీ పరిశ్రమలో విషాదం.. క్యానర్స్‌తో కన్నుమూసిన యువ నటుడు..!
చిత్ర పరిశ్రమలో వరుస విషాదకర ఘటనలు కలకలం రేపుతున్నాయి. ఇటీవల ప్రముఖ నటి మీనా భర్త చెన్నైలో మృతి చెందిన విషయం తెలిసిందే. తాజాగా మరో ప్రముఖ నటుడు కేవలం 30 ఏళ్లకే కన్నుమూశారు.
Actor Kishore: చిత్ర పరిశ్రమలో వరుస విషాదకర ఘటనలు కలకలం రేపుతున్నాయి. ఇటీవల ప్రముఖ నటి మీనా భర్త చెన్నైలో మృతి చెందిన విషయం తెలిసిందే. తాజాగా మరో ప్రముఖ నటుడు కేవలం 30 ఏళ్లకే కన్నుమూశారు. అస్సామీ నటుడు కిశోర్ దాస్ క్యాన్సర్‌తో పోరాడుతూ కన్నుమూశాడు. క్యాన్సర్‌తో చెన్నైలోని ఓ ఆసుపత్రిలో చికిత్స పొందుతూ శనివారం అతడు తుదిశ్వాస విడిచాడు. దీంతో సినీ పరిశ్రమలో విషాదం అలుముకున్నది.
అస్సామీ నటుడు కిషోర్ దాస్ క్యాన్సర్ నాలుగో దశకు చెన్నైలో చికిత్స పొందుతున్నారు. ఈ క్రమంలోనే పరిస్థితి విషమించడంతో ప్రాణాలను కోల్పోయాడు. క్యాన్సర్‌కు చికిత్స తీసుకుంటున్న సమయంలోనే కొవిడ్‌-19 సమస్యలతో బాధపడుతున్నాడు. కొంత కాలం గౌహతిలో కూడా చికిత్స పొందారు. నటుడు గత నెలలో ఆసుపత్రిలో ఉండగా, సోషల్ మీడియాలో ఓ ఫోటో షేర్‌ చేశారు. అందులో అతను ఆసుపత్రి బెడ్‌పై కనిపించాడు. కాగా, ఈ పోస్ట్‌ ప్రస్తుతం సోషల్ మీడియాల వైరల్‌గా మారింది.
అసోంలోని కమ్రూప్‌ ఆయన స్వస్థలం. అయితే, కరోనా ప్రొటోకాల్స్‌ నేపథ్యంలో అంత్యక్రియలను శనివారం సాయంత్రం చెన్నైలో నిర్వహించారు. అస్సామీ ఇండ్రస్టీలో ఎక్కువగా పని చేసిన కిశోర్ దాస్.. బిధాత, బంధున్, నెదేఖా ఫగన్ తదితర అస్సామీ టెలివిజన్‌ షోలతో మంచి గుర్తింపును పొందాడు. అలాగే కిశోర్ దాస్ అస్సామీలో 300కి పైగా మ్యూజిక్ వీడియోల్లో నటించాడు. ‘తురుట్‌ తురుట్‌’ పాట.. అస్సామీ ఓవర్‌ నైట్‌ స్టార్‌గా ఎదిగాడు. దాస్ చివరిసారిగా ‘దాదా తుమీ డస్తో బోర్’ అనే అస్సామీ చిత్రంలో కనిపించాడు.
మరిన్ని ఎంటర్టైన్‌మెంట్ న్యూస్ కోసం ఇక్కడ క్లిక్ చేయండి