మాటల మాంత్రికుడితో సూపర్‌స్టార్ కటీఫ్..! ప్రూఫ్ ఇదేనా..?
మాటల మాంత్రికుడు త్రివిక్రమ్ శ్రీనివాస్ గురువారం 48వ పుట్టినరోజును జరుపుకున్నాడు. ఈ సందర్బంగా సినీ ప్రముఖుల నుంచి ఆయనకు శుభాకాంక్షలు వెల్లువెత్తాయి. త్రివిక్రమ్‌తో పనిచేసిన వారే కాకుండా.. ఆయనపై అభిమానం ఉన్న నటీనటులు కూడా గురూజీకి అభినందనలు తెలిపారు. అయితే త్రివిక్రమ్‌తో పనిచేసిన సూపర్‌స్టార్ మహేష్ బాబు, దేవీ శ్రీ ప్రసాద్ విషెస్ చెప్పకపోవడంపై ఇప్పుడు పలు రకాల పుకార్లు వినిపిస్తున్నాయి. కాగా మహేష్ బాబుతో అతడు, ఖలేజా రెండు సినిమాలను తెరకెక్కించాడు త్రివిక్రమ్. ఇవి అనుకున్నంత […]
Updated on: Nov 08, 2019 | 3:44 PM
మాటల మాంత్రికుడు త్రివిక్రమ్ శ్రీనివాస్ గురువారం 48వ పుట్టినరోజును జరుపుకున్నాడు. ఈ సందర్బంగా సినీ ప్రముఖుల నుంచి ఆయనకు శుభాకాంక్షలు వెల్లువెత్తాయి. త్రివిక్రమ్‌తో పనిచేసిన వారే కాకుండా.. ఆయనపై అభిమానం ఉన్న నటీనటులు కూడా గురూజీకి అభినందనలు తెలిపారు. అయితే త్రివిక్రమ్‌తో పనిచేసిన సూపర్‌స్టార్ మహేష్ బాబు, దేవీ శ్రీ ప్రసాద్ విషెస్ చెప్పకపోవడంపై ఇప్పుడు పలు రకాల పుకార్లు వినిపిస్తున్నాయి.
కాగా మహేష్ బాబుతో అతడు, ఖలేజా రెండు సినిమాలను తెరకెక్కించాడు త్రివిక్రమ్. ఇవి అనుకున్నంత విజయాలను ఇవ్వనప్పటికీ.. మహేష్ కెరీర్‌లో మాత్రం గుర్తుండిపోయే సినిమాల లిస్ట్‌లో ఉంటాయి. అలాగే మహేష్‌తో పలు యాడ్స్‌ను కూడా తెరకెక్కించాడు మాటల మాంత్రికుడు. ఈ క్రమంలో వీరిద్దరి మధ్య మంచి సాన్నిహిత్యం కూడా ఉండేది. అయితే ఏమైందో తెలీదు గానీ రాను రాను ఈ బంధం కాస్త తగ్గుతూ వచ్చింది. ఇక తాజాగా గురూజీ బర్త్‌డేకు విష్ కూడా చేయలేదు మహేష్. మరోవైపు గురువారం లోకనాయకుడు కమల్ పుట్టినరోజు కాగా ఆయనకు విషెస్ చెప్పి, త్రివిక్రమ్‌కు చెప్పకపోవడంపై నెటిజన్లు విమర్శిస్తున్నారు. ఆయనతో పనిచేసి కూడా విషెస్ చెప్పలేదంటూ కొంతమంది కామెంట్లు చేస్తున్నారు. అయితే దీనిపై మహేష్ అభిమాన వర్గం మరోలా స్పందిస్తోంది. ఫోన్ చేసి అభినందనలు చెప్పి ఉండొచ్చు కదా అంటూ వారు కవర్ చేస్తున్నారు. ఏదేమైనా మాటల మాంత్రికుడితో సూపర్‌స్టార్‌కు కటీఫ్ అయ్యిందా..? వీరిద్దరి కాంబినేషన్‌లో ఇకపై సినిమాలు రావా..? అన్న ప్రశ్నలు ఫిలింనగర్‌లో బలంగా వినిపిస్తోంది.
మరోవైపు దేవీ శ్రీ ప్రసాద్ కూడా త్రివిక్రమ్‌కు పుట్టినరోజు శుభాకాంక్షలను చెప్పలేదు. నిజానికి చెప్పాలంటే ‘సన్నాఫ్ సత్యమూర్తి’ సమయంలో వీరిద్దరి మధ్య విబేధాలు వచ్చాయని.. అందులో ‘అఆ’ నుంచి త్రివిక్రమ్, డీఎస్పీతో పనిచేయడం లేదని అప్పట్లో పుకార్లు గట్టిగా వినిపించాయి. కానీ ఈ పుకార్లకు అటు దేవీ శ్రీ, ఇటు త్రివిక్రమ్ ఇద్దరూ స్పందించారు. కొత్తదనం కోసం తాను డీఎస్పీతో పనిచేయడం లేదని త్రివిక్రమ్ చెప్పగా.. సినిమాలకు పనిచేయనప్పటికీ, ఇప్పటికీ తామిద్దరి మధ్య మంచి అనుబంధం కొనసాగుతూ ఉందని దేవీ చెప్పుకొచ్చారు. అయినా వీరిద్దరి మధ్య ఇప్పటికీ కోల్డ్ వార్ నడుస్తుందని.. అందుకే డీఎస్పీ కూడా త్రివిక్రమ్‌కు విష్ చేయలేదని తెలుస్తోంది. ఇక్కడ ఇంకో విషమేంటంటే గురువారం స్వీటీ అనుష్క పుట్టినరోజు కాగా.. మహేష్, డీఎస్పీ ఇద్దరూ ఆమెకు కూడా విష్ చేయకపోవడం.
